كَاْتِبةَسَالِي🦋
قصة واقعية
عرين الديجور
✍🏻........✍🏻........✍🏻
اديان : شوف دهام اني ليش اجيت هنا غير حتى اساعدكم ترا اني هذا شغلي لازم اعرف شنو الوصلك لهاي الحاله انت تدري اني لحد الأن مامحدده وضعك اذا انت مريض او لا لاتعتبرني دكتوره اعتبرني صديقه وخلينه نحجي اني وياك وشلون جانت حياتك وليش قتلت عمك ولو اني عندي احساس انو مو انت الي قتلته
كل هذا الكلام و هو ضل يباوعلي ببرود و يعلج و عيونة صاير حمر يحاول يلزم اعصابة ، كام من مكانة انصدمت من حركتة المفاجئة، تقدم علية و خلة ايدي على يدة الكرسي و حاوطني من جهتين ، اتوترت من قربة و واني الرجفه اخذتني وصرت ماعرف اتصرف و وكال (كَاْتِبةَسَالِي🦋)
دهام : ديري بالج مني لان يمكن اذا عرفتي الماضيي راح........ سكت وبس يباوع بعيوني رجع كال.......اكو اشياء اذا عرفتيها راح توديج للهلاك فه ياحلوه لاتخليني اتصرف وياج غير تصرف واطلع الهدوء البداخلي وبعدين انتي تكدرين تحددين شنو وضعي ان كنت مجنون او عاقل ماشي
اديان : ماسويت اي شي بس ارجف من الخوف الي جتاحني ومصدومه ، لزم شفايفي بأصابيعة الثنين و سوى حركة بحلكة مالت بوسة و غمزلي گال
دهام : تمام متفقين انتي خليج بشغلج
اديان : طلع من المكتب واني من كد التوتر الي بيه
خدودي صارن حمر وشفايفي ترجف وصارت بيه شهكة هاي حالتي تصير بيه شهكة مادري ليش اكوم بس اشاهك، تلمست شفايفي واني اتذكر من خلى اصابعة عليهن اول مره امر بهيج احساس اخذت نفس قوي واكول بلكي الشهكة تروح مني
گمت لملمت اغراضي اخذت جنتي وطلعت من السجن كله ورجليه ماكدر اوكف عليهن واني دا اطلع لمحته واكف بالساحه ومكتف ايدي ويباوعلي بنضره غريبه باوعتله بطرت عيني ومشيت تجاهلتة ومثلت القوه واصلاً القوه تلطم بزاويه
طلعت ورحت لسيارتي واخذت بطل ماي ابلل بيدي واخلي على وجهي وخدودي جانن نار تطلع منهن وشبت شويه بلكي تخف الشهكة بس مافاد اخذت نفس ورحت للبيت ، مر الأيام كل اليوم واني بس افكر بلي صار وليش سوه هيج بهذيج الحضه جان قريب عليه كلش ومن اذكر شلون لزم شفتي يكزبر جلدي
مشى الأيامي و اني ما طلعت من غرفتي الا وكت الاكل ، حتى للعيادة هم مارحت ، بابا استغرب مني و اخلاص كل ساعة جايه تريد تستفسر
صار الليل وخليت راسي على مخده وضعي اليوم مو تمام ومن هاي اللحضه تأكدت انو اني واكعه بحبه صرت ابجي بلا وعي غفيت واني دمعه على خدي كعدت الصبح ورحت للمستشفى اليوم ماروح للسجن باشرت بشغلي طبيعي طلعت للحديقه وشفت صديقتي ملاك سورية رحت يمهة.....
اديان : سلام
ملاك : اهلين وسهلين كيفك ؟
اديان : منيحة
أنت تقرأ
عرين الديجور
General Fictionقصة واقعية و حقيقية بلهجة عراقية عرين الديجور كاتبة سالي قصة بين دكتورة نفسية و السجين ...... دكتورة نفسية ، تم تعينها بالسجن لمعرفة مشاكل نفسية للسجناء ، تلتقي بمسجون و حاولت تعرف من ماذا يعاني ...... لكي تضع خططا علاجية تناسب حالته ، لكن بس...
