السلام عليكم
كيفكم؟
قراءة ممتعه للجميع
لا تنسوا فوت وكومنت
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
الساعة ١:٣٠ في بيت غسان
همهم من الازعاج اللي يسمعه فتح عينه يشوف وش فيه
تنهد وهو يشوف جهاز عياله يطلع صوت بمعنى ان واحد منهم صاحي
حاول يتحرك توه ينتبه للي بحضنه ابتسم وهو يحاول يبعده بدون ما يصحيه
دخل غرفة عياله يشوف عناد يبكي على خفيف كانه فقد الامل ان ابوه يجي قرب غسان يشيله يهديه بشويش عشان الثاني مايقوم
عناد ابتسم وهو بحضن خفيف وقام يسولف على ابوه : دادبابت
ابتسامة غسان توسعت : ياويلي انا تسولففف اموتت عليكم
ضحك عناد وبانت اسنانه الاماميه كمل ضحك غسان ماخذ عناد برا الغرفه لايصحى سنان
بالصاله
غسان ماسك عناد يغير له وانتم بكرامة
غسان : ايه يابابا تقولي صرت تسولف مالقيت توريني الا اخر الليل
عناد موفاهم عليه شي بس يضحك : بدااداني
كمل غسان اللي يسويه وحط عناد بحضنه يرضعه ويهزه شوي عشان يرجع ينام
وعناد بحضنه مافيه ولا ذره نوم غسان يطالع فيه وهو كل شوي يغفي تنهد يحط عناد بسريره لعل وعسى ينام ماحس بنفسه وهو نايم بغرفة عياله
الساعه٥ الفجر
بدر قام وهو يناظر جنبه متاكد ان غسان نام جنبه متى قام تنهد يقوم يدخل الحمام وانتم بكرامة
طلع وهو ينشف وجهه نزل يدور عليه مالقاه راح دخل غرفة البزران لمحة نايم بالارض وكشر بوجهه واضح النومه مو عاجتبه
راح له يصحيه
بدر بهمس : غسان قوم روح نايم بالغرفه
همهم غسان وهو يفتح عينه : العيال بدر
بدر وهو يمسح على كتفه : ماعليك انا بنتبه لهم انت ريح شوي
غسان وهو يطالع بعيون بدر مع انه توه صاحي الا انه جميل جدا : مابي اتعبك
بدر قرب منه يحفزه انه يقوم : مافيها تعب ياروحي انت روح نام وانا معهم
قام غسان وهو فعلا تعبان مره من نومة الارض دخل غرفته انسدح ونام بسرعه من كثر التعب
بدر دخل الغرفه بعد غسان يبي ياخذ جواله قرب من غسان يمسح على وجهه تكلم بهمس : حتى وانت تعبان تجذبني لك مدري كيف بتحمل وانا معك بنفس البيت وانام معك بنفس السرير
ختم كلامه ببوسه على طرف شفايف غسان اللي غرقان بنوم
بدر كمل : ياترى لو تعرف عني بتخليني اقعد معك واتاملك براحتي ؟
تنهد وهو يتحرك برا الغرفه قفل الباب بهدوء
