صلي علي النبي
لنبدأ....
يوم جديد في القصر ملئ بالمفاجأاات والاحداث وايضا احبائي لا ننسي الجنون فهو ركن اساسي في يومهم
كان نائما قرير العين يشعر بدفأ العائله اخيرا لأول مره منذ خمس سنوات يطمئن قلبه هكذا
فراس:حمزه ،حمزه اصحي يلا
حمزه: اي يا فراس في اي
فراس:يلا الفطار يا ابني اصحي
حمزه"بنصف عين": هي الساعه كام؟
فراس: 10
حمزه: لسه بدري اوي يا فراس
فراس: اصحي يا عم
حمزه"بصرامه": فراس اطلع بره واطفي النور
فراس: مااشي
خرج فراس من لدي حمزه وجد ماسه الصغيره تخرج من غرفتها
ماسه"بإبتسامه": صباح الخير يا فراس
فراس: صباح النور
ماسه: حمزه صحي!
فراس:مش راضي يصحي
ماسه"بإبتسامه مخيفه": امم ،سيبها عليا انا هصحيه
انطلقت لغرفه اخيها وهو ينظر لأثرها بترقب، لا يشعر بأي خير من هذه الابتسامه التي يعلمهاجيدا فهو يراها عند امه وخالته نور ،
صدق احساسه عندما فزعه حمزه بصراخه من الداخل
حمزه: مااااااااااااااسه
خرجت ماسه تركض من الداخل بسرعه كبيره وهو خلفها وهي تصرخ: الاسد فااااااك، الاسد فااااااااك
نظر لهم فراس واطلق ضحكات يقسم ان الجميع استمع لها
رهف: في اي فراس
فراس"وهو يحاول التحكم في ضحكاته": حمزه بياكل ماسه
رهف: نهاااار اسود
ركض الجميع للأسف وجدو المشهد كالأتي ماسه تختبأ خلف مالك ونورين تحاول تهدأه حمزه والجميع يضحك فقط لا غير
حمزه: هقتلها ،هقتلها
مالك: اموتك قبلها دي بنوتي
حمزه: بنوتك بتكب عليا مايه متلللللجه ،ده انتِ يومك اسود
ماسه: الحق عليا يعني خايفه عليك وعايزاك تاكل ترم عضمك
نورين: خلاص يا زوزو بقا قلبك ابيض
حمزه"وهو يضغط اسنانه بعصبيه": يا ماما متقوليليش زوزو
نورين"وهي تقفز تمسك خديه ": ياتي قلب امه
مالك: نوووور اظبطي
نورين: يوه بقا ابني والله
مالك: ده زي الشحط اهو
حمزه"بخبث": هات ماسه يأما هحضن نور
مالك"وهو يلقي ماسه لأخيها ": خد اهي وهات مراتي
ماسه"بصدمه": بتبيعني يا مالك علشان مراتك
مالك: اه
فهد"بملل": عملاله عمل يا بنتي مستحملها علي اي
نورين"وهي تنظر له بشر ": انت مااالك انت
رغد: بقولك اي يا ست انتِ ملكيش دعوه بجوزي
نورين: يم يم يم خاف يا عيد
فهد: خدي يا ماسه تعالي جنب عمو
ماسه الصغيره : عليا الطلاااق رجوله "ثم غمزت" ما تتجوزني ومش هعمل صوت
رغد: شوف البت بتشقط جوووزي ،لمي بنتك يا نووور
نورين: تعالي هنا يا ماسه من عند عيله الضبع دي
مالك: خلصتم يلا علشان ناكل
حمزه"وهو ينظر لماسه بشر ": هناكل بس حسابك معايا بعدين
ماسه"وهي تحرك حاجبيها ": مبخافش
حمزه"ببرود": لما نشوف
رحيق: صباح الخير يا جماعه في اي ؟
نورين: صباح الخير يا رقاصه اي مصحيكي متأخر
رحيق"بملل": يا نور قولنا مدربه مدربه ،وبعدين مصحي براحتي
نورين: لا يا عين النونه في بيتكم عند تميم ده
تميم: شوف قاعد في حالي وبرضو عماله تهبش فيا عامله زي الكلبه العضاضه ازاي
نورين"وهي تنظر لمالك ": شوفت يا ماا... اي ده جوزي راح فين
رغد: جوزك خد ابنه وراحوا يفطروا
نورين: وجوزك؟
رغد: خد ابنه ودخلوا برضو
نورين: طب يلا يا بيبي ندخل ناكل
رغد: يلا يا عمري
رحيق: اقسم بالله عيله خُلل بالذات دول
رهف وماسه: نتفق وبشده
أنت تقرأ
عشق أحفاد الهواري 2
Humorمرحبا بكم اعزائي القراء واهلا بكم في رحله جديده من جنون هذه العائله اعتقدكم انها النهايه ؟! لا فهي فقط البدايه
