شجون الكاسر

part 57

﷽
﴿فَاسْعَوْا إِلَىٰ ذِكْرِ اللَّهِ﴾
يُساق المرء نحو قدره فأطمئنوا .
.
  ﴿وَقُلِ الْحَمْدُ لِلَّهِ﴾.
.
اَࢪادۿ قـويۿ ورغـبۿ مـتلهفۿ لـغداً اَجـمل

part 57

ـــــــــــــــــــــــــــــــــــــــــــــــــــــــــــــــــــــــــــــــــــ

تفاعلو حبايبي ++ لا تنسون التصويت ++ متابعة الحساب ( احبكم انا)

ـــــــــــــــــــــــــــــــــــــــــــــــــــــــــــــــــــــــــــــــــــ

سدف

جنت كاعده مقابيل ام زكريا الي تسولف على ابنها كلما نشوفها هي بس تسولف بي تكسر باب الكلب لو تنعي لو تبجي عليه

جنه مسوين ثواب الهم بـ بيت عمو يامن واجت هي واخوها واهله الكل يمنا جانو سدم كاعد بحضني يباوعلها مبرطم يريد يبجي

ام زكريا :- هيج جنت انومه بحضيني و الوليله اووفف يا يمه جنت هيج احطنه بحضيني يالحبيب والوليك دللول يا يمه الولد دللول يما عدوك عليل وساكن الجول يما دللولك يالحبيب يا يما وغطاك التراب يالعمر و دللولك يالولد يا يما وما شبعت منك يا يمه يالحبيب ما شبعت من عيونك وسوالفك وضحكتك يا روح امك دللول يا نظر عيوني وزفيتك للگبر وي عروستك يا يما بدال لا ازفك لـ غرفتك دللولك يوحيد امك وعفتني ورحت يا يما دللول والمن عفتني ورحت يا يما دللول يالعزيز وذبحني الشوگ لشوفتك يا روحي دللول يما وجتالك لـ هسه يشم الهوا يا يما وكلبي محروك عليك يا يما يالحبيب يا وليدي

غطت وجها بـ شيلتها وصارت تبجي بصوت عالي خاله رسل وياها يكسرن الگلب بـ بواجيهن فزيت من سدم خله وجها على صدري وصار يبجي بصوت وياهن

شلته اخذته لـ المطبخ وهو على وضعيته عيوني جانت مدمعه بس فتت صار بوجهي الاكبر تنهد واخذه مني

الاكبر :- شبي

سدف :- سمع خاله ام زكريا تنعي وصار يبجي

الاكبر :- الله يساعد كلبها

شجن :- هسه بس تسمعها روان تكابلها وتصير تبجي

سدف :- وينها هسه هي

شجن :- برا يم اخوتها

طلعنه من المطبخ جانو الولد يطبخون برا ومنه جاي يعبونه بـ اكياس يوزعونه على الناس المحتاجه بـ ثوابهم