السلام عليكم كيفكم
قراءة ممتعة واتمنى من الجميع يعلق احب اقرأ تعليقاتكم 🤍🤍
عذرا عن الاخطاء
__________________________________
شهر عدا بالتمام والكمال على ابطالنا
بيت غسان
غسلن له ثلاث ايام مو نايم زين من تراكم الشغل عليه وعياله اللي مايقدر يحطهم عند علياء يحس هو اللي يبي يعتني فيهم مايبي غيره يبيهم يربون وهو حولهم ٢٤ ساعه
ثلاث ايام مو شايف بدر لانه هو يتعذر وهذا الشي حز بخاطر بدر اللي تعلق بغسان مره كيف مايتعلق وهو لهم شهرين مع بعض والحين مايبي يشوفة ثلاث ايام
غسان وعيونه تقفل مو قادر وسنان يطالع فيه ويضحك : ليه يابابا تضحك علي بالله عليك هذي حاله ؟ ها
قال اخر كلمه بنبره مختلفة عشان يضحك سنان لف لعناد العادي وماسك رضاعته
من الحين بين الفرق بينهم وهو حابهم بكل شخصياتهم
سنان كان عنيد وشقي مايبي الا يلعب هنا وهناك ودايم مصيح شي ويضحك
عكس عناد اللي من يقوم يحبي للصاله ينتظر غسان يعطيه الرضاعه ويفتح له شي بالتلفزيون
مسك سنان وحطه جنب اخوه :خليكم هنا شوي بس اروح اغسل وجهي و شعري اصحصح
تكلم كأنهم يفهمون عطوه نظرة استغراب تنهد وقام دخل الحمام وانتم بكرامة
طلع من الحمام ينشف شعره حرفيا ماكمل خمس دقايق بالحمام وسمع صراخ بالصاله
قام مشي وشوف وش صاير شاف سنان شاد شعر عناد ومعيي يتركه وجهه عناد قالب احمر من البكي
فكهم من بعض شايل عناد بصدره يهديه سنان قام يصيح من شاف ابوه شايل اخوه وتاركه غسان هنا حس انه راح يبكي معهم بس مسكها وشال سنان بيده الثانيه
ويهمس لهم يهديهم
غسان طالع فيهم حاس انه حابسهم ولا يطلهعم ناظر فيهم وهم بحضنه باسهم بقوه :الله يخليكم لي ولا يوريني فيكم شر
التوام مافهموا ابوهم وش يقول بس حابين حضنه مره وقاموا يضحكوا لما شد عليهم غسان
غسان طالع بضحكتهم وابسم بوسع لهم :شرايكم نطلع نغير جو؟
تكلم للمره للالف كانهم يفهمونه بس وش يسوي هم الوحيدين اللي عنده
قام فيهم لغرفتهم يلبسهم وطلع جهز شنطتهم ورضعات احتياط لهم
ناظر جواله يشوفه فاضي تذكر لما بدر يدق عليه يبي يقابله بس غسان يتعذر بالشغل وهم ماكذب هو فعلا مشغول ومو فاضي حتى لنفسه
قرر يطنش وبعدين يبرر لبدر طلع يركب عياله السياره وركب هو طل بنظرة لبيت بدر يشوف سيارتين اول مره يشوفها
بس طنش ومشي لسيارة هو مو ملقوف لدرجة يروح يسال من ذول مع انهم تقربوا مره بذا الشهر حيل
