تركي مافي شبكه و كانت هذي الفكره الوحيدة اللى اجمعكم فيها
قال احمد اهنئك على المخ المصدي
ضحكنا على كلام احمد و حل الظلام و كان لزم نبدأ نولع النار جلسنا و شكلنا دئره قال احمد شرايكم نلعب لعبه
تحمسنا و قلنا ايه بس كيف الطريقه
قال بنبره حاده و هو يطالع في مازن و يقول ما نبي ناس خوافه. وقف مازن وقال وش تقصد
حاولت الطف الجو وقلت ما عليك يقصدني لا تاخذ الامور بحساسيه زعل و راح للجهه المقابله
لفيت على احمد وقلت انت مو ناوي تكف الشر ليش حاط راسك براسه ؟
احمد والله هو يأخذ الامور بحساسيه مثل ما قلت
تركي اقول خلونا نسوي الاكل ترا ثلاث ايام ينقعد مو دهر خلونا نعيش جو المغامرة شوي قال احمد انت اللى فاهمني بينهم المهم اني بروح عند مازن احنا جاين نتبسط احمد ايه ارضي ولد الـ المام طالعت فيه بنظرات حاده ومشيت. الين ما وصلت عند مازن قلت له شكلها عجبتك الجلسه لوحدك قال احسن من اني أقابل شخص مثله حاولت اني الطف الامور بينهم و ان بس بنضل ثلاث ايام و بنرجع قال مازن بنبره جديه انا مو متطمن من ذي المزرعه انا اقول خلونا نرجع افضل لنا
لا وش نرجع خلاص هانت ما بقى شي المهم قوم خلينا نلحق الاكل قبل ما يأكلونه تعرف احمد و تركي مستعدين يأكلون حتى الحجر رجعنا لمكان تجمع
و كانو لسع يجهزون الاكل جلسنا و بدينا نفتكر الايام الجميله و الذكريات اللى تحزن واللى تفرح و اللى تفشل الصراحه الصداقه نعمه اذا عرفت تختار صح بعد ساعات تقريبا الساعه ٣الفجر لمحت شئ بين الشجر وكأن شخص يطالع بنظرات حاده تعوذت من ابليس
طالع فيني تركي و قال في ايش تطالع
استغربت انه انتبه لي قلت له لالا ولا شي المهم خلونا ننام ورانا يوم طويل بكره
مازن اي والله
.اليوم الثاني و بالتحديد الساعه ١ مساء (الظهر)
حرارت الشمس خلتني اقوم بـ القوه فتحت عيوني بأرق
بديت التفت يمين و يسار بس ما كانو موجودين ضليت لثواني و بعدها خبطت راسي ايه كيف نسيت انهم بيروحون جهه الفواكه غريبه ما صحوني معني محرص عليهم غسلت وجهي و تجهزت و رحت لهم كانو متجمعين و قدامهم سلة الفواكه كانت ملامح الغضب واضحه في وجهي قلت انا ما قلت لكم تصحوني معاكم يعني ما تدرون اني جاي عشان ذي الفقره
قال مازن والله صرنا مأذنين عند إذنك ولا صحيت نسحبك اجل ؟
احمد المهم ما عليك شوف في الخير ملينا من كل ما لذ وطاب
يعني مسوين إنكم تراضوني الحين لو اني مو جيعان كان عرفت اتصرف معاكم
تركي ايه اليوم اخر يوم لنا بكره لزم نروح
احمد بس انا عاجبني المكان و انوي اني اضلً زياده
زاد توتر مازن وقال لالا انا بروح لزم استغربت منه
و عرفت ان في شئ يخفيه
