السلام عليكم
علقوا اذا ماعليكم امر ياحلوين
________________________________________
الساعه 5:30 قريب اذان المغرب
واخيرا وصل بيته حياته الجديده قعد ساعه ونص يفرفر بالسياره بس يبي ينسى اللي صار مانتبه على نفسه الا لما سمع سنان يصيح توه يستوعب حياة جديدة بس مو مسؤول عن نفسه مسؤول عن اثنين زيادة تنهد وهو نازل من السياره ينزل الاغراض من السياره مو ملاحظ اللي يراقبة من بعيد
بدر وهو يتمشى بالحاره كعاده عنده لف يناظر بيت غسان يشوفه ينزل اغراضة
بس لاحظ مقاعد الاطفال بسيارته قال بنفسه : وانا مايطيح حظي الا على متزوج ومعيل بعد وعنده اثنين عيوني جد زايغه اففف
لف يدخل بيته ينتظر امه اللي بالمطبخ من الصبح مشغوله
جلس على جواله يفرفر شاف رسالة من عمر
سناب :
عمر : ولددد شايف ذا الجار
بدر : ايه وشبه
عمر: طلع معيلل ياويلي يطلع خويه بعد بنتحر كذا
بدر بنفسه يعني اكيد خويه متزوج ومعيل اكيد بيكون نفس اطباع صديقه
وقفل المحادثه مطنش عمر اللي يرسل
دقايق ودخلت عليه امه تحط جنبه الحافضات حقت الاكل
علياء: قم ودها لجارنا
بدر : اي واحد بعدين ميت جوع عبالي تسوين لي اكل بالاخير للجار
علياء : اي جار يعني اللي توه ساكن وانت انتظر للعشاء وبعدها احط لك اكل الحين قم ودها لاتبرد عيب ساكن من امس ولا وجبناهم
بدر : تراه توه جاي الحاره مو من شهر هدي شوي
علياء: بتقوم ولا اوديها انا هاا
بدر وهو يتحلطم بهمس : اروح اقوله امسك اكل وانت حبيبة الروح يع كيف كذا اففف
قام لبس وطلع لبيت جاره
_________________________________________
بيت غسان
من لما دخل رتب ملابس عياله وملابسة بالدواليب وشغل لعياله شي بالتلفزيون يلهون عنه عشان يخلص شغله براحته
راح المطبخ يشرب مويه فتح الثلاجة يشوفها فاضييية مافيها ولا شي سحب له مويه وراح يجلس عند عياله بالصاله شافه سنان داخل قام يمد يدينه يبيه يشيله راح له وهو يتأمل ملامحهم كلها ملامحة ما اخذوا من ملامح امهم وهذا اكبر هديه من ربه والا كان راح يكرههم ولا يطالع بوجيههم اصلا قام يحضن سنان وشال عناد بالثانيه وهم يضحكون بحضنه كانوا صغاار مره سبع شهور اعمارهم
قعدوا دقايق يتفرجوا وغسان يفكر كيف بيطلع ويشتري اغراض البيت وهم مامعهم احد ولا اخذهم ابتلش فيهم جد تنهد يكمل يتابع معهم
