أم حاضنة

الحلقات الأولى

غير وصلت  11 عاودت عيطتلي  نجاة هاذي نخدم عندها من وقت طاحت بيا ودارت عليا الدنيا الغدارة و  ملقيتها غير هي  لمتني أنا وبنتي في وقت ضعفي وقهري   ، رديت عليها -وييي نونو -ههههه مدام قلتيلي نونو يعني صاي راكي فطرتي -امممم اهدري برك  قاتلي سلمى ياك جي منبعد  -والله ي مخلوقة درتيلي حجرة ف الصباط رنيم من البارح وانا مواعدتها نخرجها كيفاش دك حبيتيني نقولها منخرجوش تزعف وتعرفيها كيفاش تولي دير -ي سلمى نهار برك وغدوة انا نجي ليكم  ونخرجو أكل كيف كيف -معليش قوليلي وقتاش تبدأ الخدمة هاذي عل شحال- ع الساعتين -اوكي بصح روحي انتي جيبي ماتريال من عند  بوراس هذاك انا منتفاهمش معاه وتعرفيني -اوكي معليش انتي ارواحي وانا دك نبعتهولك لتم  ، كوبيت عليها  ورحت لرنيم -رنوما الزينة  تاعي اليوم منخرجوش خلي لغدوة ونروحو مع طاطا نونو ياك - دارتلي شنوفة  ورايحة تبكي بديت نرونجي فيها حتى هدات وتحضنتني  هاذي الطفلة قد مراهي نقطة ضعفي قد متمثل القوة بالنسبة ليا عليها نحارب كامل الدنيا ونحرق لي قدامي ولي ورايا راهي أمانة لعزاز لي راحو وخلاوها عندي  ، رفدت راسي شفتها سكتت قتلها هيا نمشطلك شعرك ونطلعك عند ماني العارم ،وليت مشطتلها شعرها حرير درتلها تراس ليه ليه تتفسخ تالمو أرطب لبستها مليح بيسك البرد  رانا في يامات باردين بزااف ف عطلة الشتاء ، شفت ف الساعة كانت قريب 12 وانا لازمني نعدل روحي وشعري يلزمو ليسور  رحت درت سوندويتشات ب فريت اوملات عطيتلها  كلات تحب بزااف لي سوندويتش  وانا كليت شوي برك. طلعتها عند العارم ،  العجوز هاذي مولات الدار  لي راني كارية فيها  طبطبت حلت عليا  -صباح الخير خالتي -صباح لخير ا بنتي شافت مع رنيم وقاتلها ادخلي لداخل ولاد سرور راهم هنا تلعبي معاهم  هي  دخلت وصيتها عليها  وخبرتها بلي ممكن نطول حتى لليل  وهبطت دخلت درت دوش خفيف وخرجت نشفت شعري وليسيتو درت كحل في عينيا لبست سروال  وتريكو زدت فاست فورير  من فوق   هزيت صاكي عيطت لرانيا خبرتها بلي ني خارجة  بعتتلي لادراس تاع لاصال  _هاندا ريفالدا للقصص- حكمت طاكسي ورحت متوجهة للمكان المزعوم  قبل منوصل عيطلي رضا  محبيتش نهز عليه باسكو نكرهو ، كوبيت عليه كي وصلت ياخي لقيتو في وجهي  كان  يهبط ف ماتريال ورانيا معاه  قدمت سلمت عليها وعيني تشوف ف لاصال هاذي اول مرة نخدم فيها  وزيد جديدة معندهاش بزااف ملي فتحت ، فت وخليتها معاه  جيت في باب لاصال نستنا فيها  عيطتلي نجاة قتلها راني تم صاي،  جا وحد الجان هكدا يكون ف العشرينات  قدم توالي قتلو بلي  -ديجي  ولا دخلني لداخل وعيط على ختو ولا مرتو مهم جات سلمت عليا ودخلتني  لداخل زادت لحقتني رانيا   حكمنا بلاصينا   وبدينا نركبو لي باف وكلشي  الغاشي عندهم نمل  وراسي يوجع فيا ي ربي وفوت اليوم على خير .. نحيت لافاست  ودرت كاسكيطة هكدا نحب كي نكون نخدم بش منبانش ...
1
بدات الحفلة  وانا مطابسة مع الخدمة   شوية هكذا ودخلو الطفل  معاه رجال  ونسا دارو عليه  يزغرتو وزاد قوا الحس درتلو غنية طهر يا طهر تاع شاب عراس  و بدات لومبيونس   ناضو بنات  ونسا و مراهقات  طالعين هابطين عندي  وحدة ديرلي ديديكاس ولخرى ديري هاد الغنية  ورانيا ناقصة  بزااف ف الخدمة وليت نحيتلها ميكرو ودرتلهم ديديكاس للطفل وماليه  ،،،فاتت ساعتين عادي حتى دخل آخر شخص توقعت نزيد نشوفو في حياتي  عندي 3سنين مشفتوش  ملي تفارقنا ولا ملي تخلا علينا  منكدبش ونقول محسيت بوالو بصح المشاعر لي عندي قاسية أكثر منها حنين   دورت الكاسكيطة على وجهي بش ميشوفنيش ودرقت  ف رانيا وحاطة راسي  وكل شوي نهز عيني نشوف فيه واقف مع باباة الطفل وقيل صاحبو سيرتو هنا الحالة ميكس  وانا نخزر فيه شفت يماه راحت توالو تبان هذا وين جات  مزالت هي هي واقفة الوقفة هاذيك لابسة المحرج والغالي كما عوايدها بصح فعايلها يعلم بيهم ربي ويييي عجوزت النار  الحاجة الهانية وهي اصلا ملي عرفتها متهنيت  عاودت حطيت راسي ديراكت جات  في بالي رنيم  كن شافاتو ليوم رايحة تزيد تدخل في صدمة أكثر من الصدمة الأولى نهار تخلا علينا وهي لي كانت المدللة تاعو وممو عينيه بصح كلشي تقلب علينا بين ليلة ونهار انا رجعت مطلقة وبنتي عاودت تيتمت للمرة الثانية.......... فاتت ساعات وعرقت في قشي  بالسيف خلصنا وبدا الغاشي تاعهم يتفرق وتفرغ الصالة لبست لافاست تاعي درت كابيش على راسي  وبقيت نستنى  جات مولات العرس سلكتني وبدينا نهزو ف الماتريال دخل بوراس خليتو مع رانيا وخرجت غير شميت الهواء رجعت ليا الروح تخنقت اليوم سيرتو بعد مشفتو هنا  مزية لي متولهش ليا ومطولش وخرج  ،تايهة للسما حتى جات رانية هبطنا وتحتمت ركبت مع رضا حكمت لاريار وعقلي مودر وهو ساعة ساعة يتبهلل بش يضحكني وانا غير نتمخزر معاه شعر زرودية هذا  كي وصلت للرومبوا قتلو نهبط هنا  هبطت وخليتو موصل رانيا هي من فاميلتو سي بور سا يتفاهمو  وانا منحبش يعرف  وين نسكن بيسك منامنش فيه  ... كملت مشيت قيش 10 دقايق  كي وصلت للدار ديراكت طلعت عند العارم جبت رنيم لقيتها ديجا مخبشة في وجها  الشعر وقفلي  ولاد سرور قباح بزاااف كنت شامتها بلي يديرو فيها ديغة ، هبطنا وفتنا لداخل درتلها بوماد فوق الجرح قاتلي ماما علاه زعفانة  سبحان الله وكي تحس بيا قتلها -لالا منيش  وتبسمت معاها  نحيت قشي لبست بيجامة عيطتلي نونو تسقسي قتلها غدوة نجيبلك سواردك  احنا نخدمو نص نص هي عليها ماتريال وانا ورانيا الخدمة مهم نتقاسمو كل وحدة تدي نصيبها ،،، كوبيت عليها ورحت درت العشا كنت حاسبة نطولو يخي خلصت قبل المغرب ،،،كي كملت العشا جيت ف الشمبرة توال رنيم  كانت ترسم بقيت نتفرج فيها وراح بالي معاها لبعيد  شوفت العبد هذاك ليوم خلطتلي خيوطي  متوقعتش نزيد نشوفو ،اييييه الهادي  ربي يهديه  هبطت دمعة مني  طول 3سنين وانا ندعي عليه بصح غير شفتو ليوم مقدرتش نخرجو من بالي العبد هذا كان حب حياتي وكنت العزيزة تاعو  بصح كيفاش وعلاش تفارقنا ربي لي عالم  .. فطنتني رنيم كي قاتلي -ماما شوفي  غير شفت ف الورقة  بقيت يابسة خطفتها منها وكرفستها بردة فعل لا إرادية -علاه ماماااا علاه فزدتيها رسمت بابا  وناضت تبكي  وليت تحضنتها ليا وجبدت ورقة رسمتلها فيها ماشا  ، نضت بالخف من توالها رحت غسلت وجهي ورقبتي حسيت السخانة طلعتلي خرجت للحوش  هكذاك  مشمخة مامبا منشفتش  بداو دموعي بهبطو ويدان غاضتني كيفاش مزالت تتفكرو وتقولو بابا  مزالها تتفكرو هادو 3سنين وانا نقولها راهو مات مات بصح البراءة لي فيها محبتش تتقبل  مهيش عارفة بلي تيتمت خطرتين الخطرة الأولى لما توفاو والديها والخطرة الثانية لما تخلى علينا الهادي لي كان أب ثاني ليها لكن لفترة وفرقونا وفرقوها عليه ....آااااااه يا دنيا