بعيد: جنت داحاول اهديها بس جانت كلش منهاره بهلاثناء اجه عمي محمد واخوان ربم وعرفوا بلي صار وطبعا جانوا كلهم منهارين بس اني بقيت حاير بريم فجأه اغمى عليها كبل شلتها ونزلتها الطوارئ وبقيت يمها لحد ما كعدت
ريم: جنت دابجي مت مستوعبة الي صار لحد ما اغمى عليه كعدت لكيت زيد كاعد يمي
زيد: ريم انتي بخير؟
ريم: لا صادق مات شلون حكون بخير
زيد: اعرف ريم اعرف بس هاذا قضاء الله وقدره والمفروض تكونين قويه وتدعيله الله يرحمه ويغفرله
ريم: عافني وراح نفس ماما
زيد: هو هذا الشي المقدر انو يصير وانتي اقوى من. هيج صدكيني يلا كومي علمود نروح للبيت يلا
ريم: كمت مع زيد ورحت للبيت اول ما وصلت لكيت العالم كلها مجتمعه يمنا والنسوان دتعزيني جابوا التايوت مال صادق بقيت كاعده يمي وابجي وبعدها بساعه دخلو. الزلم علمود يشيلون تابوته
زيد: دخلت اني واخوان ريم علمود نشيل التابوت بس شاورني علي اخو ريم الجبير وكلي
علي: زيد باع حاول توخر ريم واخذها كبل لغرفتا واني شويه والحك تمام
زيد: دخلت ورحت ريم حاولت اكومها بس مرصت بلبدايه سحبتها من ايدها وكومتها واخذتها بلكوه للغرفه
ريم: زيد عوفني اريد انزل ليجوه زيد شبيك راح ياخذون صادق
زيد: بقيت ساكت واباوعلها جنت واكف يم الباب دخل علي وجان بيده ابره. وعلبة بيها علاج ترس الابرة بعلاج على السريع وراح باتجاة ريم
ريم: علي لا لا ما اريد ما اريد هاذا دوه عوف ايدي
علي: ميصير حبيبتي لازم
ريم: لا عفيه ما اريد
علي: زيد تعالي تثبت ايدها
زيد: رحت ليمها وثبت ايدها وضربها الابره بأيدها محرد ما خلص ريم اغمى عليها
علي: يلا زيد امشي
زيد: هاي شضربتها من ابره
علي: ابرة مهدى
زيد: ليش
علي: لتخاف هيه متعوده على هيج جرع من المهدى كالها وهو ديمشي رحتت وراه
زيد: نزلنا ركبنا بلسياره وتوجهنا للمقبره دفنا صادق وصلينا عليه ورجعنا واحنا بلطريقه كررت سؤالي على علي كتله ليش حتى تنطها مهدى
علي: باع زيد اني اعرف اشياء انت متعرفها
زيد: شنو هيه؟ يعني انت متخاف انو ممكن ريم تصير مدمنه على هاي المهدأت
علي: باع زيد يمكن انت متعرف بس تره كل عائتنا وعمامنه ميحبون ريم
زيد: ليش بالله
علي: لان همه يعتقدون انو هيه مريضه نفسيه بسسب حادث وفاة امنا كدام عينها وشلون تأثرت انت تعرف انو ريم من قوة الصدمة الي مرت بيها سنتين متكدر تحجي ها لو متعرف ومن يومها وكل عمامنه يصيحولها مريضه نفسيه واني خفت انو اذا بقت وياهن وهيه هيج منهارة ممكن تسوي شي بنفسها وراح يرجع الكلام عليها مره ثانيه فلهاذا السبب انطيتها جرعة مهدى علما نروح ونرجع
زيد: بقيت اسمع كلام علي واني مصدوم معقوله كل عمامنا يكروها لهاذا السبب هسه عرفت ليش جانت ماما بهذاك اليوم تباوعلها بنضرات غريبه
وليش دائما اسمعهم يحجون عليها بقيت ساكت لحد ما وصلنا للبيت صعدت علمود اطمئن على ريم لكيتها بعدها نايمه نزلت ورجعت للبيت
ريم: بعد مرور اسبوعين على حادث موت صادق واني بعدين ما مستوعبه هاذا الشي وعايشه على المهدئات ومضدات الاكتئاب علمود ما اتخبل فتحت تلفوني ودخلت للكروب مال الجامعه لكيتهم ناشرين انو باجر موعد استلام النتائج وتذكرت بابا ميكدر يبقى ينتضرني علما استلم النتيجة وارجع لان عند شغل واخواني عدهم شغل واني ما اكدر اسوق بهاي وضعيتي علمود اروح وارجع بسيارتي فققرت اتصل على زيد بلكت يكدر يرجعني من وقت اتصلت ورد
ريم: الو ها زيد شلونك
زيد: الو ها ريم اني بخير الحمدلله وانتي شلونج؟
ريم: الحمدلله
زيد: تفضلي محتاجه شي؟
ريم: اححم بس اذا تكدر باجر تنتضرني بره الجامعه علما استلم نتيجتني واطلع على السريع لان بابا ميكدر ينتضرني عنده شغل ولو اتعبك وياي
زيد: صدك جذب تددلين تعبج راحه ريمي واي شي تحتاجبنه اني موجود تمام
: تسلم متقصر، باي
زيد: باي
ريم: سديت التلفون ونزلت ليجوه علمود اكول لبابا بس جان يحجي بلتلفون ولاحضت انو وجهه قلق شويه سدت التلفون
ريم: بابا ممكن احجي وياك شوي
محمد: تفضلي بابا
ريم: ممكن توصلتي باحر للجامعه علمود استلم نتيجتي
محمد: بس بابا ويه منو حترجعين اني ما اكدر انتضرج
ريم: مو مشكله خابرت زيد وهوه حيرجعني
محمد: اها تمام بابا بس انتبهي على نفسج كلش زين
ريم (باستغراب) : تمام
صعدت لغرفتي ونمت
كعدت الصبح على صوت المنبة كمت من مكاني وسويت روتيني المعتاد وبدلت ملابسي ولبست هودي اسود وبجامه سوده مريحه ومرتبه ولبست حذاء رياضي ورفعت شعري وحطيت ميكب بسيط علمود اخفي التعب الي بوجهي نزلت وركبت السياره مع بابا وتوجهة للجامعه اول ما وصلت وردت انزل حجه بابا
محمد: باعي بابا مثل مكتلج اتبهي على نفسج كلش زين تمام
ريم: تمام ونزلت من السياره ورحت وبقيت كاعده انتضر النتيجة واخذتها و الحمدلله جنت الاوله على الدفعه يعني تعبي مراح طلعت واتصلت بزيد وكلي اني بره دانتضرج كتله تمام دقايق وجايتك
زيد: جنت طابك سيارتي واكف جاي انتضرها بره الجامعه اجته وجوها مبتسم
زيد: ها بشري ناجحه
ريم: مو ذس ناجحه الاوله على الدفعه
زيد: الف مبروك ان شاءلله اشوفج احلا صيدلانيه بلكوكب
ريم: ابتسمت على كلام زيد بخجل وكتله شكرا
زيد: يلا امشي خلي نركب بلسياره
ريم: يلا، مجرد ما التفت زيد باوت لكيت شخص واكف على دراجته وجان لابس خوذه كبل طلع سلاح وجهه باتجهي وضربني وشرد حسيت بشي حار دينزل مني حطيت ايدي على بطني ايدي انملت دم كبل فقدت الوعي
زيد: التفت علمود اصعد السياره سمعت صوت طلقه باوعت لكيت شخص موجه اسلاحه على ريم وفجاة شرد باوعت. على ريم لكيت ايدها مليانه دم وكبل فقدت الوعي رحت ليمها وحاوت اكعدها ماكو بقيت اصيح على الامنيه واجوا واتصلوا بلاسعاف واخذوها واني ركبت سيارتي ولحكتهم اول ما وصلنا للمستشفى سوللها اسعافات اوليه وبعدها دخلوها لغرفة العمليات مباشرة رفعت تلفوني واتصلت على ابوها ورد
زيد: الو ها عمي انت وين
محمد: ها زيد اني بلشغل خير خوما اكو شي
زيد: عمي جنا طالعين اني وريم من الجامعه فجاة اجه شخص ضربها رصاصه وشرد
محمد: شنووو والله جنت متوقع بأي مستشفى هسه انتم
زيد: بمستشفى.........
محمد: تمام جايك
زيد: سديت الاتصال وبقيت انتضر اي دكتور يطلع علمود يطمني على ريم بعد مرور ساعه جنا اني وابو ريم واخوانها جاي ننتضر طلع الدكتور من غرفه
زيد: ها دكتور المريضه شنو وضعها
الدكتور: انتو عائلة المريضه
محمد: اي احنا
الدكتور: تفضلو وياي للمكتب علمود نتفاهم
زيد: رحنا للغرفه وبلش الدكتور يحجي
الدكتور: الحمدلله احنا نكدرنا ننقذ المريضه بس مع الاسف الرصاصه ضربت جزء من العامود الفقري والمريض مراح تكدر تمشي لفتره معينه دس طبعاً مع العلاجات الفيزيائيه والادويه راح ترجع تمشي تقريبا بعد شهر ونص فلحمدلله حالتها زينه
زيد: كلنا دخلنا بحالة صدمه شلون يعني مراح تكدر تمشي بس الحمدلله الدكتور طمنا وكال على العلاجات الفيزيائيه والادويه ححتتحسن
-
-
-
-
-
-
-
-
خلص البارت اكتبولي رأيكم بيه
1045 كلمه
وبس باي 🫶.
أنت تقرأ
أراها بطريقة مختلفة
Romanceفتاة يعتقد الجميع انها مريضه نفسيه ويتعاملون معها على. وفق ذالك لكن ما الذي يجعلهم يعتقدون ذالك؟ وهل سيأتي من يغير وضعها؟
