زيد: ي جاي اتأمل الفيديوهات مالتها واتذكر ايامنا سويه تذكرت عندي مقابلة بعد ساعه كمت سبحت وبدلت ملابسي وجهزت نفسي ونزلت بنسبة لعلاقتي باهلي فهيه مكطوعه من هذاك اليوم ومكدرت ارجع اندمج معاهم المهم ركبت سيارتي وانطلقت للمقابله نزلت واستقبلوني وكعدنا وبلشت المقابله جانت عباره عن اسئله بس بنص هاي الاسئله سؤال بعثرني المقدم: شخص مشتاقه وتتمنى يكون وياك بس هوه مو وياك؟ واذا عايش هاذا الشخص ليش عافك؟ زيد: ما اكدر اذكر اسم الشخص بس هوه يعرف اما عن السبب ليش عافتني بسبب الاهل المقدم: اهاا عافتك يعني بنيه اكو علاقه بلموضوع زيد: اي المقدم: زين اذا بعدها مشاعرك موجوده ليش ما ترجع؟ لو هيه بعد متريدك؟ زيد: لا هيه تريدني واتي اريدها واذا صحتلي الفرصه راح ارجعلها لان ما اكدر اتقبل وحده غيرها ولا راح اتقبل المقدم: ليش عفتهت لعد زيد: الاهل هم اكبر العوائق المقدم: اهلها لو اهلك؟ زيد: الاثنين المقدم: اها تمام - - - - - - ريم: بعد ما رحعت للعراق وارتاحيت اسبوع اجتني دعوه لافنت رياضي وقررت اروح اني وصديقي الي وياي بنادي الفروسيه فارس اجه يوم الافنت كعدت متأخره شوي كمت اخدت شاور ونشلت شعري وسويت سكين روتين وبعدها اكلت وسويت ميكب سموكي ايز مع لب كلوس احمر ولبست لبس رسمي هاذا جان الاتفت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ورفعت شعري وتعطرت حبيت اكون كلش بسيط لان اني ما احب المبالغه وطلعت من البيت ورحت للافنت بقيت انتضر فارس لحد ما اجه ودخلنا سويه جان اكو كامرات دتصور بكل مكان مجنت منتبهه فجأه انردمت بشخص اجت عيني بعينه انصدمت جان زيد بقى صافن بوجهي واني هم بس همزين اجه فارس وكال فارس: يلا ريمي خلي نروح نكعد وسحبني من ايدي رحت وكعدت
( نسيت اسم الي يوزع الجوائز فراح. اكول الاعلامي) الاعلامي: طبعا اليوم راح نكرم افضل فارسه شابه لسنة 2023-2024 والجائزة حتكون من نصيب ريم محمد ريم: جنت صافنه حرفيا ومصدومه ليش طلع مدامي زيد واني عبالي تخطيت شلون هج رجعت لنقطة الصفر فجأه سمعت صوت تصفيق عالي فارس: مبروك ريم ميروك ريم: على شنو؟ فارس: شبيج غير صاحوا اسمج كأفضل فارسه شابه يلا روحي اخذي الجائزة ريم: استوعبت كلام فارس وعلى السريع رحت صعدت على المسرح واخذت الجائزة وانطوني المايك ريم: طبعاً اول شي احب اشكر كل الاشخاص الي دعموني حتى كدر ت اوصل لهاي المرحله شكرا لكل المدربين الي تعبوا وياي من بداية مسيرتي وشكرا لاصدقائي الي دعموني وكفوا وشكرا لعائلتي ممتنه كلش لوجودكم بحياتي و ان شاءلله بلمستقبل اقدم الافضل والاحسن جنت داحجي واني اخطف نضري على زيد الي جان كلش مركز وياي لدرجه وترني كلش يمن ردت انزب استقبلني فارس وهو بيده باقة ورد جان جايبها اليه وجان منتضر اخذها راحت عيني على زيد وشلون ديباوع بغيره مهتميت اخذت الباقه ورجعت لمكاني زيد: صاحوا اسمها كأفضل فارسه شابه بقت صافنه لحد ما نبهها الرلد الي كاعد بصفها كامت وراحت استلم الجائزة وبلشت تحجي واني مركز وياها ويمن رادت تنزل اجه هاذا الجلب جايبلها باقة ورد باوعتلي عيونها جانن يلمعن وبعدين رجعت نضرها على الي كدامها واخذت الورد جنت كلش منزعج من الحركه واريد اعرف من هاذا اصلا معقوله تحبه ريم: بعد ما خلص الافنت طلعت علمود امشي يمن وصلت لسيارتي لكيت شخص مرتاج على السياره يمن تقربت طلع زيد ريم: اححمم ممكن توخر عن سيارتي اريد امشي زيد: لا مو ممكن اني عندي كلام اريد احجيه ريم: اني ما عندي شي احجيه وياك زيد: ممكن اعرف من الافندي الي عايشه قصة حب وياه ها ريم: عفوا؟ وانت شعليك؟ اني مدخله بحياتك زيد: داسئلج سؤال تجاوبيني لو تخليني اني اروح بنفسي اروح اعرف من يمه ريم: زيد بس اريد افتهم انت شعليك اني كتلك كلشي بيناتنا انتهى ليش حتى تددخل ها زيد: ادخل وغصبا ما عليج صحيح كلشي انتهى بس بنسبه الج مو الي اني عمري ما كلت كلشي انتهى بيناتنا لان اني بنسبة الي مشاعري وحبي تجاهج مستحيل تنتهي ريم: جنت اسمع كلامه وعيوني مليانة دموع اني هم عندي مشاعر تجاه بس ما اكدر ارجع ريم: زيد كافي اني ما اريد هاي العلاقه بعد زيد: ليش؟ ريم: زيد باع انت مستحيل اكدر تتخلى عن اهلك علمود هاي نقطه النقطه الثاني اني بطلت بعد ما اريد زيد: اني مستعد احارب الدنيا كلها علمودج وبعد اي احد ميهمني وشنو الي بطلتني منه ها بطلتي تحبيني؟ ريم: بقيت ابوع بعيونه وسكتت زيد: معقوله بطلتي تحبيني ريم؟ ها احجي ريم: ما اكدر انكر مشاعري تجاهك بس اني بعد ما اريد هاي العلاقه زيد: ليش مو اني احبج وانتي تحبيني؟ ريم: مرات الحب ميكون كافي علمود تنجح العلاقه عفته وركبت سيارتي ورحت للبيت اول مصعدت لغرفاي انهاريت من البجي اتي احبه واريده بس اعرف مستحيل نصير سويه بعد الشي الي صار بهذاك اليوم
زيد: بعد ما سمعت كلامها حسيت بغصه بداخلي مو طبيعية ركبت سيارتي ورجعت للبيت اول مدخلت سئلت عن ماما كالولي كاعده بغرفتها رحت دكيت الباب ودخلت لكيتها كاعده كبل رحت حطيت راسي بحضني وكمت ابجي ام زيد: اسم الله حبيبي شبيك شصاير زيد: ماما اريدها ما اكدر بدونها والله ام زيد: منو هيه؟ زيد: ريم اني اريدها ما اكدر اعيش بدونها وكل هاي المده ومكدرت اتخطاها عيوني مجاي ترضى. تشوف غيرها يوم ام زيد: باع ابني اني اريد مصلحتك وراحت بالك زيد: ماما اني مستعد اعيش كل عمري وياها بشلعان كلب احسن ما اعبش ساعه وحده ويه غيرها وبالي مرتاح ام زيد: لهلدرجه تحبها تعاند امك علمودها زيد: الموضوع مو موضوع عناد اني اريدها وما اكدر اتخلى عنج انتي امي وهم ما اكدر اتخلى عنها لان هيه اكثر انسانة حبيتها بحياتي ام زيد: تمام ماما ميخالف الله كريم يصيرخير ان شاءلله - - - - - - - - - وبس انتهى البارت اكتبولي رأيكم بيه وبس باي
