أم حاضنة

حلقات 62_80

62
#بقلم_هاندا

ليه ليه ردة فعلي كانت عفوية طبعته عليا حكم روحو وبقا واقف جبدت روحي ملقيت وش نهدر الكلام لي قلته في وجهو حسيتو تافه بلا جدوى خسرت عليه كلمة -روح ربي يساهل عليك  -سلمى عارفك كارهتني وانا حاليا منيش حاب نضغط عليك نخليك على راحتك  بصح كاين حدود لكل شي سلمى متغلطيش مكيش مجبورة تغلطي بش تنتقمي كاين الف حل  بصح بالاكي تبعدي بنتي وتعمريها عليا  ، ندمت لي وقفت معاه وسمعت هاد الكلام ندمت لي خليتلو الفرصة يهدر معايا ندمت وندمت  درت للباب فتحتها ودخلت نعاود في كلامو متغلطيش سلمى متغلطيش رحت للمرايا ونشوف في وجهي ياك انا سلمى هيه انا هي نفسها لي كنت نتحلف فيه انا هي نفسها لي كسرني هيه معليش ي سي الهادي هذا وبن عرفت نفطة ضعفك اوكي رايحة نطبق كلامك ولكن بالعكس    فت للشمبرة  صبت رنيم  راقدة ومعاها نجاة فاطنة دراتلي براسها وشي  -وش راح يكون مثلا الناس ترجع من الخدمة لديارها بش تستراح وأنا كل منرجع نلقى واحد واقفلي ف الباب  -ههههه وش قالك ليوم -نجاة منيش نضحك راني نغلي  ، خرجت للدوش بدلت  قشي وكلامو مزال في راسي حسيتها إهانة حسيتو يستفز فيا مزالك تأمر فيا  قال منزيدش نسمح فيكم  يااا من نيتو هذا وقيل فقد الذاكرة تاعه معليش دك نردهالو خرجت و فت للكوزبنة هزيت حبة قارس نمص فيها وقعدت ف الكرسي حتى رعفت عرفتها لاطونسيو  رحت غسلت و شميت الخل  الله لا تربحك ملي زدت ضهرت ف حياتي حكموني  الأمراض  حكوني الأعصاب ورايحة يحكمني الهبال . ناضت رنيم جات عندي -ميمة نضتي - معامن كنتي تهدري-ااا والو  اقعدي دك نديرلك حليب  قعدت فيضتلها حليب وحطيت ليا نشرب عيطت على لخرى تنوض ياخي مسمعتش تكون رقدت  ، نشرب  ونشوف ليها  حتى هي خرجو فيها شبايهو منعرف ولكن هكذا نشوف  اوووف يا ربي وش راني نخلط انا تاني قاتلي -ماما ياخي نروحو للحديقة -غدوة نديك تلعبي فيها -نروحو دك  البارح قلتيلي غدوة  -رنيم قتلك غدوة  ونخرجك  تشنفت وراحت  - راني نشوف فيك كيفاش رجعتي تعانديني قتلك غدوة يعني غدوة   والله خصني غير دلالك اليوم ..نضت  غسلت لي بول  النعاس في راسي ومنيش قادرة نرقد بقيت هاكداك  نغلي حتى وصل المغرب توضيت صليت ودرت العشا طليت على نجاة -وشي نتي مكيش نايضة -راني مسخنة قدمت ليها مسيتها تغلي ايييي علاه مقلتيش وانا نقول وشبيها ليوم محلتش الحانوت -سلمى راني نرجف غطيني -وش نغطي فيك راكي تقطري انا نجبد ف الغطا عليها وهي ترد وتترعد خفت عليها - نجاة -اممم -نوضي نديك لسبيطار -خليني-نوضي قتلك راكي تترعدي تحوسي تتعوقي السخانة طالعتلك للألف . بالسيف نوضتها  دايخة خلاص هيا نوضي لبست لرنيم فاست وزدت انا فاست فوق البيجامة  هزيت مفاتح طمبيل قاتلي -منيش قادرة نسوق -هيا برك دك أنا نسوق شافت فيا -سلمى من نيتك مكيش موالفة بالسياقة تحوسي طيشينا ليوم ف كاش ريبة  -هيا نجاة محسوب جامي سقت أنا -مكيش موالفة سلمى طريق ميش لعبة خلي انا نسوق -انتي ف هاد الحالة متقدريش بقيت انا وياها نتناقرو شكون تسوق غلبتها  هبطنا  خرجت طمبيل من القاراج تاع خوالها هي ركبت توالي ورنيم ف لاريار  مشيت بالعقل وهي تقولي كيفاش نسوق مالغري عندي البارمي بصح منسوقش بيه غير خطرات قليلة ،  حكمت الطريق الساهلة خلاص حتى وصلتها للسونتر دخلتا شافوها دارولها برا  وخرجتها ف طريق العودة خرج فيا مول الهاربين ف وحد الفيراج جاي طافي ويدخل فينا دارت بينا الطمبيل بالصوت نجاة عيطت -ههههها رررب عرفتك  تخبطنا ف البوطو  خرجو دوك لي كانو ف القهوة اكل دارو علينا  -سلامات سلامات