في يوم جديد في القصر الذي شهد الكثير هو وابطاله ونحن ايضا معه تراه من بعيد تود لو ان تعيش بداخله ولو يوم واحد فقط ولكن ان اقتربت ولو قليلا ستتيقن بأنك يا عزيزي ولله الحمد تم انقاذك من جنون غير منتهي في هذه العائله التي لا تكل ولا تمل عن جعل حياتهم عباره عن مواقف كوميديه،
ظننتم بل انا ايضا ظننت معكم ان الاحفاد قد حطموا الارقام القياسيه في الجنون والعشق ولكن كان لأبناءهم رأي اخر هيا لنري ؟!
في قصر الهواري
احدي الخادمات: بسرعه يا بنات النهارده اول جمعه في الشهر وكله جاي لازم القصر يكون فل لأن شويه وستات البيت هتلاقوهم هنا علشان يجهزوا اكل اليوم
الجميع: حاضر
وكان اول الحاضرين هم نورين ورغد
نورين: رغد رنيتي علي الباقي؟
رغد: ايوه يا بنتي زمانهم جايين
نورين: طيب يلا احنا علي المطبخ
عشق ولين وليان "بصوت مرتفع ":يا وااااطيه انت وهي داخلين من غيرنا
نورين"بسخريه":ياريتني جبت سيره مليون جنيه
عشق:اي يا بت الاستقبال الحلو ده ولا كإني بايته في حضنك يعني
نورين: يا شيخه اتنيلي ده هما اربع اسابيع يعني اللي مشوفتكيش فيهم مش حوار
عشق: اي يا بت الجحود ده
رحيق"بملل": خلاص يا نور صلي علي النبي وانتي يا ماما اللي شتمتي الاول استحملي بقا
نورين: شوفتي خليتي بنتك الرقاصه اللي تحكم بينا
رحيق: يوه بقا يا خااالتو قولنا مدربه مدربببه اي خلاني رقاصه يعني
نورين"بشر": بت انتي قولتي اي
رحيق"بخوف ": اي ده مين شكل تيمو بينادي عليا
وركضت للخارج حتي تتفادي شر نورين
نورين" بغضب ":اه يا رحيق الكلب انا خالتو انااا ده انا اصغر منك
عشق: خلاص يا نور يا حبيبتي اهدي
نورين: شوفتي بنتك شوفتي مربيتهاش دي لي
عشق: يا شيخه اتنيلي بقا ما هي طالعالك نفس الشخصيه الزفت
نورين: شوفوا قله الادب انا عرفت رحيق جيباه منين
ماسه الكبيره وهي تتدخل مع الفتيات: في اي يا نور صوتك عالي لي
رهف: ده العادي يعني هو اي الجديد كل يوم تجمع تبقا كده
نورين:ماشي يا جزمه والله لأوريكي بس الصبر
رغد: بس يا بت يا نور اخرسي بقا
اسيا: متزعلوش تيتا بقا يولاد
نورين: حتي انتي يا بنت ليييث
ماسه الصغيره"وهي تقبل رأسها": حقك عليا انا يا نوري يلا يا حبيبتي نجهز الفطار قبل الصلاه ممكن
نورين"وهي تنظر لأبنتها بحب ": علشان خاطرك انتِ بس
رغد: بتيجي قدام بناتها الاتنين تبقا زي الكلبه
نورين: انا محترمه بس انتم اللي بيخرجوا اسوأ ما فيا والله
دخلت ملك وابنتها فيروزه
ملك: مالك بس يا نور مين مزعلك
نورين"بحزن": شوفتي يا ملك كلهم جايين عليا
فيروزه"بتأثر ": يعيني يا نور ده انتي مظلومه اوي
ملك: يا بنت الهبله هي دي حد يعرف يظلمها دي تظلم بلد لوحدها
فيروزه: بس يا مامي هما اللي بيعصبوها
نورين: اه والله يا فيري هما اللي بيخلوا بياعه الفجل اللي جوايا تخرج
ملك"بقرف ": بياعه فجل بت ابعدي عن بنتي البت بسكوته ومش عايزاها تلقط منك كفايه علينا رحيق ورهف وكنز واسيا بقوا شبههك
نورين: لا لحد هنا ولن اسمح البت رحيق سافله زي اماليا مش تبعي دول
اماليا: الاه وانا مالي يا لمبي
نورين: ما انتِ بنت عمر السافل
اماليا: يوه بقا وانا مالي بأبويا
لين: جرا يا حبيبتي ماله عمر يا اختي ،وانت يا كلبه بتتبري من ابوكي
اماليا: ماهو جايبلنا الكلام اهو
نورين"وهي تنظر لها ثم نظرت لملك": شوفتي مش قولتلك سافله
ماسه الصغيره: طيب يا جماعه ممكن ندخل نخلص اللي ورااانا لغايه ما طنط انجي وجايدا يوصلوا
الجميع: طيب
أنت تقرأ
عشق أحفاد الهواري 2
Humorمرحبا بكم اعزائي القراء واهلا بكم في رحله جديده من جنون هذه العائله اعتقدكم انها النهايه ؟! لا فهي فقط البدايه
