لنبدأ...
عاد الجميع لمنازلهم في اليوم التالي واستمر كل شخص في حياته منهم من اضاف شريكا في يومه ومنهم من يحترق قلبه بسبب ما قيل له ،
لا عجب في ان العشق مخيف لبعض الناس فألمه يستطيع تدميرك ومحاولتك في الظفر بحبيبك تستنفذ طاقتك ولكن لذه الوصول له لا يضاهيها شيئ في الكون،
اليوم الثالث علي التوالي لا يستطيع النوم فيه يفكر بها وما قالته له لا يتذكر انه وجهه اي من هذه الكلمات لها فالطالما كانت مدللته حتي فصلت نفسها هي عنه ظن في البدايه ان السبب هو سنها ولكن نفورها منه ومن حديثه معها لدرجه وصلت لتغيبها عن التجمعات العائليه جعلته يتيقن انها اصبحت تكرهه وبعد ما قالته بالأمس فهو تأكد من الشيئ الذي اخبره به عقله ونفاه قلبه ، لا يعلم ماذا يفعل يريدها حبيبه وزوجه له لكن هي تضع اسوار عاليه بينهما تخطيها سيكون صعب للغايه ولكن كل شيئ يهون لأجل عيناها
حمزه: مش هقدر انساكي ولا افكر في غيرك علشان كده انت هتبقي ملكي والسور اللي بنيتيه ده ههده فوق نفوخك وابوكي بس الصبر
ماسه "الصغيره": حمزه ممكن ادخل
حمزه: تعالي يا حبيبتي
ماسه: طب كويس انك صاحي يلا علشان تفطر ونروح الشركه النهارده اول يوم ليا وليك
حمزه: اخيرا اقتنعتي انك تشتغلي معانا
ماسه: لا ما انا مش مقتنعه بس ابوك حلف بالطلاق علي نور فخوفت علي خراب بيتها دي وليه غلبانه بردو
حمزه: لا فيكِ الخير يا اختي انزلي يلا وانا هلبس وجاي وراكي
ماسه: اوكي يا موزه تيك كير
حمزه"بعصبيه ": قولتلك متقوليش مووزه دي
ماسه: اعااا هتتحول لي احنا لسه علي الصبح خلاص تيك كير يا هندسه هدي بقا
حمزه: غوري يا بت
ماسه: حاضر هغور بس متزقش بس
حمزه: وربي عيله مجانين مفي واحد فيها عاقل اي الحظ المهبب ده
في الأسفل
ماسه: اي ده انت صحيت جود مورنينج يا ملوكه
مالك: صباح النور يا قرده ملوكه
ماسه"بغمزه ": انا يبختي اني همشي معاك كده
نورين: احترمي نفسك يا بت ده جوزي
ماسه: يوه ما اهو ابويا برضو وليا حق فيه
نورين: كسر حوقك يا اختي
مالك: باااس الله يكرمكم مش عايز صداع علي الصبح
ماسه: اوبا قصده انك صداع يا نور
نورين"بشر ": انا صداع يا مالك
مالك: انت احلي صداع في حياتي هو انا اعرف اعيش من غير دوشتك ده انت روحي كده
نورين"بحب ": ربنا يخليك يا ابو العيال
مالك"وهو يقبل يدها ": ويخليكي يا قلب ابو العيال
ماسه: هيييح انا عايزه يبقا عندي ابو عيال انا كمان
نورين: بس يا معنسه
ماسه:هجبلكم حاجه علي الفرازه بس الصبر
نورين: طبعا طبعا اومال
حمزه: صباح الخير
الجميع: صباح النور
مالك: يلا يا هندسه افطر بسرعه علشان متأخرين
حمزه: حاضر يا بابا
مالك: بت يا ماسه عللا اشوفك سايبه شغلك وبتتسرمحي مع بنات العيله ماشي
ماسه: متقلقش اماليا وجايدا هينفخوني لو عملت كده
مالك: حصل دول اللي مطمنني اصلا ،حمزه هتاخد نور توصلها لخالتك عشق وبعدها تيجي علي الشركه
حمزه: حاضر يا بابا
في منزل عمر
كانت ترتدي اماليا بدله باللون الاسود وغطاء رأس باللون الرمادي يشبه عيناها بينما يرتدي انس ملابس رياضيه باللون الرمادي
عمر: يعني البنت لابسه فورمال والولد لابس كاجول الدنيا حالها اتشقلب في البيت عندي
أنس: اي يا بوب انا شغلي النهارده دلع دلع وبعدها هطلع علي النادي اتدرب لكن اماليا طول اليوم في مكتب وحاجه تقرف
اماليا: مش احسن من الشغل الصايع بتاعي
أنس: علي الاقل مش طول اليوم بعمل قواضي وبتاع شئون قانونيه ده الاسم لوحده يعقد
عمر: كتك خيبه في عيالك يا عمر يا ابن ام عمر
لين: اي يا عمري ما انت كنت بتروح نفس الشركه بهدوم اسبورت زي ابنك
أنس"بسخريه ": اصلا اومال عامل حوار لي
عمر: انا براحتي انت لا
أنس: ماشي يا حج
عمر: مش هتوصل اختك
أنس: هو انا خلفتها ونسيتها ؟
عمر"بمكر ": انت حر بس انت ناسي ان رهف شغاله مع أماليا
أنس: اااه لا دي اختي حبيبتي لازم اوصلها بس اطلع اغير بس كده بسرعه
أماليا"بسخريه": تغير لي يا حبيبي عندك انترفيو عندنا ولا اي
أنس: لا لازم اشرفك قدام صحابك
لين: حبيب امه قمر في كل حاجه
عمر: قمر بالستر
أماليا: الله يكون في عونك يا رهف ويساعدك
عمر: امها كانت داعيه عليها
أنس"وهو يحرك حاجبيه ": دي دعيالها اني من بختها
لين"وهي تقبل خده ": صح يا قلب ماما
عمر"بغيره ": ما تبوسيهوش وانت يلا انجز نفسك هتأخر اختك
أنس"بغمزه ": حاضر يا عمووره هسيبلك الجو
أنت تقرأ
عشق أحفاد الهواري 2
Humorمرحبا بكم اعزائي القراء واهلا بكم في رحله جديده من جنون هذه العائله اعتقدكم انها النهايه ؟! لا فهي فقط البدايه
