كَاْتِبةَسَالِي🦋
قصة واقعية
عرين الديجور
✍🏻........✍🏻........✍🏻
دهام : سلام عليكم
اسيل : الكل التفت علي و عمو وبابا جانو يضحكون بس التفتوا على مصدر الصوت اختفت ابتسامتهم عمه ميعاد كامت كوه وهية فاتحه عيونهة ومصدومه وبس الدموع تنزل الكل صار بصدمه عبالك فلم هندي بس عوزنه موسيقى وتكمل ، راحت عمه علي وهوا اجه عليها وحضنها ويبوس بيها وبديها و هي هم تبوس بي ومفرفحه من البجي نزل على رجليها وباسهن واحنا نباوع و دموعنا تنزل عليهم (كَاْتِبةَسَالِي🦋)
اباوع على عمو شلون يباوع على دهام والدمعه مبينه بعيونه تقدم علي دهام وكف كباله ماحجه اي شي شويه وماحسينه غير عمو حضن دهام وهوا يبجي بشوك و دهام حاضنه بكل قوته صار يبوس بيدة ويحضنه صح عمو زعلان منه بس بهاي وقت مايبقه زعل صار يسلم على كل ماعده بابا عافنه وراح ما متقبل وجودة ، شوي وصاحه عمو وراحو للغرفه ماندري شنو يريد منه الكل بقى مستغرب صار عندي فضول اروح سحبت نفسي شوي شوي وفلتت رحت اتسمع عليهم جانو سادين الباب واسمع عمو يكله
جاسم : دهام شلون طلعت من السجن خاف شارد ؟!
دهام : لابويه مو لهدرجه ليش اني اذا اريد اشرد اجي لهنا ؟!
جاسم : جا شلون طلعت فهمني انت محكوم مؤبد ؟!
دهام : مو مهم شلون طلعت المهم اني طلعت
جاسم : اذا ماراح تكلي شلون طلعت بعمري ماراح اسامحك
دهام : عفو
جاسم : شنو يعني طلعت عفو؟!
دهام : اي
جاسم : شلون وانت محكوم مؤبد شلون ؟!
دهام : مادري مادري
جاسم : مستحيل هذا الشي !
دهام : شنو بويه جنك مارايد طلعتي ؟! ..........نزل راسه وكعد على كرسي ماحجى اي شي بعده زعلان مني نزلت وكعدت على ركبتي كباله
دهام : بويه انت تدري كلش زين اني غلطت ورايد منك السماح صارلي سنين واني اتلوع على شوفتك مشتاقلك بكد الدنيا بويه اني ابنك الي ربيته وعلمته بس ما أخذ بتعلومك وراح لطريق الغلط اريد منك ترضى عليه لا ليلي ليل ولا نهاري نهار احس جبل وصاير على كلبي من كد الهم كافي بويه تعبت سامحني
" هزلي راسه موافق "
دهام : يعني سامحتني ؟!
جاسم "هز راسه مره ثانيه" : اي
كمت حضنته والفرحه ماسايعتني ............
اديان : كعدت الصبح واحس بأحساس غريب سبحت وبدلت ومشطت شعري ولفيت شالي ورحت للمستشفى دخلت وبديت اشتغل بين المرضى، رحت للحديقه لكيت علي ابتسمت ورحت يمه كعدت يمه وبدينة نسولف ونضحك احس بس هو الوحيد الي يكدر يضحكني صدك، كمنه نلعب طوبة اني ويا بالحديقه واجوي كم مريض يلعبون ويانه هل يوم جان كلش حلو وفرحانه بي كدرت اتخطى وانسى الحب المستحيل، رجعت للبيت كبل رحت لغرفتي بدلت ونزلت حتى اتغده
أنت تقرأ
عرين الديجور
Ficción Generalقصة واقعية و حقيقية بلهجة عراقية عرين الديجور كاتبة سالي قصة بين دكتورة نفسية و السجين ...... دكتورة نفسية ، تم تعينها بالسجن لمعرفة مشاكل نفسية للسجناء ، تلتقي بمسجون و حاولت تعرف من ماذا يعاني ...... لكي تضع خططا علاجية تناسب حالته ، لكن بس...
