كَاْتِبةَسَالِي🦋
قصة واقعية
عرين الديجور
✍🏻........✍🏻........✍🏻
اديان : كعدت الصبح ساعه 7 كلي نشاط اليوم اول يوم الي بلمستشفى دخلت للحمام سبحت ولفيت البرنص على جسمي وطلعت طلعت ملابسي ولبستهن ومشطت شعري ولفيت شالي ونزلت جوه لكيت اخلاص كاعده هم تريد تروح لدوامهة هية وجود شويه ونزل بابا
عدنان : صباح الخير
اديان اخلاص :،صباح النور
عدنان :يالله بنتي تريكي حتى نطلع واوصلج للمستشفى
اديان : ماشي بابا
تريكت وكملت وطلعنه كلنه اخلاص راحت بسارتها هية وجود حتى توصله للمدرسه واني وبابا بسياره
صعدنا سيارة و انطلقنا
عدنان : اي بنتي متحمسه ضاهر
اديان : كولش متحمسه يعني اني هسة صرت دكتوره وراح تصير عندي عياده ياالله
عدنان : اي بنتي صارت دكتوره وحققت حلمهة
اديان : وصلنه للمستشفى ، صفينا سيارة بالكراج ودخلنه للمستشفى وبابا وياي ويعرف الأطباء كولهم عرفني عليهم ايضاً وراهة راح لدوامة ، اول يوم كضيتها تعارف ويا اطباء و المرضى ..... شفت حياة تختلف عن حياتي ، حسيت انقلب دور احنة المجنانين و المرضى همة العاقلين .... بعدني ما متعودة على الأجواء ... (كَاْتِبةَسَالِي🦋)
✨ بيت ابو احمد ✨
بشرى : ام احمد شنو اليوم عازمه بيت عدنان
ميعاد :اي خية عزمتهم مايصير صار فتره ماعازمينهم زحمه
بشرى : اي والله حتى نتعرف على بنت زوجها
رتاج : صباح الخير
بشرى : صباح الضهر ياصباح الخير يابطيخ صار الضهر وانتي نايمه عيني
رتاج : اووفف عمة توهة الساعه عشره ياضهر
ميعاد : رتاج يمه كومي تريكي حته تساعدينه بشغل البيت
رتاج : تمام ماما ، كامت وهية تباوع على بشرى بنظرات ، صدگ من گالوا النظرات لو تكتل جان موتت بشرى
بشرى : ميعاد هاي بنتج لازم ماتنطيها عين لأن اذا انطيتيها عين راح تتماده اكثر وماتكدريلها وهية مطلكه وانتي تعرفين المطلكه بهل وكت شنو
ميعاد : ام حسام شنو هاذا الحجي انتي تعرفين كلش زين رتاج ماعدهة هيج سوالف وبعدين حتى لو مطلكه هية ماختارت يصير وياهة هيج القدر الي حكم عليهة هيج
بشرى بهمس : والله ياام احمد بعدج ماتعرفين شي
ميعاد : شنو شكلتي؟
بشرى : هاا لاماكلت شي اكوم اتابع مسلسلي الهندي احسلي
ميعاد بهمس :الله يهديج يابشرى
أنت تقرأ
عرين الديجور
Ficción Generalقصة واقعية و حقيقية بلهجة عراقية عرين الديجور كاتبة سالي قصة بين دكتورة نفسية و السجين ...... دكتورة نفسية ، تم تعينها بالسجن لمعرفة مشاكل نفسية للسجناء ، تلتقي بمسجون و حاولت تعرف من ماذا يعاني ...... لكي تضع خططا علاجية تناسب حالته ، لكن بس...
