زيد: كعدت الصبح لكيت الفانز كالبين الدنيا علمود الستوري الي نشرتة بس مهتميت كمت من مكاني ورحت غسلت وبدلت ملابسي فجأه اجاني اتصال من. المدرب مال النادي طلب من عندي انو اجي بسرعه للنادي رحت واول ما وصلت رحت الاداره وبلشو يحجون وياي
: زيد ترى الشي الي سويته البارحة كلش غلط
زيد: شنو شسويت
: مصور بنيه وناشرها ومتابعها والبنيه هم متابعتك وخليت الاعلام الي يريد حجه علمود يبلش يحجي كلام ما اله داعي ابدا
زيد: اول شي اني مناشر بنيه غريبه هاي بنت عمي واني ذاكر هاذا الشي بلستوري ثانيا من شوكت وانتم تهتمون لكلام الاعلام واذا حجوا مو مهم ان شاءلله اذا طلعت. مقابلة خلي يجون الاعلامين يسئلوني عن هاذا الشي واني حجاوبهم
: تمام واحنا مراح نزل اي تصريح يخص الموضوع
زيد: تمام بعد ما خلصت كلامي معاهم رحت وتمرنت وبعد ما خلصت تمرين رجعت للبيت سبحت وبدلت ملابسي واكلت وارتاحيت شوي وبعدين قررت اطلع علمود اتمشى شوي واغير جو فجأه واني طالع اجاني اتصال من عمي محمد ابو ريم رديت
محمد: الو السلام عليكم شلونك زيد
زيد: وعليكم السلام الحمدلله بخير وانت؟
محمد: الحمدلله: اكلك زيد تكدر اليوم تجي وتبات بلبيت يمنا
زيد: ليش عمي خير صاير شي
محمد: لا بس الولد سافروا واني هسه طلعلي شغل بغير محافظة وما اكدر اخلي ريم لوحدها وتعرف هيه شوي مريضه
زيد: تمام عمي ولا يهمك اني اجي يمها
محمد: مشكور وليدي متقصر
زيد: ولو تدلل
-
-
-
-
-
-
ريم: كعدت متأخرة من النوم وجان بابا هوه الي دكعدني
ريم: ها بابا شكو
محمد: ماكو شي حبيبتي بس اتي طلع عندي شغل بغير محافظة واخوانج اليوم سافروا اسبوع وحيرجعون بس اني مراح اخليج وحدج
ريم: اي عادي حبقى مع الخدم
محمد: لا خابرت ابن عمج زيد علمود يجي يبات يمج
ريم(باستغراب): تمام
راح بابا واني كلش استغربت ليش حتى يخلي زيد يبات يمنا كمت من مكان واني داحس بصداع رهيب رحت للحمامات غسلت وجهي وبعدين قررت اخذ شور علمود اصحح اخذت شاور ونشفت شعري وبدلت ملابسي لبست هاذا الاوتفت
ورفعت شعري اخذت حبايه مضاد الاكتئاب وحباية براسيتول ونزلت للمطبخ سويت كهوة وكعدت اشربها
زيد: بعد ما خابرني عمي محمد بقيت افتر تقريبا لمدة ساعه وبعدها الا رحت لريم يمن وصلت دكيت الباب فتحتلي المساعده مالتهم ودخلت استقبلتني ريم سلمت عليها وكعدت طلبت من المساعدة تحضرلنا كهوه وكعدنا نشرب كهوه ونتبادل اطراف الحديث
ريم: اول ما احه زيد استقبلته وطلبتله كهوه كعدنا نسولف شوي فجأه اجتني المساعدة
المساعدة: مدام احنا راح نروح محتاجه شي
ريم: ليش حترحون من وكت مو المفروض تبقون هنانه لحد الساعه 11
المساعدة: لا مدام مو اليوم يوم العطلة مالتنا نخلص شغلنا ونمشي من وقت
ريم: اها تمام براحتكم
المساعدة: يلا من رخصتج مدام
ريم: الله وياج
بقينا نحجي اني وزيد لحد ما صارت الساعه 7 ونص اليل
ريم: اممم زيد اني كلش جعت شنو رأيك نكوم نسوي عشه
زيد: يلا كومي
ريم: يلا
وصلنا للمطبخ
زيد: هسه شنطبخ؟
ريم: شنو رأيك نسوي همبرغر مع فرايز؟
زيد: لا لا احس ثكيل
ريم: امم تمام لعد خلي نسوي معكرونه مع وبانيه
زيد: يلا خلي نسوي بس اكلج انت تعرفين تطبخين؟
ريم: ااا لا صراحة وانت؟
زيد: ولا انا بس يلا خلي نجرب وشيصير خلي يصير
ريم: تمام يلا
رحت طلعت معكرونة وجبنت جدر حطيت بيه مي وملح شويه وخليت المعكرونة تنسلك
: باع زيد قطع بصل وفلفل ناعم اثرمهن
زيد: وليش اني اقطع البصل ليش انتي متقطعينه
ريم: اني حسوي تبولة بينما تنسلك المعكرونة
زيد: تمام تمام
كمت فرم وهيه سوت السلطه وبعدين سويه الصلصه مال المعكرونة وطلعت كلش طيبه كعدنا واكلنا بعد ما خلصنا اكل غسلنا المواعين
ريم: اممم زيد شنو رأيك نتفرج على فلم رعب
زيد: فكره حلوه يلا
رحنا ودورنا فلم رعب وشغلنا وكعدنا نتفرج
ريم: جان الفلم كلش يخوف وكلش هواي خفت بس بعدين حسيت نفسي كلش هواي دخت فغمضت عيوني وبعد ما حسيت على شي
زيد: جان الفلم كلش يخوف وخطيه ريم كلش خافت بس بعدين حسيتها صارت هادئة باوعتلها لكيتها نايمه وخرت كذلتها الي جانت نازله على وجهها وبقيت اتأمل وجهها سبحان الي خلقها من صدك تجنن شلتها علمود اوديها لغرفتها بس يمن شلتها حسيت جسمها كلش حار يمن وصلتها للغرفه ونزلتها على الجربايه حطيت ايدي على وجهها وجهها جان كلش حار عرفت انو هيه مصخنه حاولت اكعدها ما تكعد نزلت للمطبخ جبت منشفه ومي وكعدت اسويلها كمادات و الحمدلله شوي صارت احس ودرجة حراره جسمها نزلت جان اكو بغرفتها كنبه رحت نمت عليها من التعب
-
-
-
-
-
-
-
-
ريم: كعدت الصبح على صوت تلفون ديدك باوعت لكيت زيد خطية نايم على القنفه باوعت لكيته بابا ديتصل عليه جاوبت
ريم: الو ها بابا صباح الخير
محمد: صباح النور، باعي بنيتي هسه اتصلو عليه من بغداد اخوج صادق مسري حادث وهسه بلمستشفى روحي انت وزيد عليه بيننا نجي اتي واخوانج
ريم: شنو صدك تحجي تمام تمام هسه نروح هسه
كمت على السريع من مكاني ورحت كعدت زيد
ريم: زيد زيد اكعد حباب
زيد: شكو ريم شبيج صار شي بيج شي؟
ريم: صادق مسوي حادث ولازم نروحله للمستشفى بينما يوصلون ابوي واخواوني
زيد: تمام يلا
ريم: باع انتضرني جوه شوي واجي
زيد: تمام
ريم: يمن نزل زيد ليجوه دخلت للحمامات وغسلت وبدلت ملابسي ولبست ملابس على السريع هاذا جان الاوتفت
ونزلت ورحنا للمستشفى اول ما وصلنا رحنا للرسبشن
ريم: عيني با زحمه المريض صادق محمد داهل لهنانه بحادث مال سيارة وين غرفته
: المريض صادق محمد حاليا بلعنايه المركزه بلبطابق الرابع
ريم: تمام شكرا
رحت على السريع اني وزيد صعدنا للطابق الرابع وطلعت ممرضه من العنايه
ريم: بس بلا زحمه ممكن اسئل عن المريض صادق محمد
الممرضه: اي موجود هنانه بس منو حضرتج
ريم: اني اخته شلون وضعه هسه
الممرضه: مع الاسف حالته كلش خطره وضربة كلش مأثره على راسه
ريم: زين اكدر اشوفه
الممرضه: لا مع الاسف ممنوع الدخول
ريم: تمام حسيت بغصه كلش جبيره بداخلي كلش خفت افقد صادق نفس ما فقدت ماما عيوني دمعن ومسحتهن على السريع
زيد: شفتها كلش خايفه
: ريم لتخافين ان شاءلله يطلع بلسلامه تعالي خلي نكعد هنانه
ريم: شلون ما اخاف مسمعت شلون دتكول حالته خطره كلش كلتها وبجيت
زيد: متحملت اشوف دموعها كبل حضنتها
زيد: تمام اهدى اهدى لتخافين ان شاءلله يطلع بلسلامه
ريم: يمن حضني زيد حسيت بشعور كلش غريب اول مره ارتاح الشخص بهاي الطريقه بعد ما هديت شويه كمت وكلت لزيد حروح للحامات اغسل وجهي واجي
زيد: تمام براحتك
ريم: يمن رحت غسلت وجهي ورجعت لاحضت اكو هوسه بلمكان والاطباء والممرضين طابين وطالعين رحت لزيد
ريم: زيد شكو شديصر هنانه
زيد: ما اعرف اصبري شوي بلكت نفتهم
فجأه طلع ممرض وكال
: بلا زحمه منو هنانه من عائلة المريض صادق محمد
ريم: مجرد ما كال اسم اخوي انصدمت بقيت ساكته باوعت لزيد وهو باوعلي زيد جاوبه وكال
: احنا ليش شكو
الممرض: ممكن اعرف انت شتقربله؟
زيد: اني ابن عمه وهاي اخته
ليش خير اكو شي صار؟
الممرض: مع الاسف فقدنا المريض
البقيه بحياتكم
ريم: جنت مركزه بكلام الممرض وكلش خايفه اسمع هاي الجمله بس مع الاسف سمعتها
زيد: انصدمت يمن سمعت كلامه باوعت على ريم لكيتها واكفه بمكانها ومصدومه رحتلها كبل ولزمت ايدها
زيد: ريم انت بخير ها باوعلي
ريم: زيد ديكول مات صادق مات
حسيت رجلي ميكدر يشلني كعدت على ركبتي وانهاريت بجي
زيد: متحملت لشوفها هيج نزلت لمستواها وحضنتها حنت داحاول اهديها بس جانت منهاره
-
-
-
-
-
-
-
-
-
بس انتهى البارت اكتبولي رأيكم بيه
وبس باي 🫶🏻🫶🏻
أنت تقرأ
أراها بطريقة مختلفة
Romanceفتاة يعتقد الجميع انها مريضه نفسيه ويتعاملون معها على. وفق ذالك لكن ما الذي يجعلهم يعتقدون ذالك؟ وهل سيأتي من يغير وضعها؟
