أحببت نجمًا لا يريد سمائي
جدول المحتويات

    أنت تقرأ

    أحببت نجمًا لا يريد سمائي

    Science Fiction

    تنجبر تنفذ وصية أبوها وتتزوج الشخص الي تحرش فيها سابقًا ويخططون لأجل ينفصلون ولكن يتعدا الخطه..

    [ 6 ]

    146 7 3 
                                        
    
                                              

    ركبو السياره واخذت الهواجيس هيام وأنوار أبدًا ماصدقت هيام وحست فيه شي والبنات نفس الشي وطول الطريق هيام ماتكلمت أبدًا 
    أنوار : وين بنروح الحين 
    هيام بهدوء : البيت
    وصلو بيت هيام ودخلو يجلسون بغرفة هيام بعد ماسلمو على خالهم وهيام كانت جامده وهادئه وذي مو من عوايدها 
    ناظرت أنوار بجوالها لقت رساله 
    " السلام عليكم أنوار كيف حالك انا سعود " 
    استغربت أنوار من وين جاب رقمها 
    " وعليكم السلام كويسه " 
    " انتي وين " 
    " ببيت هيام ليش ؟ "
    " أبي اشوفك " 
    ضحكت أنوار وبنفس الوقت مستغربه من رده 
    " تمام انتظرك "
    قفلت أنوار جوالها وقامت ومسكتها ليان 
    ليان : وين رايحه
    أنوار : بروح واجي
    راحت أنوار ونزلت تحت 
    وعند سعود 
    وصل بيت هيام ولاحظ سلطان واقف بينزل من سيارته وتخبى لأجل لا يشوفه سلطان ويمسكها عليه
    نزل سلطان بدون علم هيام انه جاي وكعادته كل ماطفش راح يستفز هيام ولف وشاف أنوار واقفه تنتظر احد راح لها 
    سلطان : وش تسوين هنا
    أنوار : انت الي وش تسوي هنا سعود قال يبيني 
    إنهار ضحك سعود ولف شاف سيارة سعود وراسه باين شوي راح متجهه له وضرب راسه 
    سعود ب الم : وجع 
    سلطان : يوجعك يالخاروف 
    أنهار سلطان على الموقف 
    سعود بفشله : رح بس وش تسوي هنا
    سلطان : من حقي 
    سعود : ياخي كيف شفتني
    سلطان بضحك : من راسك الطويل 
    سعود : اذلف 
    وعند أنوار طفشت من هرجهم راحت لهم 
    أنوار : طيب والحين بتجلسون تهرجون وانا انتظر 
    سعود ببتسامه وهو يدف سلطان لأجل يروح : لا لا 
    ضحك سلطان وراح
    وعند البنات 
    ليان : طفشت ترا 
    ساره : حتنا والله 
    هيام : وش نسوي طيب 
    ساره : ننام 
    ضحكت ليان : جبتيها 
    هيام بضحكه خفيفه : نامو بنزل المطبخ واشوف أنوار وين راحت
    البنات : تمام
    راحو البنات السرير وانسدحو
    ونزلت هيام المطبخ تدور شي تاكله بعد ماشافت ان اهلها نايمين 
    وجاها سلطان من ورا وحضنها 
    ارتعبت هيام وتذكرت الي سواه فيها وطاح الصحن من يدها وانكسر 
    سلطان وهو يبعد عنها : بسم الله 
    نزلت هيام تشيله بيدها ويدها ترجف 
    واستغرب سلطان من ردة فعل هيام ونزل يساعدها وجرحت يدها هيام وصاحت من الألم 
    سلطان وهو يمسك يدها ويقومها : قومي لا تشيلينه بيدك انا بشيله شفتي كيف توجعتي 
    قامت هيام وجلست بالكرسي وجلس جنبها سلطان ومسك أصبعها يخفف الدم ويطهر الجرح 
    وعند سعود 
    نزل سعود من السياره وتعدل وناظر بأنوار 
    أنوار : وش فيك
    سعود : ولا شي بس طفشت وقلت اشوفك 
    أنوار : اها 
    سعود : المهم حكيني وش فيك اليوم 
    أنوار ودها تقوله الي صار يمكن يساعدها وكانت متردده مره 
    لاحظها سعود ان ودها تقول شي 
    سعود : قولي 
    أنوار بتردد وقالت له كل شي 
    سعود : يمكن هددتها ب شي 
    أنوار : لا لا حاسه قالتلها شي لان هيام تخاف مابتخاف من تهديد مو حقيقي 
    سعود بحيره : وش الحل الحين 
    أنوار : مادري قلت لك يمكن تساعدني 
    جلسو الاثنين بحيره وش يسوون كيف يعرفون وش قالت لهيام 
    سعود : طيب نعلم سلطان يمكن يعرف يخليها تتكلم
    أنوار : علمه انا بناديه لك وباخذ هيام على جنب 
    هز راسه سعود : تم
    وعند سلطان 
    كانو بلحظه صمت سلطان يطهر جرح هيام ويهوجس وهيام تبكي 
    سلطان حس بضيق من بعده عنها وانها تخاف منه وتتهرب منه وصار كأنها توهمه قدام الناس فقط ووده يفهم منها ليش تتهرب منه ويفهم منها كل شي ويبيها تحس كيف يتضايق بسبب تصرفاتها ورغم ذا كله واقف معاها .
    وهيام عكسه ماتنكر انها خايفه من الي بيصير بكرا وتسرعت مره وودها تقول له كل الي صار بالجامعه والي بيصير بكرا 
    قاطعهم دخول أنوار 
    بعدت هيام يدها عن سلطان لأجل تغطي الجرح 
    أنوار ناظرت فيهم بأستغراب وسكوتهم المخيف : سلطان سعود يبيك تحت 
    هز راسه سلطان وقام نزل لسعود 
    أتجهت أنوار لهيام وحضنتها هيام وصاحت 
    وعند سعود 
    شاف سلطان متجهه له تقدم ومسكه على جنب 
    سلطان : وش فيك 
    أبتسم سعود : غريبه ماطقطقت علي
    سلطان : بمشيها هالمره 
    ضحك سعود : كويس المهم ابيك بموضوع 
    سلطان : وش 
    سعود قال له كل شي 
    انصدم سلطان : منجدك هيام تخاف مستحيل تسويها 
    سعود : حتى حنا مستغربين رح خذ منها العلم وقلنا 
    تنهد سلطان : زين 
    سعود : اجل انا بمشي تأخرت 
    سلطان : الله معاك 
    مشى سعود وراح لسيارته 
    وعند هيام 
    ماتبي تقول لأنوار بس تبي تحضنها 
    أنوار شافت سلطان داخل عندهم وعرفت انه جاي بيكلمها عن الموضوع وقامت وخلتهم لوحدهم وراحت الغرفه شافت ليان وساره نايمين انسدحت جنبهم 
    تنهد سلطان وجلس على ركبه عند هيام ورفع راسها
    سلطان : وش فيك الحين
    هيام : مافيني شي 
    سلطان وهو يبي يدخل على الموضوع بسرعه مايبيها تنكر أي شي
    سلطان : وش قالتلك جوري اليوم 
    جمدت هيام وناظرت بسلطان وعرفت ان مستحيل بتجحد : ولا شي 
    سلطان : تعلميني عنك ؟
    عضت شفتها هيام : مافهمت 
    سلطان : يعني اعرف يوم تكونين مخبيه كلام ودك تقولينه وان فيه شي مضايقك اعرف من عيونك ياهيام لا تجحدين 
    تنهدت هيام وقالت له الي قالته جوري 
    عصب سلطان وقام : ولايكون بتروحين منجد 
    هيام : بروح اكيد 
    رفع حواجبه سلطان : متأكده 
    هيام : اي
    جلس سلطان : زين رجلي على رجلك مابتروحين الا وانا معك 
    لفت عليه هيام : منجدك انت وش تروح معي لا تدخل نفسك بأشياء ماتخصك 
    أقترب سلطان منها جدًا : بس انتي تخصيني 
    جمدت هيام وماردت وقامت مسرعه وراحت غرفتها 
    تنهد سلطان وقام ومشى 
    لاحضت أنوار هيام وقامت : وش فيك 
    هيام : ولاشي بس تعبت بنام 
    أنوار وهي تحط اللحاف على هيام : نوم العوافي 
    هيام : الله يعافيك
    خرجت برا واتصلت على سعود رد سعود عليها 
    أنوار : توه خرج سلطان رح شف قالتله او لا 
    سعود : تمام 
    قفلت الخط وراحت عند هيام وانسدحت جنبها 
    راح سعود لبيت سلطان
    سلطان : وش فيك
    سعود : وش قالتلك 
    سلطان : ماقالت شي 
    سعود : تستهبل بصدقك يعني
    سلطان : ادخل ادخل 
    دخل سعود وجلس 
    جلس سلطان وقال لسعود كل شي
    سعود : والله كنت عارف وش بتسوي طيب
    سلطان : بروح معها 
    سعود : منجدك تدخل نفسك بمشاكل البنات يعني بتضرب البنت 
    سلطان : لا بس بنتبه لهيام 
    ضحك سعود : قصرت 
    سلطان : وش اسوي يعني 
    سعود : علم أنوار 
    سلطان : وش بيسوون يعني
    سعود : بيصفقون لها 
    سلطان ضرب سعود : اذلف 
    ضحك سعود : يعني وش بيسوون ياسلطان بيفزعون لها اكيد 
    سلطان : ماضنتي مايحبون المشاكل 
    سعود : حتى هيام طيب 
    رفع حواجبه سلطان : وش عرفك ان هيام ماتحب بعد
    ضحك سعود : يالغيور هد كان ما خافت طيب
    ضحك سلطان 
    سعود : يوه الساعه ١ اليل بروح ولا تنسى بكرا 
    سلطان : وشلون طيب نعلم الباقيين 
    سعود : الصباح بعلم أنوار وتعلمهم عاد 
    سلطان : طيب
    خرج سعود وراح سلطان غرفته ونام 
    ورجع سعود بيته ونام
    أحببت نجمًا لا يريد سمائي حيث تعيش القصص. اكتشف الآن