كَاْتِبةَسَالِي🦋
قصة واقعية
عرين الديجور
✍🏻........✍🏻........✍🏻
دهام : تعاي اكعدي عندي موضوع
رحت كعدت يمة و هو جان صافن و ياخذ نفس من الجكارة اردفت
اديان : اي كول شنو الموضوع
دهام: شوفي اديان اكو هواي مواضيع اريد اكلج عليهن بس اول شي خلي نطلب اكل لان جوعانين
اديان : تمام
گام طلب اكل واجة كعد وكال
دهام: بهاء الدين لاتخافين منه لان مايكدر يسوي شي ومو هو الي جان يلاحكج !
اديان : لعد منو؟!
دهام : اني ......واني الي دزيتلج الصورة مال جود من طالع من المدرسة
اديان : ليش هيج سويت ليش عيشتني برعب ؟؟
دهام : بعدين تعرفين اول شي راح نطوي صفحة بهاء الدين و لاتجيبين سيرتة ولا اني خلص احنة تزوجنة وهاهية ثاني شي اني الي راح اوديج واجيبج من الدوام انسي بعد شي تروحين وحدج
اديان : ليش اكدر اعرف ؟!
دهام : مو مهم تعرفين المهم تنفذين كلشي اكولة
اديان : وبرئيك هل شي صح
دهام: اكيد صح دكتوره
اديان : معقولة خطر على حياتي
دهام : لا بس للأحتياط
بقت الأفكار تاكل راسي شوية وصل الأكل وكعدنة ناكل جنت كلش جوعانة لا ريوك ولا غدة خلصنة ولملمت الطاولة طلعت من المطبخ ماموجود استغربت هذا شوكت راح رحت للغرفة هم ماكو بقيت صافنه خليت الجنطة مالتي على الجرباية وطلعت ملابس وخليتهن ورحت للحمام اسبح سمعت صوت الباب مال الشقة انفتح و اندك الباب الحمام (كَاْتِبةَسَالِي🦋)
دهام : اديان انتي هنا
اديان : اي
ماعرفت شنو يريد راح و اني لفيت البرنص على جسمي بقيت انعل بروحي ليش ماجبت ملابسي وياي شلون اطلع هسة قويت كلبي وفتحت الباب على كيف وطلعت بس راسي ماكو طلعت امشي على كيف بس لا يشوفني عبالك حرامي دخلت للغرفه جان كاعد على جرباية و صافن على تلفون شال عينة علية ابتسم ورجع عينة على المبايل ملابسي جانت يمة بقيت واكفة لا اني رايحة جايبة ملابسي ولا اني مسوية شي تقربت منه ورحت اخذ ملابسي بعدني ماواصلة وباوع علية تبلدت بمكاني
دهام : خير شبيج ؟!
اديان : احم لا مابية بس اريد اخذ ملابسي
دهام : اي تعاي اخذيهن
اديان : اي هسة
دهام : يله تعاي
اديان : اي جاية
رحت امشي على كيف وهو يسوي نفسة مامنتبه تقربت مديت ايدي على ملابسي و باوعلي شلت ايدي كام وكف واني اتصنمت بمكاني وارجف شال ملابسي وانطاني ياهن اخذتهن منه وهو ساكت طلعت رحت للحمام بدلت بسرعة ورجعت لكيتة متمدد على جرباية وخال ايدة على راسة وصافن على سقف ونازع ملابسة باقي بس بلبجامة مشطت شعري وكملت ورحت اريد اتمدد كال
أنت تقرأ
عرين الديجور
Narrativa generaleقصة واقعية و حقيقية بلهجة عراقية عرين الديجور كاتبة سالي قصة بين دكتورة نفسية و السجين ...... دكتورة نفسية ، تم تعينها بالسجن لمعرفة مشاكل نفسية للسجناء ، تلتقي بمسجون و حاولت تعرف من ماذا يعاني ...... لكي تضع خططا علاجية تناسب حالته ، لكن بس...
