فراس: تعرفي يا ماسه ان الانسان بعد ما بيموت بيقعد سبع دقايق يفتكر احلي ذكريات حياته ؟
ماسه: لا معرفش بس اي يعني انت لسعت ولا اي كلامك مش موزون
فراس"وهو ينظر لها بحب ": السبع دقايق دول هفتكر فيهم ذكرياتي الحلوه اللي فاتت واللي جايه وانا متأكد ان كلهم هيكونوا معاكي انت يا ماسه
ماسه"وهي تلكمه في وجهه ": وسع يلااااا من وشي
فراس: نهار ابوكي اسوووود والله
ماسه"وهي تركض من امامه": الحقوووووني يا ملوووووكه انت فين
فراس: ولا سليم نفسه هيشيلك من تحت ايدي يا ماااسه
اثناء دخولها للمنزل وجدت فهد يتحدث بهاتفه
ماسه: الحقني يا فهوده ابنك هياكلني
فهد: ابني هياكلك لي كده ده لسه فاطر ؟
ماسه: مش وقت هزار دلوقتي ابنك هيموووتني
فراس: بتتحامي في ابويا يا ماسه قولتلك حتي سليم مش هيعرف يشيلك من تحت ايدي
ماسه"وهي تخرج رأسها من خلف فهد ": عيب كده يا فراس باباك واقف اعمله احترام
فراس"بغضب ": وكمان بتسخني ابويا علي ماشي ماشي
فهد: اي ياض يا ابن الكلب انت مالك ومال البت
فراس: ضربتني بالبوكس في وشي
فهد: واي يعني كده كده مش هيأثر بسبب فرق الاحجام
فراس: انا مالي ومال التأثير تتضربني لي هي؟
ماسه: يا فهد كان بيقولي كلام عيب
فهد: نهارك اسود كلام عيب اي يلا
فراس: عيييب اييي هو علشان بقولك عايز الحاجه اللي افتكرها وانا بموت انت يبقا عيب
ماسه: اه عيب
فهد"بمكر": وانت عايز تفتكرها لي يا حبيبي ما العيله طويله عريضه اهو
ماسه: قوله بقا يا فهد قوله ابنك قليل الادب بجد
فراس: يا بت متقوليش قليل الاادب دي
ماسه: هقول وهروح اقول لحمزه ومالك كمان
فهد: ماسه حبيبتي انا هحل الموضوع ده بس متقوليش لبابا واخوكي ماشي؟
ماسه: حاضر يا فهوده
فهد: ربنا يكملك بعقلك يا حبيبتي اطلعي بقا لأمك فوق علشان عايزه تتطلق من ابوكي وحمزه هيولع في البيت
ماسه"بحماس": اوعا الاكشن
فراس: البت دي هبله بجد
فهد: لما هي هبله حضرتك بتحبها لي ؟
فراس: انا لسه مش متأكد من مشاعري مش عارف دي مشاعر من زمان وحنين ليها ولا فعلا انا بحبها
رغد: لا يا عين امك بتحبها
فهد: اتفق يا عينها
فراس: شايفين كده يعني
فهد: ايوه بس الحوار مش هيبقا سهل لو عديت من مالك وحمزه مش هتعدي من نور
رغد: سيبولي انا الوليه دي كده كده انا كنت هاخد البت ماسه ليك سواء عاجبك ولالا
فراس: اي يا ماما ده هو احنا في العصر الحجري
رغد: لا بس البت دي علي دماغي بصراحه رقاصه كده وحلوه فهي او رحيق كنت هلبسك في واحده منهم
فهد"بخبث": رحيق محجوزه
رغد: اي ده لمين ؟
فهد"بغمزه" : هتعرفي قريب يا حبيبتي
(بالأعلي)
دخلت غرفه والديها وجدت ليث وماسه يأكلون المسليات ومستمعين وكأنهم يشاهدون احد الافلام في السينما
ماسه"وهي تأخد من الطبق امامهم ": هي العركه جامده المره دي
ماسه الكبيره: ايوه نور عايزه تتطلق وتاخدك انت وحمزه
ليث: يا مالك خلصنا وطلقها
نورين: بس يلا انت خليك ساكت محدش طلب رأيك
ليث: انا بنصحه لوجه الله بس مش اكتر
مالك: اوف يا نور قولتلك انا معرفش مين اللي باعته دي والله
نورين: طلقني انا مش هينفع اعيش مع واحد خاين دي بتقولك لما تعرف تزوغ من البومه كلمني علشان وحشتني
مالك: يا حبيبتي والله مش بخونك انا بموت فيكي يا نور ومعرفش مين بعتت المسدج دي والله
حمزه: يا ماما مالك هيخونك ازاي بس ده كل الناس فاكرينك عملاله عمل من كتر ما هو بيحبك
مالك: قولها يا ابني قولها
حمزه: وحتي لو خانك عادي يعني غلطه ومش هتتكرر تاني
مالك: اسكت يلا اسكتتت
نورين: انا هتطلق والفيلا هاخدها علشان انا ام حاضنه
حمزه"بسخريه": حاضنه اي يا امي انا داخل علي 30 سنه
نورين"بغضب": تعرف تسكت انت
مالك: يا نور اعقلي بقا يا حبيبتي اعقلي
حمزه: وريني كده فونك يا بابا
مالك: تحت
رحيق"التي دخلت للتو ": خد يا حمزه بيه انا جبته اهو سلاح الجريمه
حمزه: يارب الصبر علي العيله دي هاتي
رحيق: نرفوز اوي
حمزه: طيب يا نور الرقم ده بتاع فهد الجديد اصلا يعني اللي عمل المقلب ده هو
مالك: والنعمه لأنفخه
نورين: وانا كمان هقطعله شعره ضبع باشا ده
ليث: ماسه ما تيجي نقعد سوا شويه قبل ما العيله بنت الهبله دي يعملوا اكشن تاني
ماسه الكبيره: تعالي يا روحي نقعد سوا
ماسه الصغيره: رايقين اوي ليث وماسه دول
رحيق: حصل في مايه البطيخ
حمزه: يلا يا حبايبي بيتك بيتك الخناقه خلصت
رحيق: انت يا عم انت بتكرشني
حمزه: اه ، عندك مانع ؟
رحيق: لا معنديش ربنا علي الظالم
(في الحديقه)
أدهم: اي يا روحي شوفتي الفستان
كنز: تحفه يا ادهومي بجد
أدهم"بحب": علشان انت بس اللي لبساه ،حبيبتي بتزين اي حاجه بتلبسها
كنز: ربنا يخليك ليا يا حبيبي
أدهم: ويخليكي ليا
زين: ويخليني ليكم يا حبايبي
أدهم: يا صبر ايوب اي موقفك هنا يا زين
زين: كنت بدور علي بنتي ومش لاقيها قولت اكيد أدهم خاطفها في حته
أدهم: مهي مراتي اخطفها براحتي
كنز: يا بابا بوظت اللحظه
زين: اتلمي يا بت انت
كنز: يوه بقا
أدهم: هو انت مش ناوي تعملي فرحي؟!
زين: لما مازن يخطب الاول
أدهم"بعصبيه ": وانا مالي ومال مازن انا
زين: يرضيك اجوز الصغيره والكبير لسه سنجل؟
أدهم: ماهي الصغيره متجوزه اصلا ناقص الفرح بس
زين: مش مشكلتي بقا روح اقنع مازن يتلحلح وساعتها هعملك فرح
أدهم: ااااااعاااا يا سلييييييم
زين: جوزك قفوش اوي يا كنز بجد وعصبي كمان خدي بالك منه
كنز: ادهومي ده سكر عمره ما اتعصب عليا ولا أذاني حتي بكلمه بحبه اوي يا زين
زين"وهو يقبل رأسها ": وانا بحبه علشان هو الوحيد اللي هيعرف يحافظ عليكي يا كنز
كنز: بحبك اوي يا بابا
زين: وبابا بيموت فيكي
(بالداخل)
سليم:هو انتم مكبرتوش علي المواضيع دي
رحيم: اهبل من عيالهم بجد
فهد: يا عمي انا عملت مقلب خفيف بس علشان نور معصباني فقولت اعصبها اي المشكله بقا
مالك: مقلب اييي ده كانت هتتطلق يا ابني
فهد: ما انا كنت هحل الحوار قبل ما المأذون يجي عادي
نورين"بسخريه": لا كتر خيرك
رغد: جرا اي يا ست انت ملكيش دعوه بجوزي
نورين: شوف البجحه جوزها غلطان وبتدافع عنه
انجي: معلش يا نور خليها عليكي المره دي
تيم: يا جماعه كفايه خناق بقا ده حتي كتب كتابي بكره مش كده
مصعب: علشان تعرف انها جوازه مش سالكه
تيم: هتسلك ان شاء الله اطلع انت منها
حور: خلاص بقا يولاد عايزين نكمل ديكور المزرعه علشان بكره وانت يا فهد احترم نفسك
فاطمه: اعقل يا حبيبي كده شويه
رعد: حفيدتي هتتخطب بكره مش عايز لبش بقا
ألين: يلا يا حبيبي نطلع نشوف بدلتك
رعد: يلا يا حبيبتي
( يوم الحفل )
لا يصدق بأن اليوم ستُكتب علي اسمه فيروزته الصغيره اليوم الذي تمناه ، منذ رأها وهي طفله باكيه في حضن والدتها وهو اقسم علي حمايتها ولكن لم يكن يعلم انها بدايه لعنه عشقها التي لم تتركه ولا يوم واحد يريد من الوقت ان يركض بسرعه البرق للحظه انتهاء الشيخ من عقد قرأنهما ،
مازن: يا عريس يا عريس اصحي يلا
أنس: اصحي بدل ما اقنع مصعب يلغني الجوازه
عز: وتقنع مصعب لي يا حبيبي عز مقتنع اصلا بالموضوع وجاهز للتنفيذ
تيم: جرا اي يا شويه غجر صاحي من بدري اصلا اي الزفه دي كلها
فراس: انا لو منك مدخلش حد فيهم الحفله بليل
حمزه: انا زهقت منكم حقيقي انا نازل انا
أدهم: استني خدني معاك
فراس"بشر": انا نازل لخطيب رهف
أنس: جاي معاك
يوسف: دي هتوولع
(بالأسفل)
كان حسام يجلس مع رهف ووالدها فهد
فهد: ازاي متقولش يعني انك كنت متجوز
حسام"ببرود": عادي يعني اي المشكله هي حاجه حرام؟
فهد"بعصبيه": انت بتتكلم ببرود كده لي ؟
رهف: وانا المفروض اثق فيك ازاي بعد كده
حسام: عادي يعني يا رهف الحوار مكنش مهم
رهف: انت كداب يا حسام كداب
حسام: رهف اعقلي كده ووطي صووتك
أنس: انت بتشخط فيها لي يا روح امك
حسام: انت مالك انت
أنس: اي اللي مالي انا ابن عمها وبحبها وبصراحه كده انا اولي بيها منك
رهف"بصدمه ": اي ؟!!
أنت تقرأ
عشق أحفاد الهواري 2
Humorمرحبا بكم اعزائي القراء واهلا بكم في رحله جديده من جنون هذه العائله اعتقدكم انها النهايه ؟! لا فهي فقط البدايه
