أم حاضنة

الحلقات الأخيرة [81-88]

81
قتله واش صرا في ذاك الوقت وش لي خلا حالتنا هكذا  .... بقا ساكت زمااان وشغل مكنش يستنى هاد السؤال ب الضبط  ناض شعل قارو وخرج للبالكو كي كمل عاود دخل قالي -من قبل كنت حاب نهدرلك بصح دك كي نتي حبيتي لساني تربط تالمو منحبش نتفكر  ...بدا يحكيلي على كيفاش سحراتو يماه وكي وصل لتلفون سمعت كلام غريب  قتله -حبس وش تقصد نضت من بلاصتي قالي ريحي نفهمك وافهمي مليح ، عاودت قعدت كمل هو يحكي  ((سلمى رايح نكون صريح معاك لأبعد حد  انا كي هبطت من فرنسا ودخلت عندكم كنت عادي مي بعد يومين ولا رجعت نشوفك ميش نفسها سلمى لي حبيتها ولي عشقتها شغل جيني وحدة غريبة وتعجبت في روحي كنت لهيه ملهوف عليك وقتاش نرجع عندك  بصح حسيت بهديك اللهفة طفات والا شفيتي رجعت نتقلق بزااف مش منك من حالتي  بعدها بسمانة كنت عند العجوز بدات تمعنيلي عليك وحد الكلام بصح مدرتش عليها كنت نعرفها بلي متحملكش خرجت من عندها قلقان للخر من تم   رحت لخدمتي وانا واقف مع السلعة  وصلني ميساج من نومرو ميش معروف  فيه بزااف تصاور وحد العشرة ولا أكثر   كانو تصاور مش نورمال  ف  نفس الشمبرة هاديك ف لابارتومون  ،  هادوك المناضر ف لي فوطو مصورين ب لاباراي فيها الوقت والساعة كلشي مافيشي ف الفوطو تصدمت  عاودت لمول الميساج مردش عليا كنت في حالة  منوصفهاش  رفدت روحي وخرجت  بعدها ب  ربع ساعة وانا ف الطريق  عيطتلي بنت نادية  هزيت عليها قاتلي - خالي أرواح للدار رانا تم كامل  وجدة راهي تقولك أرواح نحتاجك-علاه نجي وش تحتاجو مني - خالي تعيش حاجة لازم تعرفها  وانا القلقة لي كنت فيها وزادت عليا  كي رحت للدار تم زادو اكدولي وش لحقني ف التلفون  جابتلي لولو تلفونها قاتلي واحد راهو يهدد فيا نمدلو صوارد  وبعتلي هاد لي فوطو  خطفتلها تلفون من يدها صبت نفس الفوطوات لي وصلوني بصح كاين فوطو خرجني من عقلي فيه وجهك انتي راقدة فوق السرير معاك واحد رافد دخان يبان غير يدو برك وف نفس الدار  الفوطو هاديك لعبتلي على اعصابي  قشك كان مفضوح بزاااف تاع وحدة راقدة مع راجلها  هزيت راسي شفت فيهم بالوحدة لقيتهم مهبطين ريوسهم شغل حاشمين وانا لي حشمت في وسطهم   قعدت في الأرض  كي شافوني مصدوم  ولات العجوز تقولي  طلقها أ وليدي  طلقها كنت قتلك بلي مهيش بنت أصل مهيش من مستوانا  خلاتك رحت لفرنسا ودارت سبة بلي تهاوشت معاها وخياتك وراحت تخدم خدمتها مع الرجال ،....هاندا ريفالدا للقصص-  كلام ماما قد م جرحني  قد معمالي عينيا   زادت ميمي قاتلي كنت نسمعها كي كانت تحكي ف الدار ويصوني تلفونها بزاااف مهم كل وحدة وش هدرت بقاو فوق راسي  حتى خرجت من عندهم كي الإعصار جاي ليك حاب نفهم منك قبل مكنتش رايح نطلق مباشرة  الطريق حرقتها  مجيت نوصل ليك عينيا ضببو قريب درت اكسيدون غير وصلت للدار عيطت عليك من الباب كي دخلت للشمبرة طاحت عيني على نفس الفراش لي مصورينو ف لي فوطو  كان عندي أمل  صغير تكون الفوطو خاطية بصح هاديك الدقيقة شغل جا واحد في وذني وقالي ارمي عليها كلمة الطلاق  بلا متهدر معاها رخسها كي الكل بة  وخليها  انت راجل وهي مرا رخي سة سمعت لهذاك الوسواس ودرت برايو ديراكت قتلك ديك الكلمة  ومكنتش نادم عليها  رحت للطفلة شفتها تلعب سخيت عليها تبقى مع وحدة كيفك مهانتش عليا نخليها في وسط الوسخ هذاك  عدت نشوف فيك وحدة موسخة هزيت طفلة وخرجت  رحت ديتها للدار وعاودت خرجت نحوس على مول الميساج  عاوني راجل نادية ولقيناه  كي زدت شفتو شكون هو زادو تأكدو شكوكي  طلبولي تلفونك جيت ديته كي شفت الفوطو تاع الخنز ف تلفونك صدقيني نص مني طاح  ملقيت حتى كلام نهدرو ولا نناقشه معاك  حبيت نسرع الحالة ونجبد روحي منك حشمت قدام  تاع الدار تهانت رجولتي تهانت كرامتي حشمت توال راجل أختي لي هو سكر على الحكاية  حتى ف المحكمة محبيتش ندخل هاد الشيء ف الطلاق تعرفي لاه مشي خوف على سمعتك خفت على سمعتي انا  راجل طول وعرض يولو يقولو عليا دخلت راجل من بعدو  وفي غيابو  لفقت أسباب وخلاص غير بش نطلقو  وزدت اكدتيلي بسكوتك بلي الشي لي شفتو صحيح  حتى مطالبتيش بحقوق الطلاق عرفتك حشمتي على فعايلك الموس خة و بعد طلاقنا بقاتلي غصة في قلبي هي الطفلة جات ف النص مقدرت نسمح فيها مقدرت نديها قانونيا منيش الأب تاعها  جبت فترة وانا نخمم كيفاش قلت نعطيها لابارتومون تعيش فيها مهم بنتي منخليهاش بعيدة عليا مكنتش حابك تبعدي وتلقاي راحتك خفت عليها  خليتلك المفتاح مع العجوز وطلعت لفرنسا  كي رجعت رحت لدار خوك حكموني الجيران يهدرلولي فيك بلي راكي مع مول الدار وسرقتيلو سواردو وهربتي  تم العقل لي كان فيا طار  رجعت واحد مهبول