شجون الكاسر

part 42

﷽
﴿فَاسْعَوْا إِلَىٰ ذِكْرِ اللَّهِ﴾
يُساق المرء نحو قدره فأطمئنوا .
.
  ﴿وَقُلِ الْحَمْدُ لِلَّهِ﴾.
.
اَࢪادۿ قـويۿ ورغـبۿ مـتلهفۿ لـغداً اَجـمل

part 42

ـــــــــــــــــــــــــــــــــــــــــــــــــــــــــــــــــــــــــــــــــــ

تفاعلو حبايبي ++ لا تنسون التصويت ++ متابعة الحساب ( احبكم انا)

ـــــــــــــــــــــــــــــــــــــــــــــــــــــــــــــــــــــــــــــــــــ

سدف

انخبصنه بـ شجن ورا وكعتها شالها الاكبر يركض بيها ولحكنا اني و آريا و ريس صعدها ورا وصعد يمها صعدت اني هم وهي نايمه بحضنه

آريا يسوق وريس كعد بـ الصدر وياهم اتلمس رجليها صايرات جمر وطكع حمر تطلع بجسمها بس وصلنه لـ المستشفى حولوها على الطوارئ

بقينه كلنه بره بابا خابر آريا حتى يعرف بيا مستشفى احنه بس آريا رفض انو يجون لان اريام تركناها تخربطت على بنتها و اقاربنه من بعيد بعدهم موجودين

طلعت الممرضه بـ ايدها ابره ساحبه بيها دم انطتها لـ آريا هي و ورقه هم كلتله يروح لـ المختبر يسوي تحليل على السريع اخذها وراح بسرعه

ريس :- هي شبيها

الاكبر :- يا اخي بيها تيفو بنسبه عاليه وصخونه حمه لحيت عليها لا تجين بس عندت هي لازمها راحه نوب البارحه اجتها النوبه وبسبب النوبه هيج صايره

ريس :- النوبه تجيها وحدها لو بسبب

سدف :- بس من تتعب لو تتمرض

طلع الدكتور من الغرفه تلكا الاكبر

الاكبر :- ها دكتور صحت

الدكتور :- ضغطها مرتفع وهذا سبب اغمائها واي صحت بس من شوكت هي هيج مصخنه

الاكبر :- من البارحه الفجر كعدت مصخنه واخذناها البارحه لـ مستشفى الــ **** وكالو عدها تيفو وحمه

الدكتور :- اهاا زين ما عدها امراض مزمنه امراض نفسيه حساسية علاج

الاكبر :- عدها صرع واجتها النوبه البارحه اما حساسيه ما اعرف والله