السلام عليكم
اعذروني على الاخطاء لو وجدت
فضلا وليس امرا علقوا بين الفقرات واعطوني رايكم
وصحيح فيه روايه نزلتها اسمها نبراس نزلت بس المقدمه ابي تعطوني رايكم فيها اذا تستحق اخذها بجدية
______________________________
بعد اسبوعين
صحى على نفسه من خيالاته الواسعه وضحك على نفسه بسخرية : اجل بتنساه وتبدا حياة جديدة عمر ؟
هذا وانا مالي اسبوع من شفته ماتغير من الاربع سنين ولو ذره وان كان فيه تغير بيكون بجماله اللي زاد
بس للاسف انا اللي حظي مابيتعدل
من شفته بالمطار وانا قلبي وقف توقعت بكرن قوي وقت اشوفه ومن بعده عني بنساه ولكن قلبي يحب يخالفني
شفت ابتسامته الواسعه وهو جاي ناحيتنا انا وبدر ويحضنه
ماتوقعت اني متلهف لحضنه لذي الدرجة
شعور حلو انك تحضن اللي تحبه تحس انه خذاك لعالم ثاني غيرر عن اللي كنت فيه بس وين اذا كان المعني مجرد صديق
سمعت صوته وهو بحضني: وحشتني عمر
شديت عليه وانا مو واعي وبهمس رديت عليه: اكثر يامجد وحشتني اكثرر
بعد مجد عندي وابتسامته مو مفارقه وجهه
قطع سلسلة افكاره دق الباب بقوه
تنهد بانزعاج : مينن؟!!
بدر : افتح ياكلب ليه ماترد على جوالك
قام عمر من مكانه بتململ يفتح الباب شافه بدر وضاق عليه : خير اسبوع مو شايفينك
عمر رجع انسدح : قلت لك مشغول
بدر : ادري فيك ماعندك يالفه ولا شغل ماغير تتهرب منه
عمر همهم له وهو يناظر السقف : طيب وانت وش تبي الحين
عقد حراجبه بدر : طرده ؟
عمر نفى بقوه : ابدد بس اسحب كلام منك
بدر : قوم معي نتقهوى طق
عمر: وين؟
بدر تافف : وين يعني ببيت غسان
عمر رفع حاجبه : وانت احتليت بيته تقول ماعندك بيت مقابله
بدر: حبيبي وبكيفي
