:ماعِندي واهِس للحَچي
مِن برّة تِلكاني ابتسِم
ومِن جوّة اطِك مِن البَچي
مابيّة اڪمِّل هالدَرُب
تعبَان ، خلوني انتِچي
================
" تالين "
كعدت على صوت عالي اكو واحد يصيح بره باوعت لكريكوت تيم ماموجود تخبلت كمت بسرعه طلعت لبره لكيت ام أيسان وابو جاي يتعاركون سئلتها بخوف
تالين: تيم تيم ابني شفتي .
اجتي يمي خلت ايدها على متني
الام: اي حبيبتي اخذته رولا لئن جان يبجي وانتي تعبانه اخذته وراحت يم أيسان بره بلحديقه لاتخافين يعمري .
تنفست براحه طلعت يمهم لكيته جاي يلعب بي منضرهم من بعيد كلش حلوو ضليت اباوعلهم واني اضحك بعدين لتفت الي ابتسم اني دنكت راسي ذكرت البارحه من غنالي خدودي احسهن جمرن صار في كدامي رفعت راسي لكيته هوه وشايل تيم بحضنه اخذته منه شميته براحه اووففف شهل ريحه التخبل يابعد كل تعبي كعدت احجي ويا الي يشوفني يكلك مخبله
تالين: ولكك ملعون شلون تعوفني وتروح هاا مدكول امي تخاف عليه اذا كعدت ومالكتني شلون سوي بيه هيج زعلت منك لاتحجي وياي .
درت وجهي عنه كال أيسان بضحكه
أيسان: انتي من كل عقلج جاي تحجين ويا وفوكاهاا تزعلين ودورين وجهج عمي تيم الجبير وانتي طفله جيبي جيبي لاتخبلين طفل .
اخذه مني وطب لجوه رحت وراه طب للصاله واني اركض وراه واحجي بكل جديه شفت ابوه بس يخزر بيه عفتهم وطبيت للغرفه عمليتي بدت تتحسن اريد اصير زينه علمود اركض بسالفت ود كلبي مقبوض عليهاا احس اختي بيهااا شي اجتي رولا ساعدتني حتى اسبح وجابتلي ريوك كعدت يمي تاكل بدون عزيمه ضليت اباوعلهاا مو لئن اني مشايفه اكل بس اول مره اشوف هيج شكد جريئه لعد باوعتلي وضحكت
رولا: اسفههه لئن اكلت بدون عزيمه بس شسوي جوعانه هاذه أيسان مخلاني اتريك كالي انتضري تالين وكلي وياهاا علمود اسويلج واهس .
ضحكت وضربتهاا على راسهاا
تالين: عادي حبيبتي ود .
دنكت راسي بسرعه صارت غصه بلعومي وعيوني غوشن من الدموع اجتي كعدت يمي وتمسح على شعري وتحجي بكل حنيه تجبرج تبجين حركاتهاا وطريقت كلامهاا كل نفس ود لذالك اني احب احجي وياهاا لئن ذكرني بود
رولا: لاتخافين اختج تطلع نشالله وتكحلين عينج بشوفتهاا بس صيري قويه انتي تحملتي عيشت هذاك البيت وكل ضيمه متتحملين كم يوم ود هسه اذا شافتج راح تضحك عليج دكول اني ماعندي هيج اخت بسرعه تبجي ومو قويه ساعدي نفسج وصيري زينه باسرع وقت حتى انتي تسنديهاا من شوفج قويه وكد نفسج هيه راح تفتخر بيج دكول عندي اخت سوت المستحيل علمودي مو كاعده وتبجين على اي شي ميصير قابل اذا بجيتي راح ترجع لا فا امسحي دموعج وصيري خوش مره صيري ام واب لابنج وصيري اخت وسند لاختج وراج هواي مسؤليات واني متأكده انتي كدهاا .
