عبدالعزيز:اديم قومي عدلي نقابك قربنا نوصل
اديم:بنااااام
عبدالعزيز:اديم قومي ترا وصلنا البسي نقابك
اديم:أوف طيب وقف على جنب
عبدالعزيز:ليهه
اديم:بغسل وجهي
وقف عبدالعزيز غسلت وجهها
فتحت باب السياره من ورا
عبدالعزيز:شتبين ورا
اديم:بآخذ شنطتي
عبدالعزيز:يلا يلا اركبي عمر وصل قبلنا
اديم:يلا امش
عبدالعزيز:وش الشنطه ذي
اديم:دقيقه تكفى عزوز لا تسرع
عبدالعزيز:ليه
اديم اعطته الوجه البريء: بحط ميكب
عبدالعزيز:اجل ماراح امشي سوي ميكبك على قولتك عبال ماتبرد السياره
اديم:طيب
عبدالعزيز ما حس بنفسه ونام
اديم:يلا عزوز خلصت امش
اديم ناظرت فيه وعرفت انه مقلب:عزوز بلا هباله ومقالب قوم
هنا اديم عرفت انه مو مزح وخافت
اديم برجفه:ع عزوز ققوم ترانا بطريق صحراوي قوممم
اديم تذكرت عمر ودقت عليه
عمر:هلا اديم
اديم:ع عمرر
عمراستغرب:شفيك تتكلمين كذا
اديم:عمر انت وين
عمر:قدامكم ليه فيه شي
اديم:عمر تكفى والله اني خايفه تعال بأسرع وقت
عمر:بلا مزح اديم شفيه
اديم بصراخ:عمرر عزوز نام في نص الطريق وانا للحين خايفهه تكفى تعال
عمر:يلا يلا جايك لاتتحركين
قفل عمر
نادر:شسالفه
عمر:عزوز نام بنص الطريق
نادر:تمزحح
عمر:وربي من كلام اديم انه مو مزح
عكس عمر الطريق
____________________________________
وصلهم عمر
نزل فتح باب اديم شافها منهاره من البكي
عمر:اديم اديم هدي وتعوذي من الشيطان ماصار لك شي وانا اخوك
نادر:عزوز ولد عزوز
عطوه كف كفين الولد ماصحى
نادر:اديم عطيني المويه الي عندك
خذاها وكبها على وجهه
عبدالعزيز بشهقه:هييي ابك انت علامك
عمر بضحكه:ابن أبوي عزوز ولد صحصح ليه تارك اختي لحالها
عبدالعزيز :انتم علامكم الواحد ما يأخذ غفوه وأختك ماتركتها
عمر:كيف نمتت
عبدالعزيز :ياخي اختك قالت وقف بحط ميكب على قولتها ووقفت عشان السياره تبرد وماحسيت بنفسي إلا أنا نايم
عمر:يلا يلا الفجر إذن خل نصلي ونكمل طريقنا
صلو وقامو
نادر:عزوز
عبدالعزيز:هلا
نادر:بروح معك
عبدالعزيز:أقولك روح مع عمر وريناد
نادر:ليه تراني اخوك
عبدالعزيز:بدون ليه وروح معهم
نادر:طيب دقيقه
راح نادر بعيد
دق على أمه
ام خالد:يامرحبا
نادر:البقى يمه
ام خالد:لبيه
نادر:تكفين قولي لعزوز خذ نادر معك
ام خالد:ابشر تبي شي ناقصك شي غيره
نادر:لا سلامتك
ام خالد:انتم وصلتو ولا لا
نادر:لا تو نزلنا نصلي
عبدالعزيز:نااااادر يلا مشينا
نادر:جاي جاي يمه يلا مع السلامه عزوز معصب بروح له
ام خالد:الله يستر عليكم
نادر:امين
قفلت ام خالد
عبدالعزيز:من تكلم
نادر:محد
عبدالعزيز:هات الجوال
نادر:والله ما أعطيك سلامت عزوز خلاص فكني من شرك
دق جوال عبدالعزيز
ام خالد:الو
عبدالعزيز:هلا يامرحبا
ام خالد:كيفكم يا يمه
عبدالعزيز:الحمدلله بخير انتم كيفكم
ام خالد:بخير الحمدلله إلا عزوز أخذ نادر معك
عبدالعزيز:نادر مع عمر يمه
ام خالد: خذه معك والله لتأخذه
عبدالعزيز:يم ما أمداه يكمل كلامه
ام خالد:عزوز لاتكسر كلامي
عبدالعزيز:ابشري
ام خالد:عزوز لاتعصب عليه ولا تزعله تراه اخوك الصغير
عبدالعزيز:يمه ذا صغير ويننن صغير ذا اطول مني ومنك
ام خالد:عاد قلت لك لا تزعله
عبدالعزيز:ابشري تأمرين على شي ثاني
ام خالد:لا استودعكم الله
عبدالعزيز:سلام يمه
ام خالد:سلام
قفل عبدالعزيز
عبدالعزيز بنبره حاده:نادرر
نادر انخرش:هلا
عبدالعزيز:امش اركب معي
عمر:ليه شتبي فيه
عبدالعزيز:امي تقول اخذه
عمر:اييه اجل روح يانادر مع عزوز
ركب عبدالعزيز
اديم:شفيك زعلان
عبدالعزيز بابتسامة :شدراك اني زعلان
اديم:واضح من وجهك
عبدالعزيز:لا مو زعلان
اديم :طيب شفيك فصلت على نادر
عبدالعزيز:لا بيروح معنا امي تقول اخذه
اديم:يعني اركب ورا
عبدالعزيز:ليه
اديم:عشان نادر
عبدالعزيز:خليه يجي ورا
اديم:لا بشوف يبي قدام ولا ورا
جا نادر بيركب ورا
اديم :نادر تبي تجي قدام
نادر:لا أصلا أنا جاي هنا عشان انام
عبدالعزيزعطاه كف :وليه ياكلب مانمت مع عمر
نادر:عزوز شفيك علي ياخي ترا ريناد نايمه مع عمر شلون انام
عبدالعزيز:ماتقدر تكسر المرتبه
نادر:خلاص عاد إذا كسرتها بتطيح على ريناد
عبدالعزيز:خلاص كل تبن واسكت والبكيه ترا واضحه بعينك لاتبكي لاتبكي
نادر تغير صوته:خلاص تبيني انزل ليتني ماجيت معك ليتني قعدت بالرياض احسن لي
فك نادر الباب يبي ينزل
عبدالعزيز:ورععع نادر امش اركب لا اتوطى في بطنك امشش
نادر:يوههههه مافهمت لك دقيقه تقول لا تركب ودقيقه تقول اركب
ركب نادر :امسك حط جوالي بالشاحن
عبدالعزيز:شاحني وشاحن اديم والله ما أحط جوالك فيهم
نادر:امسك شاحني حطه فيه
عبدالعزيز حب يعانده:سيارتي ماراح أحطه فيها
نادر تنرفز:خلاص هات الجوال
رماه عبدالعزيز عليه
اديم:نادر هات جوالك أحطه بالشاحن
نادر:لا خلاص اديم مابي اشحنه
عبدالعزيز:احسن
نادر:خلاص عبدالعزيز خلاص مابي منكم شي
عبدالعزيز:صوتك لايرتفع اسكت مابي اسمع صوتك
اديم:عزوزز خلاص حرام عليك
نام نادر
وقعدو اديم وعبد العزيز يسولفون
نادر وهو بنومه:عزوز عزوز خلاص تكفى والله اسف عزوززز لاتروح وتتركني عزوز أنا اخوك
وقف عبدالعزيز على صراخه
اديم:نادر ولد نادر
يلف عليه عبدالعزيز:ولد نادر قم شفيك
صحى نادر وهو يصارخ على عبدالعزيز:نزلنيييي نزلني مابي اروح معك نزلني
نزل نادر وقام يركض بطريق صحرا مافيه اي مخلوق
راح وراه عبدالعزيز ركض
دقت اديم على عمر
اديم :عمر وينكك
عمر:اي ترا قاعد أشوف سياره عزوز واقفه شسالفه
اديم:تكفى تعال نادر صحى من النوم وقام يركض ويصارخ
عمر:ريناد انزلي سرعه بقفل السياره وروحي سياره عزوز
ركب عمر سياره عبدالعزيز ومشى ورا عبدالعزيز ونادر
وقفت نادر من الدوخه الي جته
مسكه عبدالعزيز من يده:علامك ياولد
أخذ نادر حجر من الأرض:فكني ولا والله لا أحطها براسك فكني
عبدالعزيز:بفكك عمر امسكه وانا بفكه
عمر:نادر شفيك ياولد
نادر وهو يلهث:تكفى ياعمر ما ابي امشي مع عبد العزيز تكفى
عمر:خلاص خلاص بتروح معي هدي
ركبو كلهم بالسياره وتوجهو لسياره عمر
راح نادر مع عمر وريناد
عمر:نادر قولي كل شي ووش صار معك
نادر:عمر أنا كرهت عزوز اخوي ما ابي اكلمه خلاص أسلوبه صار خايس معي أنا شفت بمنامي واحنا راجعين للرياض عزوز اخوي رماني بنص الخط ومشى تكفى مابي ارجع معه للرياض
عمر:خلاص خلاص انت اهدأ ريناد عطيني مويه من عندك
نادر:مابي مويه مابي شي خلوني انام جوالي وين عمر دق عليه
دق عمر
رد عبدالعزيز:هلا
عمر:عزوز وقف على جنب وعطني جوال نادر
قفل عمر
اديم :من ذا
عبدالعزيز:عمر اخوك
اديم:بكلمه
دقت اديم على عمر
عمر:هلا
اديم:نادر قاعد
عمر:لا نايم
اديم:طيب هو قالك شي
عمر:اي قالي كل شي
اديم طيب قول
عمر قالها كل شي من الألف إلى الياء
اديم:احح طيب ذا حلم ماتوصل
عمر:لا ماضني يزعل منه لذي الدرجه
اديم:يارب
عمر:يلا يلا بقفل تبين شي
اديم:سلامتك
فقلت اديم
عبدالعزيز:شقال
قالت له اديم
عبدالعزيز:أبك أنا ماسويت له شي
اديم:والكف والكلام تراه وربي انه ماسك البكيه صدق ومنحرج مني وانت أحرجته زياده عزوز تكفى حاول تراضيه قبل تمشي للرياض مع انه يقول عمر انه قال والله ما امشي معه للرياض
عبدالعزيز:بيمشي وهو مايشوف الدرب وانا أتوقع بنزلك واقعد مع جدي شوي كذا وارجع للرياض
اديم:لا يمكن ارجع معك
عبدالعزيز:بفكر
اديم:عزوز
عبدالعزيز:عيوني
اديم حبت تغير مزاجه :احبككك
ابتسم عبدالعزيز:وانا بعد احبككك
لما قربو يوصلون للديره
عبدالعزيز:واخيراااا
ضحكت اديم وقعدت تصور رده فعله:عزوز وش شعورك وانت واصل للديره
عبدالعزيز:احس روحي رجعت
ضحكت اديم
دق عمر
عبدالعزيز:هلا
عمر:ولد الناس نايمين ما أمداهم يصحون نادر أنزله ببيت جدي ولا ببيتكم
عبدالعزيز:لا ببيتنا
عمر:طيب
قفل عمر
اديم:عزوز تكفى ارحمه شوي وربي احس قلبه انكسر من كلامك اليوم أنا وانا مالي دخل قلبي عورني عاد وشلون هو
عبدالعزيز:طيب طيب
اديم:عزوز ترا قلت تكفى
عبدالعزيز:ابشري بس الحين بتنزلين ببيت عمي ولا وين
اديم:لا بروح بيتنا بس انت مو قلت لعمر يروح بيتكم خلاص روح لبيتكم وانا اروح مع ريناد وعمر
عبدالعزيز:لا بروح اسلم على عمي
اديم:وامي
عبدالعزيز بطقطقه:اممم لا امك بسحب عليها
اديم:عزوزززز
عبدالعزيز:امزح يعني بالعقل بسحب عليها
وصلو بيت ابو عمر
اديم :دقيقه بدق على امي بشوفها قاعده
دقت اديم
ام عمر:يامرحبا
اديم:البقى ياقلبي
ام عمر:كيفك يا يمه
اديم:بخير الحمدلله
اديم حطت ميوت:شكلها مادرت
عبدالعزيز:مو شكلها إلا اكيد
ام عمر:وينك ليه ماتجينا
اديم:بالرياض
ام عمر: خلاص نسيتينا ماعاد تبين الديره
عبدالعزيز بضحكه:افتحو الباب ياخاله
ضحكت اديم
ام عمر:يامرحبا تو مانورت الديره اي والله
عبدالعزيز:البقى ياخاله
ام عمر :دقيقه دقيقه بفتح الباب اخاف انكم كذابين
عبدالعزيز:افاا حنى كذابين
فتحت الباب:اي والله مرحباااااا
نزلو اديم وعبدالعزيز
سلم عليها عبدالعزيز
سلمت عليها اديم
دخلو داخل
ابو عمر:اجلسو اجلسو تقهوو
عبدالعزيز:لا والله ياعمي اني تراك نادر لحاله بالبيت
ابو عمر:فنجال مايضر يابوك
عبدالعزيز:ابشر بس بروح انزل شنطه اديم
ابو عمر:لا والله انت ريح بيقوم فهد ينزلها
فهد:هات المفتاح
عبدالعزيز:مفتوحه
راح فهد نزل كل الشناط داخل
اديم:لا لا ذي الشنطه حقت عزوز وذي حقت نادر
فهد:نادر جاييي
اديم:اي جاي
ام عمر:ماشاءالله شلون جاء ومدرسته
اديم:جاء وياليته قعد يا انه رفع ضغط اخوه
ام عمر:لييه
اديم :بعد صلاه الفجر جاني عزوز يقول امي تقول أخذ نادر معك وعاد عزوز يحب يعانده وقعد يناقشه زعل نادر ونام وفي منامه إلا يقول عزوز أنا اخوك الصغير ومن ذا الكلام بصراخ ويفك باب السياره ويقعد يركض وانزل يا عزوز واركض وراه لين مسكوه عزوز وعمر
ام عمر:الله يهدأه وليه كل ذا
اديم: مدري عنه والله
ام عمر:وأنتي بتروحين معه ولا تجلسين عندنا
اديم:لا بجلس عندكم
ام عمر:لا يابنتي اقعدي معه لين يروح للرياض هو مو مأخذك معه اكيد
اديم:اي ماراح اروح للرياض
ام عمر:اجل روحي معه
اديم:خلاص فهد رجع الشناط
فهد جاهم :نعممممم وش شايفيني انتي وياه نزل وركب سلامات والله لو اني مندوب
اديم:تكفى فهد
فهد:طيب
عبدالعزيز:يلا ياعم أنا استأذنك
ابو عمر :الله معك يا بوي
طلع عبدالعزيز وشاف فهد يرجع الشناط
عبدالعزيز:ليه
فهد:اديم بتروح معك تقول
عبدالعزيز:يلا نادها
اديم:يلا عزوز
عبدالعزيز:يلا اركبي
وتوجهو لبيت ابو خالد
دخلو البيت
اديم:مغبر ويحتاج له تنظيف
عبدالعزيز:اي والله
اديم:بكلم حرمتين هنا بالحاره ينظفون ب خمسين ريال
عبدالعزيز:كلميهم
كلمتهم اديم وجو ينظفون البيت
اديم :الحين عمر وين حط نادر
عبدالعزيز:بغرفته اكيد
اديم:اهاا
عبدالعزيز:ايه
دخلت اديم بتشوف التنظيف
اديم:انتي أصايل وذي مي
أصايل:انتي ادييم
اديم:سبحان الله الدنيا دوراه
مي:انتي اديم الي كنا نطقطق عليها أيام المتوسط
أصايل:والله هي
عبدالعزيز:ادييم شوفي نادر صحى
أصايل:مين هاذا ومن نادر ووش الي صار
اديم:هاذا زوجي ونادر اخوه
اديم :يلا يلا نظفو البيت سريع ابي انام من امس مانمت
نظفو البيت وخلصو
دخل عبدالعزيز:الله ياريحه البيت
اديم متغير وجهها
عبدالعزيز:شفيك
اديم بكت:عزوزز الي تو ينظفون البيت صاحباتي الي كأنو يطقطقون علي
حضنها عبدالعزيز:طيب وليه البكى شفتي كيف الدنيا دواره
اديم:سبحان الله
صحى نادر:اديم كم الساعه
عبدالعزيز:الساعه تسعه
مارد عليه نادر ورجع لغرفته
عبدالعزيز:تبين تنامين
اديم:اكيد بنام
عبدالعزيز:اجل خلاص روحي لغرفتي نامي أنا دقايق وجايك
اديم:طيب
راحت اديم لغرفه عبدالعزيز
وتوجه عبدالعزيز لغرفه نادر
نادر:شتبي
عبدالعزيز:اخوك الكبيره أنا وش الي وشتبي أسلوب شوي لو سمحت
نادر:خلاص قول شعندك اخلص
عبدالعزيز:زعلان مني
نادر:مو زعلان وبس مابي أشوف وجهك أصلا
عبدالعزيز:ليه
نادر:والله من كلامك الي اليوم مدري شلون قلته أصلا والله انه يعور
عبدالعزيز:والله اني اسف والي تبيه بيصير
نادر:ذا انت ياعبدالعزبز تزعل الشخص لين يكرهك وترجع وتقول له اسف وتمشي
عبدالعزيز:خلاص عاد لاتشخصنها انت
نادر:خلاص يرحم امك بنام اطلع
عبدالعزيز طلع من عند نادر.
راح لغرفته ونام
____________________________________
بمجلس الجد محمد بعد صلاه المغرب
نواف:يبه عزوز وأديم وين
الجد محمد:والله مدري دق على عزوز شفه وينه
فهد:ياجدي عزوز في بيتهم
نواف:غريبه ليه ماجو
فهد:دق على عزوز يمكن نايم
نواف دق المره الأولى مارد والمره الثانيه مارد والمره الثالثه ومارد
نواف:مايرد
فهد:دق على اديم طيب
دق ونفس الشي ماردت
فهد:طيب دق على نادر
نواف:نادر معهم
فهد:اي دق عليه
دق نواف:جواله مقفل
الجد محمد:روح يافهد ونواف طقو عليهم لين يفتحون
طلعو فهد ونواف دقو الباب محد فتح
ازعجوهم اتصالات
رد عبدالعزيز:هاا
نواف:عزوز افتح الباب
عبدالعزيز:طيب طيب.
ناظر عبدالعزيز جوال شاف الساعه سبعه
عبدالعزيز بصدمه:ابن ابويييي صدق الصلوات راحت اديم بنت اديم
اديم:هاا
عبدالعزيز:قومي قومي الصلوات راحت علينا
طلع عبدالعزيز وراح لنادر
عبدالعزيز:نادر ورع قم صل نادر ابك قم الله يلعن بليسك
نادر:عزوزززز خلاص بنام
عبدالعزيز مسكه مع يده:قم صل وخل نروح لجدي
نادر:ابك مابي بناممم
عبدالعزيز:ابك قم قم
نادر:يوههههه
عبدالعزيز:قم غسل وجهك وصلي الظهر والعصر وآلمغرب
قام نادر ونزل هو وعبدالعزيز للمجلس يصلون
خلصو صلاه
نادر:كم الساعه
عبدالعزيز:سبعه يلا قوم نزل معي الشناط
نادر:يلا قوم
نزلو الشناط
غيرو ملابسهم وطلعو لبيت الجد محمد
دخلو عبدالعزيز ونادر المجلس
الجد محمد:يامرحبا مابغيتو تصحون اي والله
عبدالعزيز ونادر ابتسمو وسلمو على جدهم
الجد محمد:وش ذا النوم يا عزوز والصلوات
عبدالعزيز:ياجدي والله اني كنت ناوي اغفوه بس مدري وش صار
الجد محمد: الله يعفي عنك
قام نادر بيطلع
الجد محمد:على وين يانادر
نادر:جدي بروح انام والله مانمت زين
الجد محمد:يعني ماشبعت نوم
نادر:لا
الجد محمد:اجل روح نام
راح نادر
دخل عند الحريم
سلم على جدته وعماته
الجده ريم:يامرحبا اي والله
نادر:البقى ياجده اديم وين
الجده ريم:داخل مع البنات
دخل نادر:اديم يا اديم
اديم:هلا نادر
نادر:عطيني مفتاح البيت
اديم:مع عزوز والله مو معي
نادر:طيب عطيني جوالك بكلم عزوز
اديم:وليه ماتروح لهم
نادر:مابي
اديم:طيب ريناد قومي أعطيه نادر
ريناد:نادر امسك كلم
عبدالعزيز:الوو
نادر:عزوز مفتاح البيت وين
عبدالعزيز:البيت مفتوح ماقفلته
نادر:شفيك واقفه هنا انتي
ريناد:ابي جوال اختي
نادر:بكلم اخوي
نادر:خلاص خلاص عزوز مع السلام
سمعو صراخ فهد وهيّا
الجده ريم:عمى
فهد مسك هيا من شعرها :والله ما أخليك فيها
دخلو نواف وعبدالعزيز على صراخهم
ام عمر مسكت فهد
عمر:شوفي شعرك بيدي شوفيههههههه
دخل نواف وطلع فهد برا
هيا بانهيار وصراخ:شعريييييي يمهه شوفي شعري بيد خاله مشاعللل يوهههه
دخل ابو عمر:شسالفه شفيكم وش ذا الصراخ
قالت له هيا كل شي وهي تبكي
ابو عمر:خلاص هدي هدي وبوريك فيه فهد
طلع ابو عمر وشاف عبدالعزيز ماسك فهد
عبدالعزيز:العن بليسك اهجد شوي
مسكه ابو عمر من شعره
عبدالعزيز:لا لا ياعمي فكه عشاني والله ماتلمسه ذي المره خلاص أنا طالبك ياعمي
ابو عمر:لو ماتدخل عزوز والله لتنام وانت تبكي وشو له تقطع شعر البنت
فهدر:يبه أنا كنت امشي بالمطبخ وحطيت رجلي بين رجوالها ابي امزح معها وهي صدقت وتفلت بوجهي ومسكتها من شعرها بسس
ابو عمر:وشو له يوم تحط رجلك بين رجولها
فهد:امزح معها
ابو عمر :تمزح معها مشاءالله
دخل نادر البيت وانصدم من الي قدامه :وشذا وليه ببيتنا ومن سواً ذا كله
نهايه البارت ❤️
