جميلة ام غسان: يايمه شرايك تتزوجها عشان خاطر ابوك
غسان: يمهه كل شي بحياتي اسويه عشان خاطر ابوي ماعمري سويت شي لخاطري انا
جميلة : تعرف طبع ابوك كيف طيعه عشان تسلم من كلامه
غسان: انا بكلمه يمه انتي ماعليك مني ولا تحاولي تقنعيني بشي ابدد ياما طعتكم وحياتي كل مالها تخرب
جميلة: يعني تقول خربنا حياتك
طالع بأمه نظره ونزلها كأنه يأكد لها كلامها وجلس يفكر باللي يبيه ابوه
_________________________________________
بعد صلاة المغرب6:45
دخل المشب يجلس مع ابوه ويحاول يتفاهم معاه
غسان : السلام عليكم ورحهة الله
عطه نظره ورد : وعليكم السلام
قرب من ابوه يقهويه قبل مايجلس يبي يقيس النبض اذا ابوه معصب ولا لا عشان يبدا يسولف معاه ويحاول يغير رأيه بموضوع زواجه
هزاع ابو غسان : ايه تكلم عارف سكوتك وراه كلامم كبير تكلم
غسان : مابي اتزوج
هزاع : انت عارف ذا الموضوع مالك رأي فيه صح
غسان : هذا الكلام تقوله لي قبل كم وسنه مو وانا رجال شكبري تجبرني على شورك
عطاه نظره هادية لانه عارف مهما كان ولده بيمشي على شوره بس خلاه يتناقش معاه
هزاع : فيه وحده ببالك تبي ناخذها لك غير بنت عمك؟
غسان : انا مو عن ابي وحده انا رافض فكرة الزواج مره وحده وانت عارف ليه
هزاع : لا مو عارف وانت رجال وكل رجال يبي له زوجة تكمله وترعاه
غسان : يبه بالله وش ترعاني شايفني عاجز عن نفسي مثلا ولا مو عارف ادبر نفسي؟ انا طول عمري لحالي وابي اظل كذا
بدا ضغطه يرتفع من ولده اللي مو راضي يقتنع برأيه اللي هو بس مقتنع فيه مو عارف ليه مع انها بتسهل حياته بس ولده لازم يعاند مهما كان الموضوع رد عليه بصراخ
هزاع : بس هذي ماصارت حياتك لحالك
غسان : الا حياتي لحالي وانا اللي بتحكم فيها محد له رأي ابداا فيها
وكمل
غسان : واذا انك ميت تبي تزوج اي احد ياكثر ورعانك منت حاط عينك الا علي خلاص عاد
هزاع : اطلع برا احسن لك مابي اشوف وجهك الحين وللمعلومية كلامنا للحين ماخلص فاهم
ناظره وهو متنرفز مررره من ابوه اللي كل شي يأمر فيه يخرب حياته اكثر نزل عينه وطلع
