بَس بالليل
يلتم كل عَتب
روحي وأغنيلك
أغني وعَيني تبچيلك
أغني وشوگي يآخذني
بجَدم حآفي لمواويلك .
=================
"تالين"
فزيت نص اليل جوعانه باوعت شفته نايم يمي كمت على كيف لا يكعد اكلت شويه وطلعت بره اريد اشم هوى اشو طلعتلي ود اني شفتها بجيت وحضنتها ضلت تسلئني على حالي وبعدين عرفت اجت علمود جوازات دورنه اني وياها اني دورت بلغرفه مالتنه فتحت الكنتور لكيت قاصه بس مقفوله ماعرف رمز ضليت احاول اخر شي كلت خلي اجرب مواليدي صدكت نفتحت خذتهن بسرعه ورجعت قفلتها ونطيتهن ل ود وانطتني جهاز علمود اخابرها وراحت بس اني كلبي مثل نار عليها دعيت كون توصل مايصير بيها شي ضليت للصبح كاعده كلبي يوجعني تصلت عليها من رقم ماكو زاد خوفي اكثر سمعت لاذان توضيت وصليت وضليت على سجاده اقره ادعيه وابجي لمن غفيت مادري ......
حسيت اكو شخص شالني فزيت مخروعه بسرعه وخرت عنه شفته ارناف اشو روحي كامت تلعب واريد اتقيئ ركضت للحمام تقيئت روحي طلعت غسلت وجهي وطلعت لكيته جايب ريوك مسوي جاي صاحلي
ارناف: تعاي تريكي نمتي بدون اكل مو زين عليج
تالين: وانته هلكد مهتم بيه ويهمك امري
ارناف: اكيد يهمني امرج غير انتي بنيت كلبي
تالين: لو صدك بنيت كلبك ماسويت لي سويته البارحه ماتأذيني
ارناف: انتي جبرتيني اسوي هيج ماتجين له بلضرب
تالين: وين احجي اني واتعب روحي وي واحد ماعنده ضمير ولاحساس اصلا
ارناف: شوفي لجج اني ساكت كلت خطيه البارحه قسيت وياها خليني محترمج وتعاي تزقنبي بدون صوت
اني هم مالي خلك ارد بعد ميفيد الحجي وياه يبقه اعوج ماينعدل ابدد كعدت تريكت بس لاكل روحي تلعب منه مادري شبيها ردت اكوم ودك جهازه فتح سبيكر اجه صوت واحد شاب
متصل: انته ارناف
ارناف: نعم منو وياي
: اني ضابط بيجاد حسين
ارناف: اي تفضل اكو شي
: صراحه ود نطتني رقمك وكالت تصل بي لئن هيه سوت حادت وب مستشفى...........
ارناف: تمام مشكور حنه شويه ونجي لها
وطفه من اني ضليت مصدومه اختي سوت حادت لا ياربي لا تختبرني بيها دخيلك احس نفس نكطع عندي لتفت له
تالين: حباب ارناف خذني لها اريد اشوف اختي ابوس ايدك اخذني
ارناف: شلون اخذج عندي شغل ماكدر اجله
تالين: خلي اي احد ياخذني من جماعتك حباب
هوه ضل شويه يفتر يروح ويجي وبعدين وافق اني كيفت بدون مادري بروحي رحت حضنته وهوه ضل مصدوم من تصرفي اني حسيت على نفسي وركض للغرفه بدلت ولبست بنطرون كيلوت اسود من جوه بي فتحات وكيمونه حمره وستره قصيره سوده وحذاء فلات بيضه وخذت جنطتي وطلعت لكيته بره
