شجون الكاسر

part 59

﷽
﴿فَاسْعَوْا إِلَىٰ ذِكْرِ اللَّهِ﴾
يُساق المرء نحو قدره فأطمئنوا .
.
  ﴿وَقُلِ الْحَمْدُ لِلَّهِ﴾.
.
اَࢪادۿ قـويۿ ورغـبۿ مـتلهفۿ لـغداً اَجـمل

part 59

ـــــــــــــــــــــــــــــــــــــــــــــــــــــــــــــــــــــــــــــــــــ

تفاعلو حبايبي ++ لا تنسون التصويت ++ متابعة الحساب ( احبكم انا)

ـــــــــــــــــــــــــــــــــــــــــــــــــــــــــــــــــــــــــــــــــــ

زهـراء

جنه كاعدين العصر كلنه بالحديقه الجو حلو ربيع جان سجاد يلاعب بـ ملاك وعلي و خالو و سعد يسولفون واني و خاله رسل صافنات ما نعرف شنسوي

زهـراء :- ملل

رسل :- كلش يا ماما

سعد :- تطلعون

رسل :- اني ما بيه حيل

زهـراء :- ولا اني

علي :- نروح لـ روان

رسل :- اي اي نروح

اباوعلها صايره روحها بـ روان تخاف لا تخسرها مثل رؤيا الله يرحمها هي على طول من تصفن و تسئلها وين صافنه تكول وي رؤيا

سجاد :- يلا لعد كومو بالحلال الا اخسر آريا عشا

يامن :- شنو هاي الميانه ولكم

سعد :- احنه والنسيب

علي :- يلا لعد كومو تجهزو

يامن :- شو ما اخذتو رأيي

علي :- العفو نسيت يابه شتكول نروح لو لا

يامن :- يلا

ضحكنه وكمنه نتجهز رحت جهزت نفسي و ملاك هم سعد خل قبلنه وبقه كاعد منتظرنه التفتت عليه افتريت كدامه وحجيت

زهـراء :- شلوني

سعد :- جنه

ابتسمت و باوعت لـ ملاك سوت مثلي و حجت بحماس

ملاك :- انيييي

سعد :- دخيل ربج صددك ملاككك تعالي لـ بابا يلا

راحت تركض بحضنه وكعد يتغزل بيها نفس كل مره سعد كلش متغير حتى شيب طلع براسه حتى تصرفاته صاير كلش حذر وي الناس