شجون الكاسر

part 54

﷽
﴿فَاسْعَوْا إِلَىٰ ذِكْرِ اللَّهِ﴾
يُساق المرء نحو قدره فأطمئنوا .
.
﴿وَقُلِ الْحَمْدُ لِلَّهِ﴾.
.
اَࢪادۿ قـويۿ ورغـبۿ مـتلهفۿ لـغداً اَجـمل

part 54

ـــــــــــــــــــــــــــــــــــــــــــــــــــــــــــــــــــــــــــــــــــ

تفاعلو حبايبي ++ لا تنسون التصويت ++ متابعة الحساب ( احبكم انا)

ـــــــــــــــــــــــــــــــــــــــــــــــــــــــــــــــــــــــــــــــــــ

روان

الفقدان اصعب الم ممكن يمر على الانسان مستحيل جرحه عميق كلش يبقه نابت بـ نص كلبك لـ درجة تحس كلبك خالي من المشاعر وعديم الاحساس

تحس نفسك ميت بس على قيد الحياة صعبه انو تشتاق لـ شخص ميت ما تكدر تشوفه لا تكدر تحضنه لا تسمع صوته

تكعد تتذكر سوالفكم سويه ضحكاتكم تتذكر من تكعد وياه تنسه هموم الدنيا كلها تنسه شكو وجع بروحك تتذكر حنيته و طيبته

و فجأه تفز تلكه روحك غاط بـ الذكريات و دموعك تحرك بروحك تشتاق تحضنه بس تتذكر التراب حاضنه الموت اخذه منك وتركك

بعد روحة رؤيا مشاعري مفقوده ماكو بـس الالم مسيطر على كلبي و على طول مكابله اغراضها وكاعده دموعي ما نشفت ولا بيوم ابد

حبست روحي بـ غرفتنه و اكعد اتذكر هنا كعدنه هنا سولفنه هنا ضحكنه هنا بجينه هنا نمت على رجليها هنا تعاركنه هنا وعدتني متعوفني بـس عافتني

لازمه صورتها و اباوعلها دموعي تنزل والشهكه ماخذه مسراها تقطع انفاسي عندي رؤيا تخطت حب امي و ابوي احبها امي هاي واختي وصديقتي تنهدت وهمست

روان :- بعازتك يل ماكو واحد يگدر يسد عازتك

صرت اناشغ نمت وحاضنه الصوره ابجي انفتحت الباب ودخلت زهـراء بـ ايدها صينية اكل كعدت كدامي وحجت

زهـراء :- رونا يلا حبيبتي اكعدي اكلي

روان :- ماريد

زهـراء :- شلون ما تردين ولج راح تموتين

روان :- احسن اريد الحكها

زهـراء :- اسم الله عليج يروحي اكعدي بنيتي حبابه اكلي والله لو موجوده هي جان ما قبلت على هذا حالج