اليوم الثاني
|بالديره|
فهد:يمه وين ريناد
مشاعل :مافقدتها الا اليوم
فهد:لا جد البيت صاير هادي وسالت وين هي
مشاعل:بالرياض عند اديم
فهد:اها
مشاعل:قوم ساعدني واترك اسألتك بعدين
فهد:طيب عمر وين
مشاعل:مدري يمكن مع أبوك
فهد:ايييي صح جدتي وجدي ماعندهم احد يبر فيهم بروح لهم
مشاعل:يوهه يافهد بر فيني بالأول
فهد:يمه يمه حرام
مشاعل:روح لهم الله يستر عليك
فهد:لا لا خلاص
مشاعل عصبت:فهددد لاترفع ضغطي يرحم ابوككك
عمر:شسالفه ليه ذا الصراخ
مشاعل:عمر أخذ فهد واطلعو لجدتكم بنظف البيت
طلعو فهد وعمر حصلو هند وهيا
فهد: خير شتبون
عمر:شعليك منهم امش ولا أعطيك كف
فهد:ياخي انتم ليه منفسين اليوم
دخلو هيا وهند
هند:سلام عليكم خاله مشاعل
طلعت لهم مشاعل:وعليكم السلام يالله حيهم اقعدو بجيب القهوه واجيكم
هيا:لا ياخاله لاتتعبين نفسك احنا جايين نساعدك بشغل البيت
مشاعل:والله يابناتي مافيه شغل كثير بس بنظف غرفه فهد واطلع
هيا:أنظفها عنك يا خاله انتي بس ارتاحي
مشاعل:لا يا بنتي انتي ارتاحي وبجيب لكم القهوه واشربوها على بال ما انظف
هيا:لا والله ياخاله انتي ارتاحي وبجيب عنك القهوه وأنظف غرفه فهد عنك
مشاعل:عساك على القوة يا بنتي
جابت لهم القهوه
ونظفت وطلعو لبيت الجده ريم
دخلو الحوش
مشاعل شافت العيال يمزحون بالضرب:فهدد تعال معي
فهد:يمه تكفين شوي وجايك
دخلت البيت مشاعل ماردت عليه
مشاعل:سلام عليكم
عنود وخلود:وعليكم السلام يالله حيها
مشاعل:كيفكم
عنود:الحمدلله تمام
خلود:بخير عساك بخير
مشاعل:إلا وين عمتي
خلود:عند أبوي واخواني
مشاعل:إيهه
عنود:امشونطلع الحوش والله ان الجو يهبل
مشاعل:يلا أنا بجيب معي القهوه والشاهي
خلود:أنا بلحقكم بالتكايه
حمود:مامااا بنام
عنود:نام ماسكتك أنا
حمود:تعالي معي
عنود:وش كبرك انت عشان اروح معك
حمود:طيب
عنود جاها تأنيب ضمير:امزح بجي معك بس دقيقه
خلود: يابنت تراك خربتيه في كل شي انتي معه
عنود:شسوي جأني تأنيب ضمير
خلود:بكيفك
طلعو للحوش
خلود:فيصل اترك مزحك الثقيل
فيصل:يمه عادي مابيصير شي
مشاعل:ضني انها بتصير هوشه بينكم الله يهداكم
|بالرياض|
حنان: يارهف تعالي
رهف:هلا يمه
حنان:وين اديم وريناد
رهف:ريناد نايمه وأديم فوق
دخل نايف:رهف قومي بجلس جنب امي
رهف:مابي روح اجلس هناك
سحبها نايف من يدها وجلس مكانها
حنان: وجع ان شالله شفيك عليها
نايف:بس يع كريهههه
حنان:لا اله إلا الله الله يهداكم بس
حنان:اي صح رهف اليوم بنروح لخالتك نوره
رهف:واديم وريناد معنا
حنان:لا ماقلت لهم روحي قولي لهم
رهف:تمام
دخلت عند اديم
عبدالعزيز:ارحبيي
رهف:البقااء
رهف:اديم
اديم:لبيه
رهف:امي تقول قولي ل اديم تتجهز اليوم بنروح لخاله نوره
اديم:والله ما اقدر ي قلبي راسي يوجعني إذا خف رحت معكم
رهف:ايي تمام. طلعت رهف
عبدالعزيز:روحي مع امي هي تبيك تروحين معها
اديم: طيب ريناد وين أحطها
عبدالعزيز بضحك:حطيها بالدرج ذا وين تحطينها اكيد بتاخذونها معكم
ضحكت اديم:تمامم
عبدالعزيز:عساها ماتفارق ذا الوجه
