أم حاضنة

حلقات 26-41

#بقلم_هاندا
26
بقيت متشنفة عليه يومين متجاهلاتو مفهمت من واش بالضبط اسكو الهرمونات ولا كي عيط عليا ولا المهم قد محاول يرونجي عندي نفسي عزيزة بزاااف سيرتو مين نتضلم ونتحڤر ،، اليوم محبش يروح يخدم قاعد مقابلني وين نروح يلحقني كي دخلت للدوش دخل معايا قتلو انت معندكش خدمة ليوم قالي انتي هي خدمتي كي تنحي هاد الزعاف عليك و  ترضاي علينا  وساهل الحال -الهادي شكون قالك راني مزعفة راني مليحة جيت نسكر الباب محبش يخليني ولا دخل معايا  انا نطبع وهو سامط قالي تحبي تدوشي انا تان رابح ندوش قتلو ندوش وحدي اخرج لقيتو كتفلي يديا قالي وأنا حاب ندوش مع مرتي العزيزة  قتلو روح عند رنيم كي نكمل ادخل انت دوش مكملتش هدرتي  فتح الرشاش تشمخت  وليت استسلمت ليه ،، خرجت نشفت شعري عيطتلي حنان قاتلي الا تحبي تخرجي معايا قتلها نسقسي الهادي ونشوف ، غير دخل قتلو حنان عيطتلي بش نخرج معاها قالي ممنوع الخرجة من دوني حبي -علاه -هزلي كتافو  وأنا طبعي  منحللش هو راه يدير هكذا يردلي فيها زعما قتلو كما تحب  وجيت نهز تلفوني نخبرها بلي محبش  نحاهلي من يدي قالي -وجدي روحك تبسمت قتلو  ياةخي هدا وين رفضت قالي مالا متروحيش قتلو تعيش الهادي ضحك قالي خلاص روحي ههههه العفريت هذا المغرور  ،، لبست سروال وفاست مش خشينة بزااف  ماكياج منديرش ومنحبوش رايحة لرنيم نلبسها حبسني قالي سلمى وش هدرنا على الحجاب  ياك قتلك بعد الزواج يلزم تتحجبي قتلو الهادي متضغطش عليا وقت نقرر رايحة نديرو  قالي منيش صبور بزااف  سلمى ديري في بالك انا غيور وف الأمور هادو معقد ومنفهمش  بستو من خدو قالي خوك أنا ،-هاندا ريفالدا للقصص- ضحكت  ورحت لرنيم لقيتها لايحة راسها بين السرير والحيط وحابسة ميش تتحرك  عيطت عيطة وحدة الهاديييي جا يجري رحت لبها جبدتها يا يما وليت نفطن فيها وجها  زراق  وتتنفس بالعقل نحاهالي من يدي  هو تان مخلوع بقا يفطن فيها وانا نبكي ونندب هزها بين يديه وهبط لحقتو انا  ي ربي وش صرا لبنتي يا ربي وسترها واحميها     لقيتو حطها ف طمبيل قتلو اصببببر ركبت معاها لاريار  الطريق حرقها مسكين عين على الطريق وعين على الطفلة قريب دخلنا في واحد بالسيف وصلنا دخلناها شافوها سرحولها نفس  انا طحت من طولي وقعدت في الأرض  هما دايرين بيها وانا دموعي تسيل وشغل فشلت نحس روحي عدت خفيفة  حتى استغميت كي فطنت صبت روحي ع الكرسي وهو اونفاس ليا  وكانت فرملية داخل مع رنيم  قالي هو -  لباس خلعتوني اليوم  قتلو رنيم قالي متقلقيش راهي مليحة اصبري تفيق نص ساعة ونخرجوها جيت نايضة نشوفها قالي ريحي راكي فاشلة قتلو لازم نشوفها عطاتني خلعة ، ، بعد مخرجناها من تم غير دخلنا للدار قابلتني عجوزة الشر في وجهي تحسب فينا كنا برا سلمت عليها وشفت فيه قالي روحي اطلعي ترتاحي  خليها هنا معايا  جيت نقولو متحبش هاذي العود مبعد سكتت ،طلعت  لداري والخلعة مزالت ي ربي الحمد والشكر ليك يا رب لوكان كاش مصرالها تبقى كية طول  عمري تحرق
#بقلم_هاندا
27
مطولش وجابها عندي لقاني متكسلة مامبا مبدلتش قشي حطهالي توالي راقدة كيف ملايكة هو تان مش قل مني وجهو عاد أصفر قالي لباس شوي -اني مليحة  قتلو تتغدا قالي ميش نافحتلي  عيطتلي حنان وليت خبرتها قاتلي ياااا علاه مقلتيش اني جاية  ، نضت بدلت قشي  سكرت بالكو وزدت الباب خليتهم راقدين ..طلعت عندي حنان بقينا نشايخو قاتلي رايحة عند دارهم قتلها ربي يسهلك روحي تريحي راسك منهم قاتلي مهم اتهلاي ف روحك ومتهبطيش  ومحمد متخميش عليه راني نبعتلو عشاه قاتلي ربي يخليك   وراحت ، ، لليل درت عشا بالزايد ناضو حبايبي الهادي شغل مرقدش عام بلاك من الخلعة  ورنيمو مزالت ساكتة بصح فاطنة كل دورة نشوفها  وهو راح لشمبرتها لقيتو خرج سريرها قالي من اليوم ترقد معانا ف الشمبرة  فالحق هكذا خير  رحت فرزتلها بلاصة قريبة مني هكذا خير نولي مطمنة عليها  ، وصل وقت العشا طلع عندي كان برا قالي وش درتي عشا قتلو قراتان قالي هبطيه نتعشاو لتحت سكتت زدت درت سلاطة وهبطت لقيت العجوز وميمي برك وشكيت مدارتش العشا  حطيت ف الطابلة زدت رحت للكوزبنة كانت فارغة  يعني مكانش حنان مكانش العشا وهاذيك وش محلها من الإعراب وليت زدت قليت سكالوب وسخنت وش كان عندهم من الغدا حطيت على نيتي محمد والهادي يوكلو والعجوز بقات تشوف معاهم قاتلهم انا هكذا نسوى هزو ريسانهم فيها قاتلهم علاه انا موالفة طابلة تاعي هكذا من وقتاش حنا نوكلو الصابح بقيت نشوف ليها هاذي دك هات برك تلقا سبة بش تهاجمني قالها محمد وين راهو الصابح هذا قتلها خالتي قراتان درتو جديد قدمتلها البلاطو جيت رايحة نحطلها بعدتو بيدها قاتلو منوكلش أنا هذا علاه متعرفيش وش لازم ينحط ف الطابلة  وبدات تسميلي  وش لازم  بقيت واقفة ناض الهادي شدني من يدي وقالي يالله أنا الغالط لي مهبطك هنا  الماكلة حبست في فامنا وزاد ناض لآخر قالها ما ربي يهديك  ناضت تعرشلهم وتفرقنا خليناها هي واللفعة هاذيك،  الهادي تقلق ووجهو  عاد أحمر  كي طلعنا قالي شوفي آخر مرة نزيد نلقاك لتحت عندهم قتلو اصبر نسينا الطفلة لتحت قالي دك نهبط نجيبها  راح هبط سمعتو يعيط طليت نسمع فيه يقولها -لوكان منهزهاش منا ونصد منيش الهادي المخلوقة ملي جات وانتم عقابها بالوحدة  وشبيكم فواش ميش عاجبتكم خبروني الا الزين بوبية الا على النظافة نظيفة الا على التربية راهي متربية خير من بناتك قاتلو كيفاش تقولي متربية خير من بناتي  راهي متسواش ضفر منهم انت راك مخدوع فيها هاذي غير انا لي نعرف الكاليتي  هذا قالها  راني قتلك يامات برك ونهزها من   كانت غير يماه تهدر لخرى ساكتة  وجا طالع قاتلو هكدا خيرتها عليا انا ورايح تروح وتخليني قالها انتي لي حبيتي هكدا درتيها مع الاول رايحة تعاوديها معايا انا معنديش الصبر تاع محمد يما ملخر دارك انتي لي فرقتيها هكدا  اتفرجي دك  ولوكان منحرشش محمد يزيد يخرج من منيش راجل قاتلو تعيا وترجع عندي متخافش  منيش الهانية الا مفرزتهاش  ...
طلع مقلق محبيتش نزيد عليه  فالحق هدرتها خوفتني وتبان معولة على حاجة  قالي ديريلنا حاجة نوكلوها وليت درت سوندويتش ورنيم عشيتها  ..فاتت ليلة مقودة  هو مهدر قاعد غير ساكت  قتلو الهادي علاه تقلق في روحك هكذا  خلاص يماك وتعرفها خليها تهدر الا عليا انا عادي دك نوالفها قالي سكتينا سلمى يرحم ربك منيش حاب نهدر ف الموضوع هذا  قتلو كما تحب رقدت رنيم حطيتها ف سريرها وزدت رقدت أنا  محبيتش نزيد نسهر خليتو يتفرج  كي شافني ساكتة ونعست باسني قالي كي تشوفيني مقلق ابقاي ساكتة عمري بش منغلطش معاك اما مرديتلوش ومن تم غفيت ...#بقلم_هاندا
28
فاتت سمانة والهادي بدا يحوس على دار  نسكنو فيها حب يشري  قالي منزيدش نقعد هنا بيسك رايح نخسر يما والا نخسرك انتي  لهادا لازم نبعد من  والعجوز كي شمت الصهد سيرتو كي عاد ميهبطش لتحت  جات عندي تحوس تهدر معاه  وهو مكانش ولات هبطت كي جا هو سمعتها حاكماتو لتحت وتبكي تقولو ي بني مديرهاش بيا تروح وتخليني والله كنت مقلقة برك تعرفني من بكري مديرش هكذا  مهم بقات تقنع فيه وتحاول وحدة الساعة وهي شاداتو لتحت  وقاتلو هاي اختك راحت قتلها متزيديش جي هنا قالها يما وكي تعرفي عقلية بناتك علاه متهدريش معاهم علاه مخليتهم على راحتهم  انا شي هذا منقبلوش المرا جبتها يتيمة هي وبنت خوها ثرتو تعايرو فيهم  ربي ميحب العبد ميقبلها  وانتي يما تعرفيني نعزك متخلينيش ننفر منك راني مساعفك بزاااف،،،، وف الدقيقة ديك جا  محمد دخل معاهم في نفس النقاش قالها أنا راني رايح من قاتلو لوين قالها ضهرلي بروجي ف #### ولازم عليا ننتقل تم بش تسهال عليا  قاتلو كيفاش هذا غير هاذي  متصراش قالها معندي منديرلك يما نقطع خبزتي ونبقا مقابلكم هنا نهار كامل وانتم تعرشو  ولات قاتلهم هكدا رايحين ف زوج وتخلوني هنا قالها الهادي ما خليه يروح متوقفيش في طريقو  قاتلو وانت تان تروح سكت مبعد قالها متقلقيش روحك  منيش رايح نخليك وحدك منيش قليل أصل  هنا أنا جمدت كنت متأملة نخرج من  بصح مشكيتش بهاد السهولة وهاذي كانت الخطوة الأولى منها بش دير رايها ....... أنا مورالي تقلب كي طلع واجهتو قالي سلمى آخر مرة تتصنتي وش نهدر مع يما  اليوم فوتهالك غدوة لالا قتلو وشبيك غير يامات برك كنت معول نخرجو قالي وانتي في بالك نخلي يما وحدها وسط الدار هاذي قتلو ياك خياتك ضالين هنا  قالي ميهمش هما ضياف حتى ويطولو يجي نهار ويروحو لديارهم بصح منقدرش نروح ونخليها وحدها محمد رايح ونزيد أنا مجاتش راهي يما هاذي  قتلو عندك الحق تبقى يماك وقيل أنا منيش عارفة قيمة الأم عليها راني نهدر بهاد الأنانية خليتو ورحت الكوزبنة حاطة راسي مع شغلي كلمة مزدتها معاه كي شافني ساكتة جا توالي قالي وشبيك لا تكوني زعفتي من كلامي قتلو علاش نزعف الهادي تشوف فيا طفلة صغيرة وقيل راني واعية بصح وش رايح يصرا للقدام لازم تتحمل مسؤوليتو انا نحكم نحكم بصح عارفة يجي نهار نترتق ومنسكتش قالي وش يعني الكلام هذا  قتلو منيش نمعني برك قتلك  الا زادو وصلوني  راني منسكتش قالي نتمنى منوصلوش للشي هذاك  انتي متهبطيش قتلو بلا متوصي هاذي الا زدت شفتني لتحت اضربني  ضحك وباسني من راسي قالي هرمونات الحمل هبلتك راني مساعفك  قتلو في قلبي شوف للهومونات تاع يماك  .-هاندا ريفالدا للقصص- ..فات النهار على خير  وتقيدت بكلامو منهبط متشوفني حنان جي عندي لفوق وراهم يوجدو بش يرحلو فرحتلها بزاااف المخلوقة تحملت بزاااف  قاتلي تمنيت انتي تاني تخرجي قتلها متخمميش مع الوقت .... وصل اليوم لي رايحين يرحلو فيه محمد ومرتو وحد السماطة جاني البكا والفتها هي لي كانت تنحي عليا الغمة والضيق واليوم رايحة وزادو  بعدو بزاااف خارج الولاية  ، هبطنا لتحت انا والهادي تان مقدرش يحكم روحو سلمت عليها قتلها اتهلاو في بعضاكم وبيناتنا التلفون قاتلي متخمميش علينا انتي عسي روحك منهم دك وعسي كرشك قاتهالي بالعقل مفهمتش وش تقصد ،  هزو فاليزاتهم وخرجو والعجوز تبكي وتندب قاتلو هكذا رايح بلا رضايتي وهو قالها يما عالأقل قولينا ربي يساهل  رانا ماشيين طريق بعيدة بالسيف رضات عليه خرج الهادي معاهم وبقيت انا وهي برك حتى البنات مجاوش  طل عليا الهادي قالي اطلعي انا نروح نطل عل الخدمة ونجي وراح وهي دارت ليا قاتلي هجاجل فرقتو عليا ولادي  الله يجيبهالكم  كي نتي كي لخرا  محبيتش نرد عليها طلعت الدروج وخليتها لحقتني  منعرف وين طالعة هاذي انا نمشي وهي ورايا لقيتها دخلت للايطاج لي تحتي وتمتم ،  طلعت انا لداري وخليتها طليت على رنيم لقيتها راقدة تولهت بلي نسيت تلفوني لتحت  هبطت تلاقينا انا وهي ف الدروج قاتلي اسمعي من اليوم تهبطو لتحت معنديش انا لي طيبلي قتلها خالتي الا على اللقمة معليش نطيبلك مشي مزية مني على عيني وراسي قاتلي بلا مزيتك قوليها وعاوديها هاذي سكتت وجيت هابطة حسيت بيها طبعتني هاذي الحاجة متأكدة منها زلق كراعي تروليت على 5درجات  وحكمت ف الحديد وهي عيطت قاتلي وشبيك بعقلك برك  ودارت روحها تخلعت  ف الاول محسيت بوالو كي  نضت ضربتني ماس ديراكت خممت ف الكرش  شغل منامة جيت نهدر مقدرتش مشفتهاش بصح حسيت بيها طبعتني سبحان الله  بقات تشوف معايا قاتلي انتي عميا متشوفيش  قتلها زلقت برك  وحاكمة كرشي كملت هبطت هزيت تلفوني وطلعت بالشوي قاتلي والغدا نسيتيه قتلها دك نجي....#بقلم_هاندا
29
دخلت لداري قلبي يخبط تفكرت وش قاتلي حنان  بديت نتوسوس اووو لهاد الدرجة تلحق بيها  يعني   السطر مكنش ستر ربي  سمعتها تعيط يا ربي تعيط عليك الجبانة ان ساء الله  هزيت رنيم وهي راقدة وهبطت حطيتها فوق الفوتاي ورحت للكوزينة على سواد سعدي درتلها الغدا  وزدت كسرة  دخلت لالة مولاتي نادية وولادها كامل كانيشة وخاوتها صغار  يا يما عرش  استقبلتهم هي بالضحك تقول ما هاذيك تاع الصباح لي كانت قالبة وجها سبحان الله حرباء من الدرجة الأولى ، خرجت أنا نسلم عليهم  شفت لولو هاديك طبعت رنيم ع الحاشية تاع فوتاي شعرة وطاحت جريت حكمتها قتلها انتي ربي يهديك كيفاش طبعيها هكدا ولوكان طاحت قاتلي لمي علينا زبلك وبركاي متعيطي عليا  قتلها وش يعني نشوف المنكر ونسكت عليه قسما بالله لكان طاحت وصراتلها حاجة شعرك هدا نتفو بين يديا راكي تحسبي فيا ساهلة قاتلي شوفي ليا انا لولو طول المدة هادي ساكتة ومكنتش ندخل فيك باسكو مكيش نيفو تاعي بصح تدناي ليا انا تندمي قتلها ادناي ليا نتي وشوفي نطقت ليا نادية قاتلي انتي وش بيك دك جاك الوحم علينا من ميمي رجعتي لبنتي متحشميش انتي قتلها كي تحشم بنتك في وجه مرت خالها انا نحشم  قاتلي حطي رجليك في لرض قبل ميتحشو  قاتلها بنتها ماما متعييش روحك النوع هذا نعرف كيفاش نربيه خزرت فيها من فوق لتحت قتلها ربي عمرك جات تتلاح عليا قتلها يالله وش تستناي ولات حكمتها يماها قاتلها روحي لشمبرتك يالله  شفت ف لعجوز لقيتها ساكتة على غير عوايدها وتشوف معايا بوحد النضرة تخوف وتعرفو الإنسان لي يكون يخططلك تلقاه يطبخ فيها على الساكت  هزيت رنيم وطلعت كل منقول منزيدش نهبط.هنا جي سبة تخليني نرجع ف كلامي  وكل مرة نحصل مع وحدة فيهم،،،، حكمت بلاصتي ساعة ساعة جيني وحد الماس  شوية هكذا وتروح  جيت نعيط للهادي لقيتو دخل  قالي وشبيها حبيبي قتلو والو  ناضت رنيم تحس بيه كي يهدر راح طل عليها وبقا معاها قتلو تتغدا قالي وي  رحت سخنت وش بقا من العشا عيطتلو جا للطالبة سمعنا دقديق راح يحل كان واحد من ولاد نادية  سلم عليه قالو قاتلك جدة أرواح تتغدا معانا ولا قالو راني نتغدا هنا  وجا قالي نادية وقتاش جات قتلو هدا وين مامبا ساعة  قالي متهبطيش انا  سكتت  ، تغدينا وغسلت ماعن رحت دوشت رنينو لفيتها ف فوطة زدت دخلت أنا الدوش تولهت لملابس داخلية فيهم دي طاش خفاف تاع دم (أكرمكم الله )  مدرتش عليهم كملت دوشت وخرجت لبست ولبستلها دخلنا ف فراش كانت المطر طيح شوي  جو تاه رقاد دارني في حضنو قالي البيبي هذا حرم عليا ضحكت قتلو شوي صبر برك حتى نفوت هاد الشهور  قالي منقدرش سلمى راني متوحشك بقا يحاول فيا حتى تمكن مني وفرغ وحشو كامل تاع هاد ليام كنت نتجنبو ربي يسمحلي  وحمي واعر  ....-هاندا ربفالدا للقصص-.وهكذا جازو 3أيام  حكمتني وحد السخانة تقتل حسبتها grippe  كي تبدل الجو مي رايحة وتزيد جسمي يخرج ف السخانة كما الطابونة  سناني عاد يترتقو في بعضاهم  عيطت للهادي خبرتو جا يجري قتلو منيش مليحة سخانة بزااااف ميش نورمال خلاص هزني لسبيطار خليت طفلة عندهم وقلبي مقبوض  مهمش تاع الأمانة  ، كي وصلت لسبيطار دخلوني كي قتلهم حامل جات جينيكولوغ شافتني قاتلي مدام البيبي مات  عندو 4أيام ميت في كرشك  عليها طلعتلك السخانة حكمك ميكروب  منو  قلبي تقسم كي قاتلي هكدا عرفتها ديك الضربة متخرجش على خير  قاتلي ربي يعوضكم انشاء الله  عيطت عليه جا خبراتو قالي معليش ربي لي عطاه ربي لي داه ربي يعوضنا انا دمعتي على الشفر  ولات قاتلو طبيبة يلزم تبقى هنا  نديرولها كورتاج ونهبطولها الميكروب  هي تهدر وانا قلبي عند بنتي  كيفاش دك نخليها معاهم تم حتى حنان مكناش ي ربي  وسهل منطولش هنا وصيتو عليها قتلو ابقى معاها قالي وشبيك توصيني على بنتي متقلقيش روحك عمري  .... دخلوني لديك الغرفة بش يهبطولي الجنين مت وحيييت غير لي جربتها لي تحس   كي كملو  دخلوني لوحد جناح تفكرت فهيمة نهار كانت هنا ف نفس الشمبرة. ، فاتو 3أيام وانا تم ولحد الآن مزال مهبطش ميكروب  ونفس الوقت طبيبة تروح وجي تشوفني قاتلي لازم تصفاي قبل حتى يهبطلك مزال شوي وهكذا قعدت تم سمانة كاملة بش خرجت تقول خرجوني من القبر....#بقلم_هاندا
30
خرجني روحت لداري  اول حاجة حوست على بنتي  قالي ريحي برك دك نجيبها  تكسلت ف بلاصتي  راح جابهالي وجا يا يما توحشتها الكبدة تاعي حطيتها توالي باينة توحشت لصقت فيا مسكينة قالي لباس  قتلو اني مليحة جا باسني قالي نخرج نجيبلك وش توكلي ونجي ، راح وانا بقيت مع رنيم  حالتها حالة وحدة تخطيها الأم شعرها مش ممشوط قشها موسخ بالماكلة باينة كانو غير يبدلولها ليكوش برك  معليش المهم راني رجعتلها بخير  ،  خليتها تلعب توالي  وراح بالي للنهار لي طحت فيه من الدروج الشيطان بدا يوسوسلي في راسي بلي العجوز دارتها بيا وطبعتني ونفس الوقت منيش متأكدة افففففف يا لوكان شفتها بعيني الدار نقلبها عليها شيبة النار بصح معليش تعيا  وتبان ، صونا تلفوني كانت حنان هزيت عليها كانت تسقسي عليا كل يوم تعيطلي  ومحبيتش نخبرها قلت منزيدش نكبر الأمور هكذا رايحة تصرا مشاكل كبار وانا ميش متأكدة  كوبيت عليها دخل الهادي جابلي الغدا  كبدة ولحم روز وسوب  حطها ف طابلة وقدم توالي قتلو اتغدا قالي شبعان كولي انتي برك نحا قشو  وتلاح معانا ف الفراش بديت نوكل وهو مع بنتو  جيت نمدلها شوي لاسوب معايا محبش قالي هذا مش صحي فيه ملح وتوابل  غير الماكلة متلعبيش فيها معاه كلشي دايرلو حساب. كي كملت قالي احكمي بلاصتك قتلو خليني نوض نديرلها غدا ...هاندا ريفالدا للقصص..
وصل الليل ولا وحدة فيهم جات طلعت عندي  قلوب ليهود هاذو لا العجوز لا نادية لا ميمي و  كانو هنا كامل بيسك ولادهم دايرين الحس ، دخل هو ووجهو مبدل كنت متكسلة قدم عندي قالي  -سلمى انتي وقتاش طحتي من الدروج  سكت قالي اهدري قتلو عندها سمانة قالي وانا علاه مسمعتش قتلو محبيتش نقولك بيسك مشي حاجة ناض من بلاصتو قالي كيفاش ميش حاجة علابالك طيحة هاذيك لي ضرتك ومات الصغير قتلو مكتبة من عند ربي  مي هو لالا غاضاتو علاه مهدرتش وكثر عليا الهدرة قالي يسما لوكان ما يما خبرتني انا منسمعش قتلو الهادي بركا متكبر فيها وانا وين عرفت بلي طيحة هاذي تضرني قالي ديجا وين طحتي انتي وش داك الدروج لتحت قتلو ف نهار لي راحو فيه محمد ومرتو نسيت تلفوني لتحت هبطت نجيبو وتم زلقت ناض يستغفر وخرج ، نضت انا من بلاصتي خرجت لقيتو ف الدروج مع يماه  سمعتو يقولها ادخلي راهي راقدة درت زوج خطوات جيت ف السرير وتكسلت دخلت هي تقعدت نسلم عليها قاتلي مكان لاه منحبش ريحة سبيطار عندي حساسية منها  بقات واقفة قاتلي وانتي كيفاش متفيقيش لروحك صغير ميت في كرشك هدا كامل من طيارتك قتلها مكتبة من ربي شافت ف رنيم تنهدت  وقاتلي لي لي مكتبلو ربي الحياة راهو يتنعم فيها  ايما عرفتها وش تمعني قلبي تخطف منها  ، راحت خرجت ، جبدت الطفلة  عندي نقرالها ف القرآن يالطيف وش هذا خفت حتى هبطتلي الدمعة  كيفاش شافت فيها  وهاذيك التنهيدة  ي ربي بعد عليا شرها وبعدو على الملايكة هاذي يا ربي رانا يتاما معندناش كتاف ي ربي  ، دخل الهادي لقاني محضنتها ودموع في عيني قعد على السرير يحسب فيا منشوعة منو  قالي خلاص سلمى مشي كل منهدر معاك كلمة تقلبي عليا وجهك شفت فيه قتلو الهادي لوكان سمعت وش قاتلي يماك  بقا يشوف فيا قتلو -شافت ف رنيم وتنهدت قاتلي لي مكتبلو ربي الحياة راهو يتنعم  هو تان شفت وجهو تبدل بصح محبش يبين قالي بركاي من توسويس تاعك مشي من كلمة تبقاي تنبشي يما هكدا متعرفش تهدر ....#بقلم_هاندا
31
يقولو العين حق وصح رنيم بايتة ليل كامل مسخنة كانت لاباس عليها  فجأءة تقلبو حوالها حتى درتلها سيبو  ومهبطتش بايتين فاطنين معاها من السخانة بزااف مرقدتش تعرق ، غير طلع الصباح هزها لسبيطار ساعتين بش جابها قالي لاباس حساسية برك ...
بعد ما أجهضت تعافيت في ضرف سمانة ورجعت لحياتي عادي حاكمة داري الهادي كثرت عليه الخدمة ملي رحل محمد بيسك كانو يتناوبو ويخدمو مع بعضاهم دك المسؤولية كامل عليه عاد نهار كامل ف الخدمة يصاير غير ف المغرب  ساعات تحكمني الضيقة من الوحدة لي راني فيها   العجوز مزادتش طلعت عندي و  بناتها مزالهم هنا والدار  تغلي  بالاولاد  الكانيشة هاديك نشوفها تطلع بزااف للتيراس سيرتو فالليل  ، خياتو ولا وحدة فيهم طلعت عندي  كي خرجت من سبيطار اصلا هكدا خير منحبش تنيفيق  الغل تاعهم والحقد واضح في تصرفاتهم  عيني عينك  دك راهم استشفاو فيا مليح  نعرف كيفاش يخممو ،،،،،،،،،، ،  ، فاتت شهور وكمل عام على زواجنا رحنا فواياج شهر  رجعنا منو بطاقة جديدة  وروح جديدة  وزدنا ناصفنا العام الزاوج بصح   العجوز مسكتتش عليا دايما سبايب على اتفه حاجة وميمي هاديك تاني شحال من مرة نتقابضو انا وهي  متخلي فيا منخلي فيها  نادية تمعني وتطلق الشرات وكي يجي خوها تولي مليحة غير يخرج تنقلب   وصلو وين يعايروني بفقري وزادو سمعو بلي السانتورة جابهالي الهادي بغاو يوكلو رواحهم ويماه قاتهالي في وجهي  إبني لي كساك وذهبك وانتي متسواي والو انا بناتي خرجو بشانهم  ووولادي لقطو الملهط تاع الناس  هاد الكلام كنت نسمعو تقريبا يومي ساعات ندير ردة فعل ساعات نسكت  وهكدا حتى جابلها ربي مرضة وعيا قلبها سكتها فرد مرة  حكمت الفراش بصح  عندها سبع ارواح  ....هاندا ريفالدا للقصص_ . بعد ديك المرضة لي خداتها  جا محمد طل عليها هو ومرتو قعدو يامات وراحو  و  يماه هاد الفترة عاودت طلعت لفرنسا دارت لوبيراسيون وقعدت عند خوهم لي تم  خلات وحد الراحة في غيابها واحد محس بيها قدي وحتى بناتها ملي راحت انقطعو علينا وحدة مجات جا  رمضان  ورجعو محمد وحنان فوتناه مع بعض وزادو العيود مبعد رجعو لدارهم  ودك  رانا ف الشتاء رنيم غلقت عامين  وحد البوبية ربي يحفضهالي الهادي كل متكبر كل ميزيد يتعلق بيها  عاد يخرجها معاه لبرا وهي تعيطلو بابا وانا ماما ولسانها الله يبارك مسرح تهدر كلمات مفروزين خير من نتاجها   وبلا منحكي على الدلال كيفاش مدللها حتى نولي نغير   أما الحمل لحد الآن مزال مرزقش ربي  ومنيش مقلقة ولا هو تاني اصلا رنيم معمرة علينا الدار  سيرتو مين كبرت وعادت ناشطة  راحلي هداك الإكتآب لي كان حاكمني وقت فات دك نخدم شغلي  ونولي نلعب معاها حتى يدخل الهادي من برا  ...كما ليوم خارجين نتعشاو برا جو يهبل شتوي وجدنا رواحنا بصح مكتبتش بيسك جات ختو نادية تبان صادة من راجلها بيسك وقت كنا لتحت خارجين وصلها راجلها كانو يدابزو توال الباب وحتى بنتها الدموع في عينيها وحالتهم حالة قالها خوها وش كاين قاتلو والو قالها انطقي حالتكم هاذي وشبيها قاتلو باباها ضربها شاف في لولو قالها مزلتي نتي وش درتي حتى ضربك قاتلو مدرت والو قالها حتى أنا نعرفك مليح  ولا دار ليا قالي روحي اطلعي بدلي قشك وديريلهم العشا انا خارج نهدر معاه ونفهم وش كاين  ورنيم حصلت فيه بابا بابا هزها قالها دك نجي بنتي منطولش ابقاي عاقلة هنا  راح خرج  قتلها رنيمو هيا بنتي بقات تشوف مع لولو وراحت ليها ملايكة الله غالب ولخرى طبعتها جات طايحة جريت ليها هزيتها قتلها نتي ربي يهديك  اليوم رايحة نفوتهالك خطرة خلاف تشوفي وجهي وشفت فيها من فوق لتحت وطلعت  نسب فيها  هادو منين زادو خرجولي بعد متهنا راسي منهم  ومكنتش عارفة بلي من هاد النهار نودع الهنا وراح يصراولي حوايج كبار من تحت ريسانهم  خاصة راس العجوزة وراس الكانيشة هاذيك بالذات  ضهرت ضربتها هي لي تخليلي داري وهاذ الشي عرفتو مأخرا برك  يعني طبخة كانت مطبوخة على البطيء والأضرار رابحة تكون جد وخيمة عليا وعلى حياتي وعلى بنتي وحتى زواجي ......