أحببت نجمًا لا يريد سمائي

[ 7 ]

وعند العيال
ناظرو العيال ببعض وودهم ينهارون ضحك بس لأجل خالهم مسكو ضحكتهم وناظر فيهم خالهم ورفع حواجبه بأستغراب من أشكالهم
ضرب سلطان بشويش ليث لأجل يسكتون بعد ماشاف نظرات أبوه
-
جلسو البنات يسولفون مع الحريم وطفشو من سواليفهم
هيام : بموت وش هالسواليف تكفون خلونا نطلع برا طفشت
البنات : يلا
طلعو البنات وشافو العيال برا وتأففت هيام وراحو جلسو بعيد عنهم
ضحكو العيال على اشكالهم
ليث : وش فيهم ذول جاحدينا
سلطان : وش تبيهم يجلسون معانا يعني
ضحك غيث : غبي
سلطان : والله سعود فاته الي صار
ليث : ايوه لازم نعلمه
العيال : قدام
-
أم انوار : والله اشتقت لديره وش رايكم نروح بالاجازه
أم ساره : اي والله لازم نروح
أم هيام : خلاص نشوف الوضع ونروح
راحو أم ساره وأم انوار يكلمون اخوانهم على الديره وجلست فوز مع أم هيام
-
ناظرو البنات ان خالاتهم خرجو وراحو عندهم يعرفون وش السالفه
تقدمو البنات وجلسو معاهم وتجمعو العيال بعد
أم انوار : والله يا اخوي ودنا نروح للديره
همست أنوار لهيام: تكفين وشو ديرته ماحبها
هيام : ماعليك والله انها حلوه
أبو هيام : خلاص تم وش رايك انت يا أبو سلطان
أبو سلطان : معكم
نطت هيام من الفرحه عند ابوها
هيام : يبه منجد بنروح الله ودي من اول اروح الدديره
ضحك أبو هيام : اي يابنيتي بنروح وبتشوفينها
فرحت هيام مره
أبو سلطان ناظر للعيال : ها بتجون معنا؟
ناظرو العيال ببعض مترددين يروحون واذا راحو بيسحبون على سعود
سلطان : بنشوف يبه
أبو سلطان: زين
أم أنوار : اجل بقوم اعلم أم هيام
قامو ودخلو جوا يبشرون أم هيام انهم بيروحون وطبعًا أم سلطان ( فوز ) مابتروح بكل اجازه يروحون فيها للديره ماتروح لان ماتحب الاجواء هناك والكرف
-
قام أبو سلطان اخذ معه اخوه فهد ( أبو هيام ) لأجل يخططون للديره
وجلسو البنات مع العيال
هيام بحماس : الله منجد بنروح الديره
أنوار : اسكتي والله ماودي
ناظرت هيام بأنوار ودفتها بمزح : اسكتي بوريك الاجواء
ليان : متحمسه مره
هيام : حتى انا
ليث : لازم هناك نفلها
هزت رأسها هيام بالتأكيد
غيث : امشو نروح عند سعود نعلمه
العيال : يلا
وجلسو البنات متحمسين وودهم يروحون بكرا
ساره : تتوقعون جوري بتفكنا من شرها
جمدت هيام وتحاول تسكر الموضوع : بكيفها المهم خلونا ندخل جوا نشوف الاوضاع
البنات : يلا
-
راحو العيال عند سعود
سلطان : سعود بنروح الديره تخيل
سعود : منجد
سلطان : ايوه
سعود بمزح : افا وتسحبون علي
سلطان : ودنا تجي بس نعرفك ماتحب اجواء الديره ولا نخسي نسحب عليك
ضحك سعود : ايوه وبعد وراي أهلي بوديهم
ليث : الله يعينك
غيث : المهم خلونا نروح نتعشى
ليث : احنا بعالم وهو بعالم
ضحكو العيال وقامو وتوجههو للمطعم
-
جلسو البنات مع خالاتهم يخططون وش بيسوون و وش راح يأخذون وفوز ماعجبها جوهم وراحت خرجت ما أهتمو لها وكملو تخططيهم بكل حماس
هيام : الله حماس والله باقي بس بكرا وتجي الاجازه
ليان : اي
أم انوار: يلا خلصنا الحين تأخر الوقت روحو نامو بننام اليوم بببيت جدتكم عشان تروحون الجامعه وترجعون نجهز ونمشي
البنات : تمام
راحو البنات الغرفه ونامو
-
خرجت فوز لوحدها ورجعت البيت بعد ما عرفت ان هاشم بيجلس ينام معاهم
ورجعو العيال مسرعين لأجل خوالهم ما يهاوشونهم لان تأخرو
-
انسدح أبو هيام بجانبهم : الله لو ترجع الايام ذيك
أبو ليث : اي والله
أبو سلطان : بترجع ان شاء الله
الكل : إن شاء الله
-
دخلو العيال وسألو خالاتهم وين ينامون
أم ساره : نامو بالصاله
ليث بهمس بينه وبين نفسه : أبلش
أم ساره : وش قلت
ليث : سلامتك
ضحكو العيال وراحو ينامون بالصاله
قامت أم ساره تطفي الأنوار وتروح الغرفه تنام
مسك سلطان البطانيه والمخده ورماها على ليث : خذ يالدلوع مسوي ماتنام بالأرض كيف لو رحت الديره تحسب الديره بس غنم وفله
ليث : وهي فعلا كذا
ضحك سلطان وراح انسدح جنب ليث والجنب الثاني غيث الي نام وسحب عليهم
سلطان : بتشوف بكرا نام الحين بس
-
قامت ساره بتروح المطبخ تشرب مويه وفكت الباب ولقت الدنيا ظلام مشت بشويش ودعست على حاجه وطاحت وصرخت ساره
فز غيث بألم : وجع
ساره : يمه
مسك غيث جواله وفك الكشاف لأجل يشوف
حول غيث الكشاف عليها : ماتشوفين انتي
ساره : شايف الدنيا ظلام وشلون اشوف
غيث : قومي صار لك شي
قامت ساره تنثر لبسها : لا وأنت
غيث : ما صار شي بس دعستي على بطني الله يصلحك
ضحكت ساره بخفه : أسفه
غيث : عادي حصل خير
أبتسمت ساره وراحت للمطبخ تشرب وهي متفشله وتتمنى غيث ينسى شكل طيحتها وشكلها وهي طايحه
ورجعت ولكن رجعت ذي المره بحذر ما تبغى فشله ثانيه
ورجعت الغرفه ونامت
-
الساعه 20 : 8 الصباح
قامو البنات على صوت أم هيام تصحيهم للجامعه
صحو البنات بتعب وخمول لأجل يتجهزون للجامعه والي راحت تغسل وجها والي راحت تلبس والي خلصت وراحت تساعدهم للفطور
جلسو العيال بمكان يفطرون
والبنات بمكان
أبو سلطان : لازم يا أبو ليث تجيب المره الجايه زوجتك وبنتك وتجلسون بعد عندنا
أبو ليث : أن شاء الله عاد ودها أم ليث تجي بس عشان أمها تعبانه ولازم تجلس معها
أبو سلطان : ماتشوف شر
أبو ليث الشر مايجيك
-
دخل سلطان وليث للمطبخ وشافو أم أنوار وأم ساره يجهزون الفطور ومعهم ليان وهيام يساعدونهم
تقدم سلطان لهيام : الله الله وش هالريحه الزينه
أبتسمت هيام وقامت تتدلع بحركاتها : وش رأيك بس
سلطان : سنعه زوجتي
ليث : الله مين مسوي الشكشوكه
ليان : انا
تقدم لها وهمس : شكلك قريتي أفكاري
ضحكت ليان : يمكن
أم ساره : يلا خذو الصحون ودوها عند خوالكم لا يعصبون تأخرتو
أخذ سلطان الصحن من هيام لأجل يساعدها
وراحو وحطو الصحون وجلسو يفطرون
-
خلصو البنات الأكل وقامو لأجل يروحون الجامعه
وعند العيال أبتشلو وكل واحد مسكه أبوه يساعدهم بترتيب الاغراض ويشيكون على السياره
أبو سلطان : بس دشره لا شغل ولا مشغله الحين نروح الديره نوريكم الشغل الصح
ضحك أبو ليث : لا تخوفهم يا هاشم فيه جانب حلو بالديره
أبو سلطان : خلهم يعقلون
تنهدو العيال وراحو يساعدونهم
-
وصلو الجامعه ونزلو وراحو للمحاظره مسرعين واستقبلتهم نظرات جوري و تجاهلوها وراحو المحاظره
خرجو من المحاظره متحمسين
هيام بحماس : يا بنات بنروح السوق نشتري مخاوير مالها دخل بالديره بس أحس حلوه للديره
أنوار : مالها داعي
هيام : لو بتجلسين تنكدين علينا كذا اسكتي
أنوار : خلاص امزح
ضحكت هيام : أدب امشو يلا
راحو البنات السوق وأتصلت ليان على أمها لأجل تكلمها اذا يحتاجون شي و وصوهم بأغراض
دخلو المحل وشافت هيام مخور لونه وردي أخذ عقلها طارت له بحماس
مسكت هيام المخور تتأمل فيه : بموت يابنات يجننن
أنوار : خذيه يموت
البنات : اي
أخذته هيام وخلصو البنات واختارو مخور لهم وراحو يحاسبون وخرجو من المحل وكذا كل مره محل لمن ما خلصو من كل شي
ساره بتعب : اف تعبت أخيرًا خلصنا
هيام : يلا امشو السياره
البنات : يلا
رجعو البنات ولقوهم ينتظرونهم
أبو سلطان : أخيرا امشو يلا
أنوار : يا خالي انتظر بنرتب الاغراض
أبو سلطان : ترتبونها هناك يلا امشو تأخرنا الحين تلقونها زحمه
البنات : طيب
أبو سلطان : سلطان انت خذ هيام والبنات والعيال معك وانا باخذ خالاتك وخالك يلا
سلطان : طيب
كل واحد راح السياره
ليث بمزح : أخيرا برتاح ما بسوق
سلطان : أسكت لا أنزلك الحين تروح كعابي
ليث : امزح
سلطان : أدب
أنوار : خلاص أسكتو هيام شغلي لنا شي
هيام : تمام
قاطعهم سلطان : انا بشغل
هيام : زين
شغل سلطان لهم رابح صقر
أنوار : الله الله طلع عندك ذوق
سلطان : لسا ماشفتي شي
ضحكت أنوار : الله يستر
هيام كانت قدام ظامه رجلها وتناظر الشباك و ورا انوار وليان وساره و ورا ليث وغيث
جا البارت الي لعب بسلطان لعب
" والله أحبك وأتمناك وأبيك
وتدري انك نقطة الضعف فيني
أبيع لأجلك باقي الناس وأشريك
وتصير وحدك بين رمشي وعيني
مالك شبيه في عيوني يوازيك
وانت الوحيد الي سكن في حنيني "
وقف سلطان على البارت " وأدري انك يا حبيبي تبيني "
قال سلطان بينه وبين نفسه : أي والله ابيك
هالاغنيه ذي قالت كل شي وده يقوله سلطان لهيام
ساره : ودك يا سلطان تبهذل مشاعرنا طف طف
الكل ضحك
-
بعد ٣ ساعات
سلطان : يلا وصلنا
أنوار بخمول : أخيرا
هيام بحماس وهي تفك الباب وتنزل تتأمل الديره تقدمت بشويش تتأملها ببتسامه
تقدم لها سلطان : ها كيف عجبتك
هيام هزت رأسها بالتأكيد وتأمل
مسك يدها سلطان ومشى معاها و وقفها مكان ضحكت هيام وناظرت بسلطان وأشرت على المكان : تذكر هنا يوم كنت زعلانه وجيتني وأنت معك حلاوه تراضيني فيها
سلطان : اي افتكرت وكنتي تكابرين واجد وللحين
ضحكت هيام بخفه وكملت طريقها تفتكر وقاطعتهم أنوار
أنوار : وجع ذي الديره الي تقولون حلوه ماغير كرف
ضحك سلطان : لسا ماشفتي شي
هيام : والله انها حلوه وش فيكم
وجلست أنوار تتحلطم
ورجعو للبيت لأجل يساعدون اهلهم بترتيب الاغراض
قامت هيام تنثر ملابسها من الغبار : بقوم البس المخور
ليان : مستعجله انتي
هيام : اي
راحت هيام ولبست المخور وجلست تتأمل نفسها بالمخور الوردي وخرجت توريهم
تدلعت هيام بحركاتها وبشعرها: وش رأيكم
انوار: يموووت
الكل أبتسم ومدح هيام وتحمسو البنات وراحو يلبسون
دخل سلطان بيعطيهم الاغراض ولمح هيام قدامهم تتميلح وتتدلع ولابسه المخور أنبهر وجمد يتأملها ولاحظته هيام وتقدمت له
هيام : وش رأيك
سلطان بأبتسامه : أعتقد فهمتي نظراتي
ضحكت هيام بخجل وأخذت منه الاغراض
سلطان : وش رأيك نسحب عليهم ونطلع
هيام : وين
سلطان : نشوف الديره
تحمست هيام وانبسطت : يلا بودي الاغراض واجي
سلطان : أنتظرك
راحت مسرعه تودي الاغراض
أم هيام : يابنت وش فيك مستعجله
هيام : يمه بروح أشوف الديره مع سلطان
أم هيام : زين ومين يساعدنا
هيام : عندك أنوار وساره وليان
ناظرت فيها ليان : سلامات انتي تتمشين وحنا ننكرف
توجهت هيام عند ليان وتتغنج بمشيتها : يرضيك يا لياني بكل هالكشخه انكرف
ليان : ايوه
هيام : وجع الغنج ذا كلو عشان اخليك ترضين بالنهايه تجحفليني
ضحكت ليان : امزح روحي
انبسطت هيام وقبلت خد ليان وراحت بحماس لسلطان
هيام : يلا
سلطان : يلا
أشر سلطان لمكان كانو يتسابقون فيه : تذكرين المكان ذا
هيام : ايي
لفت هيام وشافت اطفال يلعبون سحبت يد سلطان وتوجهت لهم
هيام : وش رأيكم نتسابق
الاطفال : اييي
أبتسمت هيام وناظرت سلطان وهز رأسه سلطان بموافقه
هيام : يلا تعالو
وقفو لمكان البدايه و وقف سلطان يعد لأجل يبدأون بعيد عنهم
ركضت هيام بعد ماسمعت اخر عدد قاله سلطان
أبتسم سلطان وهو يشوف هيام تركض وشعرها يتطاير من الهوا وصوت ضحكاتها
وصلت هيام وفازت ونطت بفرح وحضنها سلطان ولفها ويضحكون
وحضنت هيام الاطفال و ودعتهم
قاطعهم اتصال أبو سلطان رد عليه سلطان وطلب منه أبوه يرجع عندهم شغل وتضايق سلطان
سلطان : قهر ابوي يبينا نرجع
هيام : ليش
سلطان : يقول ورانا شغل
هيام : يلا عادي اهم شي انبسطنا
سلطان : اي الحمدلله
رجعو وأستقبلتهم أنوار
حطت أنوار يدها على خصرها وتناظر فيهم بقهر : حلو حلو العرسان ذول يحسبون نفسهم قاعدين بالمالديف واحنا بالديره هنا ننكرف
ضحكت هيام وتقدمت لها وحضنتها : وش فيك علي
انوار : شوفي يدي تقطعت من الكرف
هيام : ادخلي بجيك الحين اساعدكم
دخلت أنوار ولفت هيام تودع سلطان ودخلت داخل تساعدهم
-
أبو سلطان : زين جيت لو طولت كان تلقى كف
سلطان : يبه ساعدتكم انا
أبو سلطان : ماشوف
كمل سلطان يساعدهم ويضحكون عليه ليث وغيث وسلطان يناظرهم بعصبيه ومتوعد فيهم
-
انسدحت هيام بتعب : اخ تعبت
ليان : كلنا
أم هيام : خلاص خلصنا
الكل : الحمدلله
أم أنوار : الحين روحو خذو لكم غفوه للمغرب
البنات : طيب
راحو البنات ونامو بتعب وخمول
-
مسكهم أبو سلطان وخلاهم ينامون ما يدشرون
بعد مانامو خوالهم قام سلطان وضرب ليث وغيث
ليث بألم : ووجع توجعك
سلطان : احسن ثاني مره لا تطقطقون
غيث : اوريك
سلطان : اص بس
رفس ليث سلطان وانسدح ينام
-
المغرب 7:12
صحو البنات وقامو يصلون المغرب
وخرجو برا وشافو خالهم فهد يشب النار
تقدمو يقبلون رأسه وجلسو يسولفون معاه ويعلمهم عن قصص الديره لفت هيام وشافت سلطان يأشر لها راحت له هيام
سلطان : مشتهي الحلا الي سويتيه لي اول مره
هيام : رح جيب طلباته واسويلك
سلطان : تم بس تتوقعين موجوده
هيام : مافيني اجي معك
سلطان : تعالي ماعرفهم انا
هيام : زين انتظرني بلبس عباتي
سلطان : يلا
راحت هيام تلبس عباتها وأخذت طلبات الكل وراحت
سلطان : ياساتر وش هالطلبات ذي كلها
ضحكت هيام
ووصلو البقاله ونزلو يدورون الأغراض الي يبونها وجلست هيام بالكرسي تنتظر سلطان وبحضنها الأكياس
هيام : يالله وين راح
جا سلطان
هيام : وين كنت
سلطان : رحت أدور على الاغراض
مدت هيام له الأكياس: خذ
سلطان : كل شي لقيتيه
هيام : اي
سلطان : اجل مشينا
هيام : يلا
وصلو وشالو الاغراض ودخلوها داخل
دخلت هيام المطبخ تسوي الحلا ودخل سلطان يساعدها
هيام : وش فيك
سلطان : بتعلم منك
ضحكت هيام : وشلون
سلطان : عادي أشوفك وانتي تسوين وأتعلم
هيام : زين عاد المره الجايه بخليك تسويه وبشوف عاد تعلمت ولا لا
سلطان : ماعليك أزهليني
-
شاف ليث ليان جالسه لوحدها قدام النار تتدفى وتوجهه لها وجلس جنبها
ليث : وشلونك
ليان : كويسه
ليث : كيف عجبتك اجواء الديره
ليان : عادي حلوه انت شكلك مو متعود
ليث : تأكدي
فك فروته ليث وعطاها ليان
أبتسمت ليان وشكرته
-
جلست هيام تسوي الحلا وسلطان يتعلم منها وهو من الاساس أكتفى ب انه يناظر فيها فقط ويكون بجانبها
هيام مسكت يد سلطان وعطته الخلاط : يلا أخلط
مسك سلطان الخلاط وابتلش مايعرف يخلط
حطت يدها على خصرها هيام وجلست تناظره
حست انه أبتلش وضحكت وحطت يدها فوق يده وشغلت الخلاط تعلمه
هيام : شوف كذا سهل
سلطان : سهل بس من يدينك لذيذ
ضحكت هيام وضربته بشويش : وش التصريفه ذي
سلطان : لا جد
-
أبو سلطان راح يجهز الجلسه برا ويولع النار ثاني مره
وليث وغيث يساعدونه والكل يساعده
خلصت هيام الحلا ودخلته الثلاجه يبرد شوي وراحت تساعدهم وخلصو وجلسو برا مع خوالهم أبو ليث وأبو هيام وأبو سلطان وليث وغيث وسلطان وهيام وليان وساره والباقي داخل
أبو سلطان : الله باقي بس خالكم أبو فرح ونكتمل
أبو ليث : أي والله
همس سلطان لهيام
سلطان : خلونا نطلع نتمشى بالديره نشوف
هيام : تم بقول للباقيين
همست هيام للبنات وهمس سلطان للعيال ووافقو وأقنعو خوالهم وخرجو
سلطان : وين نروح
ليث : مدري
أشرت أنوار لمكان : وش هالمكان الغريب
ناظرو الكل للمكان
ساره : خلونا ندخل ونشوف
هيام : لا يمه
ليان : مابيصير شي امشو
الكل وافق ونزلو يدخلون وكان ظلام وليل فكو الكشاف وقامو يستكشفون المكان
ليث : المكان كأنو مستشفى
الكل : ايوه
سمعت هيام صوت كأنه ينادي اسم شخص بس ماهي عارفه وش هوا ومرعوبه ولفت شافت شخص هيئته غريبه وشعره طويل وأسود ومو باين وجه لان شعره على وجه صرخت هيام برعب
وفزو الكل وراحو للصوت
مسك سلطان هيام : وش فيك
بكت هيام : شفت شخص يخوف
الكل خاف وراحو يدورون ويلفون حواليهم
سلطان : مافي احد
حضن سلطان هيام بقوه لأجل يهديها
رن جوال احد وصرخو الكل
ضحك ليث : ذا جوالي
ضرب سلطان ليث بمزح : خوفتهم
عصبت أنوار : غبيه انا اذا رحت معاكم ثاني مره الديره انقلعو
ضحكو الكل