:صح زعلان منك وما احاجيك
واذا يمي تجي حالف مارد عليك
تحجي وتعتذر يمعود شبيك
تعال اركض عليه بحضني اخليك !!!
=======================
"تالين"
سمعت صوت ود وركضت لها شفت ابو بريص بلكاع وهيه تصيح خبلتني اني هل مره صرت قويه جبت عوده وكتله وطلعته ذبيته ود هدئت
تالين: شبيج خبلتيني عبالي صارلج شي وكفتي كلبي
ود: ولج طفر عليه شمرته بلكاع تدرين بيه ماحب حشرات
تالين: يلا خلصنه منه ارتاحي
ود: اول مره تسوين شي بي حظ حسدتج
تالين: هيه حبي شجاعه تطلع وحدها
ود: اي هم صح اكلج اشم ريحه حركك بس لا حركتي كباب
تالين: اي والله حترك عزززه
وركضت لمطبخ اسمع ود تصيح على كيفج لا يطيح الطفل شفت كباب محترك ودخان تارس مطبخ اووفف ذبيت كباب ونضفت المطبخ بس شكم وحده زينه سويت لفه لي ولفه ود ورحت يمها
ود: ها الفاهيه حركتي موو بلعافيه فوكاها راح تصيرين ام الله يساعد ابنج بس هاي اكولها
تالين: غير انتي تصيحين واجيت لج ركض خفت عليج ياالله هاج هاي لفه اكليها هسه اخابر ارناف يجيب وياه عشى
ضحكت ود واني خابرت ارناف يجيب وياه عشى وضلينه اني ود نسولف ونشاقه شكد فرحت من اجت وياي شيصير لو نعيش وحدنه دك باب ارناف
ارناف: تالين هاج هاذا عشى وتعاي اريدج بشغله
اني فتحت الباب اخذت العشى نطيته ل ود ورحت وراه للغرفه
تالين: خير شكو
ارناف: اول شي ردي بسلوب محترم
تالين: اني محترمه ميحتاج تعلمني
ارناف: الصبر الصبر المهم اكلج اني اجاني شغل ولازم اسافر فه راح اخلي واحد من جماعتي يمجن اي تحتاجي كليله وهوه يجيب ممنوع تطلعين بدون متكليلي ولا تسمعين كلام ود ادري بيها بغيابي راح تعبي براسج مفهوم
تالين: تمام شكد تبقه
ارناف: مادري حسب شغلي شوكت يخلص ماوصيج بعد وديري بالج على نفسج
تالين: تمام وانته هم دير بالك على نفسك
ارناف: شلون راح فاركج واتحمل مادري
تالين: شوكت تروح
ارناف: ب 3 بليل اروح هسه راح اروح يم شباب مناك اطلع
تالين: تمام
باسني براسي وحضني حيلل يريد يدخلني بين ضلوعه اني مانطيت اي رده فعل وخر عني باوعلي وراح طلعت وره قفلت الباب بسرعه ابشر ود
