!:جَبار رشَيد سنـهَ١٩٩٤ گالَ:
أدري بيَك تحبّني ما داعَي الكلاَم
وادري بدمَوعك صـدگ تبچيَلي
من تجيني لاتكلمني بغرام
وعفيه عوف الشوك لا تحجيلي
انه ليلي بلايه واهس ماانام شلون لوصرت انت ليلي
============
" تالين "
كعدت الصبح راسي يوجعني كلش رحت للحمام غسلت وجهي اكثر من مره بدلت وطلعت لغرفه ود صار هاذه روتيني اليومي يوميه اول ماكعد اروحلهاا لئن بليل كلش نتأذه فااروح اطمن عليها دكيت الباب اكثر من مره ماكو رد فتحت الباب لكيتهاا ماموجوده ضليت مستغربه هيه متطلع لاي مكان حابسه نفسها بلغرفه وين راحت ركضت للحديقه لكيتهاا كاعده ودندن بقصيدت باسم الكربلائي بصوتها الطفولي الحنون
" "
ماترد ماضل اثر كلشي انته بسفركم
ماترد مات الورد من انكطع خبركم
كتبت اعتذارك دمعت انتضارك
بويه تدري من غيابك موتي راحه
واليسافر يبقئ عايش وي جراحه
" "
رحت كعدت يمهاا باوعتلي ورجعت دنكت راسهاا
تالين: شبيج
ود: اريد اموت
تالين: اسم الله شهل كلام بعدج زغيره
ود: شوفي شعري نترس شيب وبعدني بعمر الورد تعبت كلش افهموني ماريد هاي العيشه تعبت اضل ساكته طول الوقت اريد اصير مثلج اريد اوكف بوجهم اريد اصيح عليهم اريد اكللهم كافي تعبنه بس ماكدر دائما ابقى اتفرج شلون يتفننون بتعذيبج اريد اركضلج واساعدج رجليه ينشلن تولين تعبت
قربتهاا الي وحضنتهاا
تالين: من تكبرين شويه صيرين مثلي واحسن هم وانتي ضلي ساكته احسلج ماريدج تحجين اي شي ابتعدي عنهم ماريد جسمج الجميل يتوسخ بلمسات اديهم القذره ضلي نضيفه واوعدج راح اسوي المستحيل علمود نطلع مناا تمام لاتهتمين
عافتني وكامت رحت وراهاا طبت للمطبخ سوت اندومي ضليت اضحك عليهاا اكو واحد يتريك اندومي
تالين: ماتملين
ود: لا ليش
تالين: صارلج عمر تاكلين بس اندومي ليش
ود: الاكل الي بثلاجه بفلوسمن
تالين: هارون العار
ود: جا ترديني اكل بفلوس الحرام على اقل الاندومي هاذه صديقتي تشتريلي ايا وتودي يعني بفلوس حلال ابقى طول عمري اكل اندومي ولا اكل منهم لكمه وحده
تالين: عفيههه ببنيتي الحبابه والله مو لسان عسل خليج هيج طول عمرج تمام
ضحكت ضحكه خفيفه وراحت لغرفتهاا طلعت للصاله نضربت بشخص لكيت واحد نايم على بطنى ومنضره يلعب نفس وكومه بطاله يمه لعبت روحي رجعت لغرفتي بدلت وخذت جنطتي وطلعت من البيت كله لئن ماتحمل هيج مناضر رغم هاي يوميه الست ضحى جايبه واحد جديد ضليت افتر بشوارع طبيت للمطعم تريكت دفعت الحساب وطلعت ضليت افتر هواي وصلت للكورنيش مابي ولا طير كعدت على المصطبه صافنه لشوكت انضل هيج شوكت نرتاح اريد اكعد الصبح اركض الامي احجي وياها وتجاوبني بحنيه مو اكعد يوميه الكه واحد نايم يمهااا وابوي الي ميشبع من الفلوس الي سوى لامي بيت دعاره وهيه رئيسه هناك واخوي الي بس يتعاطه وميعرف دنيا طشت لو رشت واختي الي صار عدهاا توحد من كثر ماضاله وحدهاا والي يشوفهاا يكول هاي مضل تموت لشوكت ابقى اتعذب اذا مانفذ الي يردو ابقى اليل كله اخدم بيهم وغير التحرش الي يصير وياي بس الله كريم كلشي يهون لخاطر ود ماريدهاا تعيش هيج اجواء يوميه بليل اتأكد باب غرفتهاا مقفول لئن ماريد شخص يتعرضلهاا اني اتحمل بس هيه ماتتقبل هيج شي هيه مشايفه المصايب الجاي تصير وهلكد تعبت لو شايفه جان خسرتهاا من زمان كل هاذه ومجاي احجي الي يصير بلضبط مناضر مخيفه جاي اشوفهاا يوميه واسكت اكو وحده طبب لمهاا زلم وين لاكيهاا انتوو اني جاي اتعذب نفسيأ وجسديأ ملهم يوميه مجرب طريقه جديده للتعذيب ويجربهاا بيه لو شايفين جسمي كله اثر كدمات وحتئ اديه بس مو بيدي اي شي كمت من مكاني لكيت شخص واكف بعيد ويباوعلي ضليت اباوعله بعدين عفته ورحت اجرت تكسي للبيت ماريد اخلي ود وحدهي وصلت نطيته الكروه اول ماردت اطب سمعت شخص صاح بسمي درت وجهي لكيته هوه مايمل هاذه والله لعبت روحي منه اجه بتجاهي
