السلام عليكم
كيفكم ؟
فوت وكومنت لو تكرمتم
قراءة ممتعة
_______________________________________
اسبوع كامل مر على ابطالنا وعلاقتهم زي العسل ببعض
ياسر وراكان فاهمين على بعض مره وكل واحد مرتاح بشغله مع الثاني
وش نقول عن بدر وغسان وسبحان من سخر علياء لعياله صار يحطهم كل صبح وياخذ بدر يقضون اليوم مع بعض بدون اي ملل
______________________________________
بيت غسان ٩:٠٠ صباحا
ماسك اللي يبكي بحضنه بس يبيه يسكت : سنان ابوي خلاص تعبت وانا اسكت فيك ماتسكت
ناظره سنان للحظه ورجع يبكي اقوى تنهد غسان يفكرلولا بيت بدر اللي بيرمي عياله فيه كتن ماتحمل اكثر من يومين
ترك سنان جنب عناد على الكنبه يجهز اغراضهم عشان يوديهم لعمتهم علياء
دق جرس بيت بدر ينتظره يفتح
جلس دقيقه لين فتح الباب طلع له بدر زي كل مره عيونه مفقعة نوم
بدر وهو يتثارب : تعال دخلهم امي ازعجتني تبيهم
بلع ريقه غسان ودخل للمجلس يحطهم عشان تاخذهم ام بدر
غسان لف لبدر اللي للحين يتثاوب : بتجي معي ؟
بدر وهو ميت نوم : وش بتسوي انت
غسان : ولا شي بنروح البيت نقعد
بدر سحبه : اجل تعال معاي انا بنام وانت خلك بالغرفه
غسان ظل ساكن مخلي بدر يسحبه لغرفته
بدر دخل للغرفة تارك غسان يتجول فيها براحته
كانت غرفته بسيطه مره سرير دولاب وجلسه صغيره على الجنب
فتح بدر المكيف كان بارد وهو متعود عليه وراح ينسدح بالسرير
غسان ارتجف من برودة المكيف لف على بدر وشافه انسدح مغمض عينه
تنهد وراح يطفي النور صحيح انه مافيه النوم تعود دايم يصحى بدري
كان بيقعد بالكنبه على جواله بس حاس البرد بيدخل ضلوعة
وقف قدام سرير بدر يشوفه كان سرير نفر ونص قعد نص دقيقه يفكر
غسان وهو يسحب البطانية ويهمس : بدر زحف شوي
بدر فتح نص عين وهمهم له وهو يزحف له
انسدح غسان وتغطى كان بيفتح جوالة بس خاف يزعج بدر لف جسمه لجهة بدر يتأمل ظهره
______________________________________
الساعه ١٠:٣٠ صباحا وتحديدا بالمستشفى
راكان وهو يعدل نظارته : ياسر عطني اوراق الحالة الجايه
ياسر وهو يدور بين الملفات : ابشر بس دقيقه ادوره
راكان : خذ راحتك ماعليك
خلصوا شغلهم مع الحالة وطلعت من عندهم
تنهد ياسر وهو يجلس مقابل راكان : افف تعبت من الحين
ضحك راكان : هذا وانت الممرض اجل كيف الدكتور
ناظره ياسر بنص عين : انت خاصة اصص ولا كلمه طلباتك ماتخلص من تدخل الحاله الين تطلع وانت ياسر تعال ياسر جيب
التفت له راكان وهو ميت ضحك : وش يعني موظفك ليه انا
خزه ياسر بكره
