استغفروا ❤
لنبدأ
استيقظ البعض بكل نشاط للإستعداد للذهاب للمزرعه والبعض الاخر مازال نائما
ذهب حمزه لغرفه ابيه وامه ففتح له مالك
حمزه: صباح الخير يا بابا
مالك: صباح النور يا حبيبي
حمزه: ماما فين؟
مالك: لسه هي واختك نايمين
حمزه: طيب والشنط مين هيحضرها
مالك: انا يا اخويا اللي بحضر بتاعتي انا وامك ولو خلصت ولقيت ماسه لسه نايمه بعملها هي كمان
حمزه"بسخريه": بقا الكينج بيحضر شنط علي اخر الزمن
مالك:اه ، مهي مش شنط اي حد دول بتوع اميراته الاتنين
حمزه: اميرااااات!!!
مالك: ولا غور يلا صحي اختك
حمزه"بشر ": عنيا يا حج
بعد ان انطلق حمزه يصفر بإستمتاع لغرفه شقيقته نظر في اثره مالك ثم قال مستعجبا: هو رايح يقتلها ولا اي "ثم رفع كتفيه بلا مبالاه" يلا كلبين وراحوا عصفورين بحجر واحد
فتح باب غرفتها بهدوء شديد فهو ناوي علي أخذ ثأره من هذه الشيطانه الصغيره لكن ليس ما ينوي المرء فعله ينفذه ،
رأها بهذا المنظر الملائكي ابتسم لها بحنان فهي نقطه ضعفه الوحيده منذ الصغر كان يهتم بها بحنان ابوي ،
استلقي بجانبها علي الفراش يمسد خصلاتها الصفراء الشبيهه بوالدته وهو يهمس بأسمها بهدوء
حمزه: ماسه ،ماسه حبيبتي اصحي يلا
ماسه: يا زوزو سيبني نايمه شويه
حمزه"بضحك شديد ": حتي وانت نايمه قليله الادب اصحي يا حبيبي يلا حضري شنطك علشان هنتحرك بعد الفطار
ماسه: انا مرتبه هدومي في المنظمات بابي هيجي يحطها بس في الشنطه الكبيره بس كده سيبني بقا انام يا حمزه
حمزه"بحنان وهو يقبل رأسها ":نامي يا قلب حمزه
نهض من جانبها بهدوء حتي لا يتعكر نومها مره اخري واتجه ليحضر هو امتعتها وبينما هو منشغل بترتيبها دخل عليه ابيه
مالك"بسخريه": اي ده ابن الكينج بيجهز شنط علي اخر الزمن تؤتؤ مش عاجبني كده
حمزه: ما هي مش بتاعه اي حد دي بتاعه اميرتي
مالك: يا راااجل
حمزه: اه والله ،انا عندي اغلي منها برضو يا ملوكه اينعم هي قليله الادب وبتقل من هيبتي بس بحبها
مالك"بضحك": ولا بنتي شقيه مش قليله الادب
حمزه: طبعا طبعا
مالك"وهو يحضتنه": ربنا يخليك ليها ولينا يا حمزه
حمزه: ويخليك لينا يا حاج
مالك: هروح بقا اشوف الباقي صحي ولالا وانت لما تخلص صحيها علشان تفطر
حمزه: حاضر
انهي حمزه حزم امتعه شقيقته ثم هبط للأسفل وقابل مازن علي الدرج
مازن: صباح الفل يا حمزه
حمزه: صباح الفل يا مازن اي كله نزل؟
مازن: لا يا باشا مش كله الكبار لسه بس رحيق ماسكه في خناق فراس تحت
حمزه: ده لي!!
مازن: مش عارف انا نزلت في نص الخناقه وبعدها طلعت اجيب فوني ونازل اشوف الباقي
حمزه: طيب يلا نشوف
في الأسفل كانت هناك معركه بين رحيق وفراس وجايدا التي انضمت تدافع عن رحيق
فراس: ازاي توافقيها علي حاجه زي دي
رحيق: هو انت مش بتسمع ولا اي بقولك اختك كانت عايزاه افضحه قدامها ازاي
فراس: يعني اي ازاااااي
حمزه: فراااااس
فراس:نعم
حمزه: في اي لكل العصبيه دي
جايدا"بسخريه": بس اللي لفتك العصبيه بس مش انه واقف بيتعصب علي بنت عمه
حمزه"ببرود ": انا موجهتش ليكِ كلام يبقا مش محتاج رأيك
جايدا: والله انا حره اتكلم واقول رأيي براحتي ما دام صح
حمزه: ومين قال انه صح؟
رحيق"بشراسه": وانت اي دخلك هو النقاش معاك اصلا وانت يا فراس انا متكلمتش علشان مكسرش قلب اختك رهف مش اكتر ولا اقل انت عايز تعمل ده يرجعلك
مازن: جماعه صلوا علي النبي الكبار هينزلوا دلوقتي ومش هيبقا كويس لو حد منهم اتتدخل
فراس: انا هسكت بس الموضوع ده ليه تكمله
رحيق: وانا مليش كلام معاك تاني يا فراس
حمزه: رحيق كلمي ابن عمك بطريقه كويسه ده اكبر منك
رحيق: اتمني متتدخلش انت كمان وتخليك في حالك
جايدا: انتم جايين بعد خمس سنين تفرضوا سيطرتكم علينا وعاملين كبار انسوا
عدي"وهو يهبط علي الدرج": جايداااااا
جايدا: نعم
عدي: اتفضلي جوه في اوضه السفره يلا
جايدا: ماشي يا عدي
عدي: انا اسف يا حمزه انت وفراس
أدهم"ببرود ": وانا مش اسف اختي مغلطتش وحتي لو غلطت محدش ليه الحق يشخط فيها ،تعالي يا رحيق ندخل نستني الباقي جوه
رحيق: يلا
أنت تقرأ
عشق أحفاد الهواري 2
Humorمرحبا بكم اعزائي القراء واهلا بكم في رحله جديده من جنون هذه العائله اعتقدكم انها النهايه ؟! لا فهي فقط البدايه
