شجون الكاسر

part 20

﷽
﴿فَاسْعَوْا إِلَىٰ ذِكْرِ اللَّهِ﴾
يُساق المرء نحو قدره فأطمئنوا .
.
  ﴿وَقُلِ الْحَمْدُ لِلَّهِ﴾.
.
اَࢪادۿ قـويۿ ورغـبۿ مـتلهفۿ لـغداً اَجـمل

part 20

ـــــــــــــــــــــــــــــــــــــــــــــــــــــــــــــــــــــــــــــــــــ

تفاعلو حبايبي ++ لا تنسون التصويت ++ متابعة الحساب ( احبكم انا)

ـــــــــــــــــــــــــــــــــــــــــــــــــــــــــــــــــــــــــــــــــــ

روان.

من بين الصريخ و الرعب الي ملو المكان جنه كلنه منزلين روسنه خايفين شفت عمتي اريام راحت تركض على شجن الي متمدده على الارض مغمي عليها

بس خف صوت الرمي رحنالها نركض و صارت عمتي اريام تصرخ تريدها تصحه ماكو فاقده

اجو الولد كلهم و عمامي صارو يصحون بيها يردوها تصحه بس هي فد نوب ماترد

شالها آريا خلاها بـ الصاله و ركض جاب مقياس الضغط انطا لـ الاكبر كعد الاكبر يمها و آريا بس شد المقياس على ايدها و الاكبر قاسه

الاكبر :- ضغطها معلك كلش

اريام :- سوده عليه يا يما هي منا جانت دايخه و مريضه و قبل بـ ساع صاعد ضغطها و هسه نهبطت

آريا :- تحتاج مستشفى

الاكبر :- ماكو داعي سوولها عصير ليمون و خل تاخذ علاجها

روان :- بس بعده الفطور

الاكبر :- على ما يصير الفطور

آريا :- مي خل نغسللها بلكي تصحه

راحت رؤيا جابت الهم المي اخذه عمو اسامة منها و كعد غسل الها وجها يلا بلشت تصحصح

ديرين تسويلها عصير ما قبل نسويلها عصير من هذا مالت الاسواق خلاها تعصر ليمون

عمتي اريام حاضنه شجن لـ صدرها و دمعتها على خدها تعلعلت من وراهن كل ساعه وحده طايحه

سدف  كاعده يمها عيونها مدمعه اعترف صرت اشوف سدف ثانيه تختلف عن سدف الي اجت وياهم من الفاتحه

صرت اشوف سدف الحنونه صرت اشوف سدف الي عيونها مدمعه على طول عرفت من اسلوبها انو شجن كلش عزيزه عليها

حتى معاملتها لـ شجن تختلف عن معاملتها لـ دارين و ديرين و بعد الي صار وياها دخلت بـ حالة اكتئاب
حتى من نكعد سوه صوتها ما ينسمع و بس تتصفن