شجون الكاسر

part 53

﷽
﴿فَاسْعَوْا إِلَىٰ ذِكْرِ اللَّهِ﴾
يُساق المرء نحو قدره فأطمئنوا .
.
  ﴿وَقُلِ الْحَمْدُ لِلَّهِ﴾.
.
اَࢪادۿ قـويۿ ورغـبۿ مـتلهفۿ لـغداً اَجـمل

part 53

ـــــــــــــــــــــــــــــــــــــــــــــــــــــــــــــــــــــــــــــــــــ

تفاعلو حبايبي ++ لا تنسون التصويت ++ متابعة الحساب ( احبكم انا)

ـــــــــــــــــــــــــــــــــــــــــــــــــــــــــــــــــــــــــــــــــــ

ازل

اباوع طلعو العرسان يركبون سيارتهم حتى نزفهم لـ الفندق صارو جماعته داير مدايرهم وصارو يهوسون

ــ ولا تكول الوحدك كل احنه اخوتك

ــ صحبانه هواي والشارع يسدونه

جان المنظر وهم يفترون داير مدايره يجنن حرفيا جان الكل يركص فرحان والضحكه مرسومه على وجوهم

صعدو بـ السياره حتى نزفهم وصعدنه احنه بـ السيارات زكريا ما قبل احد يزفه كل اني اسوق السياره

وبس صعدو وتحركت السيارات سمعنه صوت رصاص يدوي بـ المكان حانت سيارة الزفه مترأسه السيارات

حنه نصارخ من الخوف وكلنه منزلين روسنه ماحسيت الا باب السياره انفتح وركضت روان لـ سيارة الزفه

الناس كلها نزلت ركضنه نشوف شكو شفت منظر مستحيل بيوم انسا شفت رؤيا بحضن زكريا وبدلتها البيضه صاير لونها احمر و زكريا هم مثلها

سحبوهم من السيارات والصريخ مله المكان تحول من فرح لـ عزاء والصدمه جانت رؤيا متوفيه على اثر الطلقه جايه بنص كلبها وزكريا بـ بطنه و بـ كتفه بس بعده عايش

رفع ايده على امه يأشر اجته تركض سحبته لـ حضنها ومجلب بـ رؤيا من ايدها همس وكوه يحجي

زكريا :- ي يما أ ابريني الذمه يم يما اريد اموت بـ بحضنج يال يالحبيبه