عشق أحفاد الهواري 2

part12

(اصفح عنك ربما ، اغفر لك ربما ، انسي عشقك يستحيل ؛فهو لخيالي ملهما)

بعد يومان
استيقظ من نومه وهو يصرخ مناديا بأسم والده
مالك"وهو يندفع لغرفه ابنه": بسم الله اي يا حبيبي
حمزه"وهو يحتضن والده بقوه": بابا انت هنا
مالك: اه يا حبيبي هنا جنبك انت وسطنا يا حمزه خلاص
حمزه: الكوابيس مش بتروح لي يا بابا انا تعبت
مالك: كل حاجه بتاخد وقتها يا حمزه مفيش حاجه بتروح في يوم وليله
حمزه: انا كنت بحميها يا بابا كنت خايف يعمل فيها حاجه مكنتش اقصد اي أذي
مالك: عارف وعلشان كده ربنا برأك يا حبيبي اهدي يا حمزه اهدي
كانت تقف وتتابع ما يحدث ولم تستطع كبت دموعها من الهبوط علي وحيدها حمزه ، يعتقد الجميع انه كالصخر في صلابته والجليد في برودته ولكن ما هو الا طفل صغير هش كمكعب السكر لا يدرك احد ذلك سواها هي ووالده ،
نورين"وهي تزيل دموعها  وترسم ابتسامه":  اي يا استاذ مالك ده ادور عليك الاقيك نايم جنب ابني وحاضنه اشمعنا انا مانعني يعني
مالك"وهو يقبل رأس حمزه": انا انام جنبه انت لا
نورين"وهي تندفع بجانبهم": لا انا هنام جنبكم غصب عنك بقا
حمزه: يا نور زنقتينا كده
نورين"وهي تلكمه بخفه": وحياه امك انا اللي زنقتك يعني
حمزه: اها
نورين: اه في عينك يا موزه الكلب انت
مالك"بملل": يا ربي عايش في هدوء انا والولا بس ازاي لازم تيجي تصدعنا
ماسه: بتنادي يا بابي
مالك: الجبلايه ناقصه قرووود
حمزه: يلا يا والدي نقوم نمشي نروح شغلنا
ماسه: ابدااا لازم اخد حضن الاول
مالك: تعالي يا اختي هاتي حضن
احتضنهم مالك ثلاثتهم وهو يدعو الله ان يحفظ عائلته الصغيره من كل شر

في منزل عمرو
فراس وتيم : السلام عليكم
انجي: عليكم السلام يا حبايبي
فراس: ازيك يا طنط عامله اي
انجي: الحمدلله يا حبيبي
تيم: عدي فين؟
انجي: فوق بقالو يومين مش بيطلع من اوضته
تيم: لا  دي مشكله كبيره جدا طب عن أذنك نطلعله
فراس: جايدا فوق؟
انجي: لا يا حبيبي جايدا بتفطر مع باباها يراحتكم
فراس: اوكي

فراس: عدي افتح البااااب
عدي: مش فاتح
تيم: علي فكره ممكن اكسره فوق نفوخك عادي جدا
حمزه: وتكسره لي يا حبيبي اكسره انا
عدي: اه ده العصابه كلها قدام اوضتي
فراس: ايوه يا قلبي افتح بقا يا قاسي
حمزه"وهو يحاول عدم الضحك ": اتظبط يا عم
تيم: سيبه ده اللي هيعرف يخليه يفتح
فراس"وهو يدق بنغم علي باب غرفته ": انت قلبك قاسي اوي اوي
ماسه: انت مش بتحس كده وكده
فراس"بصدمه ": انت هنا من امتي
ماسه"بغمزه ": من اول ايوه يا قلبي هدخل اجيب الحاجه من اوضه جايدا واسيبكم سوا
فراس: حمزه اختك بتغمزلي البت دي فهمت اي
حمزه"وهو يضحك بصوت مرتفع ": مش عارف بس اعتقد اللي انت فهمته
فراس: نهاااار اسود دي ماسه يعني العيله كلها هتفهمني غلط
تيم: قوم لووووط
عدي: ادخل انت وهو فضحتوني منكم لله
فراس"بغمزه ": يعني لازم ابان الوان علشان تحن يا جن
ماسه"وهي تصفر بصوت مرتفع":  ولع ولع يا متدلع
عدي: ادخل ادخل يخربيت سنينك السوده
فراس: انا هوريكي بس الصبر
حمزه"وهو يضربه علي رأسه ": اخرك فاضي ادخل
تيم: خير بقا الباشا حابس نفسه بقاله يومين لي
عدي: يعني مش عارف لي
تيم: عارف لي بس هتستسلم بالسرعه دي!
عدي: عايزني اعمل اي يعني
تيم: تاخدها غصب عن اي حد ابوها رفض اعرف رافضك لي وحاول تغير ده لازم متفرطش فيها ابدا
حمزه: تيم بيتكلم صح اللي بيحب مش بيسيب حتي لو علي موته
فراس: واماليا مش ممانعه يبقا دوس بقلب جامد ، متعملش زي انس فضل يأخر لغايه ما رهف كانت هتضيع منه وحاليا مش عارف حتي يقنعها تبقا ليه
عدي: انا تايهه اوي ومش عارف اعمل اي
تيم:وهي هتلاقيها خايفه وقلقانه يا عدي شايفه انك مع اول قلم سيبت الدنيا ومشيت ، لازم تبينلها انك عايزها ومتمسك بيها لأخر نفس
عدي: عندك حق
تيم: قوم البس يلا وروح مع حمزه وفراس الشركه وشوفها وطمنها
عدي"وهو يبتسم لهم بإمتنان ": مش عارف من غيركم هعمل اي
فراس: تتضيع يا عمري
عدي: ياابني اتلم بقا
فراس: حاضر يا سيدي يلا  البس واحنا هنستناك تحت
عدي: اوكي
بالأسفل
ماسه: يعني وبعدين انت ومازن ناويين علي اي
جايدا: هو كان ناوي يطلب ايدي بس بعد رفض عمر لعدي قرر يستني شويه لغايه ما يعرف عدي هيعمل اي
ماسه: وانتم مالكم يعني
جايدا: يعني اخويا مجروح وانا اروح اتجوز انت عبيطه يا ماسه مقدرش
ماسه"وهي تكمل التهام الجزره في يدها ": عندك حق
فراس: ازيك يا عموره اي اخبارك
عمرو: الحمدلله يا حبيبي اي اخبارك
ماسه"بخبث ": عموره اه طب اي ما تنوي علي حاجه واحده بس
فراس"بغيظ ": بت انت اسكتي بدل ما اجي ابلعك الجزره اللي بتتفطحيها دي
حمزه: وانت بتتكلم معاها كده لي ان شاء الله
فراس: سكت اختك الاول
حمزه: ماسه عيب كده
ماسه: ماشي يا بشمهندس موزه انا ماشيه انا وجايدا وعلي فكره انت قلبك قاسي اوي يا قلبي
فراس"بعصبيه ": هقتلها
حمزه"وهو يحاول التحكم في ضحكاته ":اهدي بس اهدي هقول لمالك يربيها تاني