كَاْتِبةَسَالِي🦋
قصة واقعية
عرين الديجور
✍🏻........✍🏻........✍🏻
دخلنه للمكان يجرجرون بيه لحد ماكعدوني على كرسي وربطوا ايديه على كرسي حسيت اكو غيرنا
موجودين ، هواي ركزت زين وصرت اباوع من القطعه لخاليها على راسي و صرت اشوف قليل جان اكو هواي زلم واحد منهم واكف بعيد عني جان جبير بالعمر يسولف ويا الي جابوني و بيده الجنطه يفتش بيها شويه و اجى يمي وكف مقابيلي مبتسم خفت من نضراته شويه وحجى
-هاي الي كال عليها لو لا ؟!
رد واحد من الي اخذوني
-اي زعيم لكيناهة بشقه و جبناهة
-حلو يعني هسة هية صارت تعرف كلشي عنا
-ما ادري زعيم احنا ماجبنا طاري شي جبناهة هنا انت تتصرف وياهة
حبيب : خال شنو نسوي بيها ؟!
بهاء الدين : خلي اتأكد من الجنطه و اتصرف وياهة
حبيب:خال اذا ذاك جحش يدري ما اعتقد يضل ساكت !
بهاءالدين: خلي يسوي الي يطلع بيده مو بكيفه بس اتأكد من الجنطه اكتلها
ضحكوا كلهم ، زاد دموعي من سمعت كلمتة الأخيرة ، حسيت گلبي راح يطلع من الخوف ... شهگتي زادت ... گمت ارفس و ابجي و ادعي من كل گلبي الله يطلعني منا ، اختنكت من لاسق الي على شفايفي و قطعة قماش على راسي ... وراها ابتعدوا ضلوا يحجون بهمس ضلوا ينبشون جنطة تعبت من بجي كلش و جسمي كلة يرجف .... اتقربوا مني حجى زعيمهم
بهاءالدين: خلي يصير اليل و كتلوها و شمروها بالنهر لاتخلون اي اثر وراكم طلقه براسها و فضو القضيه من دون لا يعرف احد حتى هذاك لا تخلو يدري و الكل عرف علي من اقصد مفهوم !
الكل : حاضر زعيم
اتخبلت من سمعت شلون راح يكتلوني ، كمت اتخيل شلون راح يكتلوني و يذبوني بالنهر و محد راح يدري بيه بقت بس دموعي تشكي همي والمصيبه الي اني بيها ماعرف شسوي شلون اخلص نفسي من هاي الورطه اذا صدك كتلوني بابا شلون بي يموت ادري بي يارب ساعدني شويه وانفتح الباب الجبير واسمع العيطه اجت من وراي صاح بصوت عالي و هذا الصوت سامعته وانصدمت من عرفت صاحب الصوت
دهام : بهاء الدين انت شلون تتصرف من راسك ها فهمني ؟!!!!
اجه صارو مقابيلي يحجون حتى اذاني توشوش من كد الصدمه و عيوني فاتحتهن مامستوعبه الي دايصير هذا شجابه هنا !!!
بهاء الدين : خير دهام شعندك جاي هنا واصلاً شلون دريت ؟
دهام : مو مهم شلون دريت ، انت شدا تسوي فهمنييي !!
بهاء الدين : ما مسوي شي ، جان عندي حساب عند جبار و تصافينه اخذت الي اريده و زياده هم
دهام : لك شنو اخذت الي تريده !!!!
أنت تقرأ
عرين الديجور
General Fictionقصة واقعية و حقيقية بلهجة عراقية عرين الديجور كاتبة سالي قصة بين دكتورة نفسية و السجين ...... دكتورة نفسية ، تم تعينها بالسجن لمعرفة مشاكل نفسية للسجناء ، تلتقي بمسجون و حاولت تعرف من ماذا يعاني ...... لكي تضع خططا علاجية تناسب حالته ، لكن بس...
