السلام عليكم
تعليقاتهم تفرحني ومانقول لا للفوت 💗
اعذروني على الاخطاء
__________________________
الساعة ١٢ الظهر بيت غسان
تحرك غسان من مكانه بانزعاج من صوت بزرانه بالجهاز
فتح عيونه يشوف اللي ماخذ عقلة بنومه عميقه كان وده يقرب له ويبوسه بس قرر مايزعجه ويتركه ينام
مسك جواله متوجه لغرفة عياله يشوفهم ابتسم وهو يشوفهم صاحين بس عناد اللي كان يصيح والثاني يبتسم بهباله على اخوه
غسان ضحك وهو يشيل عناد ويشيل عنه ملابسه قرر انه ياخذ لهم شور
دخل عناد الحمام وراح بسرعة للثاني يجيبه
عبى لهم البانيو مويه وحط لهم رغوة عشان يلعبون
مسك جواله يصور لما شاف سنان ماسك لعبه بالبانيو ويسولف لعناد عنها
سنان وهو ياشر على اللعبة ويتكلم : ناداناداددي دا
عناد مسك اللعبه سحبها منه : داداند باداباابا
غسان وسع عيونه كانه لمح اسمه بين خلبطتهم
غسان: ايش بابا عناد عيد
عناد ناظره وهو عاقد حواجبه ولف عنه يسولف على سنان
سنان ناظر ابوه وضحك وكانه يتشمت فيه
غسان بهمس بينه وبين نفسه : تتشمت فيني حبيبي اوريك
اخذ لهم كم صوره وكمل حمامهم وطلعهم
طلع لغرفة الاطفال وهم معه وتوه يتسوعب انه كان مغرق مويه ماحس على بزرانه وهم يلعبوا بالموية ناظرهم حطهم على الارض وتاكد انه المكيف طافي
تكلم معهم كانهم يفهموا : اسمعوا بروح ابدل واجي البسكم خلكم هادين بس دقيقتين
سنان ابتسم وعناد قلده بفهاوه
غسان ناظر سنان : الله يستر من الابتسامه هذي
راح لغرفته يلبس وشاف بدر للحين غرقان لبس عالسريع وراح يشوف اطفاله
وزي ماتوقع سنان ماسك البودره ويكبها على عناد اللي يضحك عباله لعبه
غسان وسع عيونه : سنانن!!!!
سنان ناظره ورجع نظره للبودره اللي بيده ورماها على غسان بقوه يعني مو انا اللي كبيت وانت ماشفت شي
غسان وسع عيونه وهو يشوف البودره جايه عليه ضربت رجله وانكبت على الارض
رفع نظره لسنان اللي مات ضحك يحسب ابوه يلعب معه وابوه شوي ينجلط
عناد رفع انظاره على سنان اللي ميت ضحك وقام يضحك معاه
غسان ناظر بعناد وتكلم : اضحك انت الثاني ماشي ورا اخوك يالفاهي
