أراها بطريقة مختلفة

بارت 6

ريم: انصدمت من كلام زيد نهائيا متوقعت يسري هيج كدام الكل فجأه ام زيد ركعت الاستكان على الطاوله وكامت على حيلها وكالت
ام زيد: اني ما موافقه على هاذا الزواج ومستحيلل اوافق
جدهم: ليش بالله
ام زيد: انت من كل عقلكم تحجون اردون تزوجون زيد لهاي ليش شبيه ابني شناقصها علمود نزوجه هاي
محمد ابو ريم: ما اسمحلج تحجين هيج على بنتي ليش شبيها شناقصها
ام زيد: اني مو مجبوره ازوج ابني الوحده مريضه نفسيا وخبلة وممكن بأي لحضه تنتحر وتنهي حياتها نفس عمله امها
ريم: شنو شدتحجين انتي؟ ماما احتركت كدام عيني ما انتحرت مو صحيح بابا
لاحضت بابا جان كلش متوتر وزيد هم كل الي جانوا موجردين توتروا كأنما ضامين شي علي
ام زيد: لا حبيبتي هاي الجذبه الي ضحكوا بيج عليها امج هيه الي حركت روحها مو انفجر عليها الطباخ بس تعرفين ليش حركت روحها لان جانت مريضه نفسيه نفسج واني مستحيل اخلي ابني تدمر نفسيته واطفاله بلمستقبل يتعقدون لان امهم منتحره وتضل العالم تعير بيهم
جدهم: كافي عاد الزم حدودج لج شنو انتِ ما عندج احترام لاي احد صدك متستحين
ريم: بابا ليش سكت ها الكلام الي جاي تكوله صحيح مو
محمد:........
ريم: باوعت لزيد لكيته مدنك راسه
: حتى انت حنت تعرف وضميت عليه حتى انت
تمام كلش هواي شكرا ام زيد لو ما انتي جان معرفت حقيقتهم كلهم وشلون همه جذبوا عليه واستغلوني امداريت على زيد وانت بعد ما اريد اشوفك بحياتي كلها تمام مزال حتى انت صرت وياهم وجذبت علي ما اريدك بحياتي بعد حاول زيد يحجي بس اخذت جنطتي وطلعت من البيت لحكني زيد ولزم ايدي كبل سحبت ايدي من ايده وكلت.
: كافي زيد عرفي شتريد من عندي بعد كافي انهانيت بما فيه الكفايه بسببك وفوكها جذبت عليه واني الي ثقيت بيك ما اريدك بعد خلاص كلشي بيناتنا انتهى
زيد: ريم بس اني احبج
ريم: لتحبني ممجبور تحب وحده مريضه نفسيه كل يوم تروح لدكتور نفسي عفته ومشيت ركبت سيارة بابا وبقيت انتضره لحد ما اجه جانوا كلهم ساكتين لحد ما رجعنا للبيت ارل ما وصلت. صعدت لغرفتي جان بابا ديصيح وراي بس ما التفت اول ما دخلت للغرفه قفلت الباب وشمرت روحي على الجربايه وانهاريت من البجي بقيت على هاذا الحال لحد ما غفيت بلغلط وكعدت فجأه من النوم جان راسي كلش ديأذيني غسلت وجهي وبدلت ملابسي ومزلت للمطبخ اخذت علاجي باوعت على الساعه جانت 2:30ص فجأه اجتني فكره صعدت للغرفه بدلت ملابسي ولبست بشت اسود وجواه سوت اسود ساده وحذاء رياضي وحجاب ونزلت رحت السياره ركبتها وشغلتها وطلعت
-
-
-

ثاني يوم
ابو ريم (محمد): كعدت الصبح صعدت لغرفة ريم فتحت الباب ودخلت مجان اكو احد اتصلت عليها جان تلفونها مغلق  كلش هواي خفت عليها كلش وين راحت يعني رحت كبل راجعت الكامرات وانصدمت كلش يمن شفتها طالعه الساعه ب3 بليل خفت لا تطلع رايحه علمود تسوي بنفسها شي بسبب الي صار البارحه كبل كعدت اخوانها وكاموا يدورن عليها وكلت خلي اتصل بزيد بلةت يعرف وين راحت
محمد: الو ها زيد
زيد: الو ها عمي
محمد: اكولك زيد ريم حاجتك بعد الي صار البارحه
زيد: لا ليش ريم صارلها شي.
محمد: ريم ما موجوده من البارحه بليل الساعه ب3 طالعه ولحد هسه ما الها اثر اخابرها الفونها مغلق وهسه طلعوا اخوانها يدورن عليها
زيد: شنو ما لحكت اكمل كلامي وانسد الخط انصدمت وين ممكن تروح ريم   اتصلت اكثر من مره عليها بس مترد عليه طلعت ادور عليها   واني جاي ادور جاي احاول اتذكر كلامها وتذكرت مره من المرات كالتلي انو هيه كل متضوج تحتاج تزور امها فكلت معقوله راحت لهناكه وقررت اروح علمود ادور عليها هناك

ريم: طلعت الساعه ب3 ص وتوجهة للنجف اول ما وصلت توجهة للامام زرت وطلعت رحت للمقبره علمود ازور ماما لان كلش مشتاقتلها  بقيت كاعده يمها وحجيتلها كلشي صار وياي اخر فتره واني دابجي لان جنت كلش مقهوره من الأشياء الي صارت وبعدين حضنت كبرها ونمت بدون ما احس على روحي لان جنت كلش تعبانه 
زيد: كبل طلعت على طريق النجف  وصلت تقريبا بعد ساعتين ونص الدنيا بلشت تضلم رحت للمقبره بس تذكرت اني ما اندل وين قبر امها اتصلت على علي ورد.
زيد: الو ها علي اكلك بس وين مكان قبر امك
علي: ليش جاي تسئل عليه
زيد: باع مو مره من المرات ريم كالتلي اذا تضوج تحتاج تروح لقبر امها فأني اجيت للنجف علمود ادور عليها بس ما  اعرف وين قبر امها
علي: تمام تمام اني حدليك باعي تروح.......
زيد: تمام فهمت رحت للمكان الي وصفلي ياه علي وصلت واني داقرأ بلاسماء لكيت بنيه نايمه. على وحزه من القبور قريت الاسم طلع اسم ام ريم عرفت انو هيه ريم
: ريم ريم كومي حبيبتي كومي
ريم: فزيت على صوت شخص ديحاول يكعدني باوعت لكيته زيد
زيد: ريم اهدي اني زيد لتخافين
ريم: ليش منو انت ها؟ منو انت علمود اثق بيك؟
زيد: تمام اعرف احنا غلطنا بحقج بس ليش سوتي هيج ها حركتي كلبي وكلب اهلج عليج من الخوف
ريم: وانتم ما حركتوا كلبي بما فيه الكفايه بجذبكم عليه مو؟
زيد: علمود مصلحتج
ريم: اي مصلحه انتو ذليتوني كدام العالم كل الناس تعرف واني ما اعرف طول عمري عشت واني مستغربه ليش ناس هيج تباوعلي وعزلت نفسي لهاذا السبب
كمت علمود امشي زيد لزم ايدي
كبل سحبت ايدي
: زيد كافي ماكو داعي اكول لكلام مرتين اني ما اريد اشوفك بحياتي مره ثانيه وكلشي بيناتنا انتهى
عفته ومشيت رحت للكراج وركبت بسيارتي ومشيت جان زيد ديلحكني بس مهتميت
زيد: سكت يمن سمعت كلامها بس ملبي تكسر تكسر راحت للكراج وركبت بسيارتها واني وراها ركبت سيارتي ولحكتها خابرت اهلها علمود يكون عدهم علم انو لكيتها
ريم: وصلت للبيت بابا استقبلني بحضن حان كلش خايف علي منطيت اي ردة فعل وصعدت لغرفتي كبل دخلت للحمام سبحت وبدلت ملابسي ونمت لان جنت كلش تعبانه

بعد مرور شهر على الي صار
-
-
-
-
-
ريم: حالتي كلش هواي سأت بهاذا الشهر صرت كلش هواي اتمرض انعزلت عن العالم وكرهت كلشي حرفيا جنت دائما احس بمشاعر سلبيه بس اطلع بركوب الخيل افرغ بين الطاقه السلبيه لحد ما صرت كلش مهاريه بيه وتاهلت لبطوله منافسة دول الخليج وفعلا سافرت لقطر ولعبنا البطوله وفدت بلمركز الاول جنت كلش فرحانة بهاذاك اليوم بس حسيت فرحتي ناقصه شخص الي هوه زيد ياريته جان موجوده بس اني مستحيل اكدر اكمل ويه احد عائلته ينتقدوني وما متقبليني ويعتقدون انو اني خبلة المهم كملت اليوم وجنت كلش فرحانه وخصوصا سمن كرمني رئيس وزراء قطر وحجيت وياه وعزمني اني والكادر على غداء ملكي عنده اليوم الي بعده فعلا رحت اليوم الي بعده للغدى وجان اكو هواي اعلامين صوروا الحدث ونشروا وصرت حديث الاعلام بلعراق
زيد: جنت اشوف نجاحاتها واني كلش فخوره بيها وبنفس الوقت اتمنى اكون معاها
-
-
-
-
-
-
-
-
-
-
-
-
وبس انتهى. البارت
اكتبولي رأيكم بيه
تتوقعون وين راح ينجمعون هذوله الاثنين وشلون حترجع مشاعرهم لبعض
وبس باي 🫶.