اليوم الثاني الساعه ثلاث باليل
قامت اديم من نومها:عزوز عزوز
عبدالعزيز فز من نومه :لبييه
اديم :ابي تراب
عبدالعزيزبصرخه ورفعت صوت:هعااااا تراب مره وحده لا شكلك للحين بنومك
اديم:عزوز تكفى والله ما امزح
دخلت ام خالد على صراخ عبدالعزيز:يمه شفيه
عبدالعزيز :يمه تعالي شوفيها صحيت من نومي تبي تراب
ام خالد ضحكت:تراب من وين اجيب تراب
اديم ضحكت:تكفين ياخاله والله اشتهيته
عبدالعزيز ضحك:تبيه يحجر ولا بدون
اديم بطقطقه:سخيففف في احد يأكل حجر
عبدالعزيز:اجل في احد يأكل تراب
ام خالد يضحكه:عزوز انزل جيب لها تراب
عبدالعزيز أنصدم:صاحين انتم يمه طيب الي ببطنها بيتضرر
ام خالد بضحكه:لا لا هو الي ببطنها يبي تراب مهب امه
عبدالعزيز للحين مو مستوعب:طيب طيب بجيب لها تراب
نزل عبدالعزيز بالشارع
تركي:سلاام
عبدالعزيز يضحكه :وعليكم السلام
تركي:شفيك ضحكني معك
عبدالعزيز يضحكه:ياخي العن ام لحسه المخ زوجتي صحتني من النوم تبي تراب ودخلت امي وضحكت وقالت انزل جيب لها تراب الي يبي التراب مهب هي الورع
تركي:اخسسسس بتصير ابو
عبدالعزيز مسك علبه المويه الي بالشارع ورماها على تركي:لا أتوقع بصير ام صاحي انت شكلك مواصل
تركي:اي والله مانمت
عبدالعزيز:دوامك متى
تركي:الساعه عشره ليه
عبدالعزيز:مستلم
تركي:اي والله
عبدالعزيز:لحد الساعه كم
تركي:ثنتين باليل
عبدالعزيز:يعني معي
تركي:والله اني كنت ناوي أخليك تستلم بدالي
عبدالعزيز: أنا ناويك من امس
تركي:يلا ماعليه انخلص الملفات الي عندنا
عبدالعزيز:أنا ماعندي ملفات كلها قفلتها الحمد الله
تركي:اجل قفل حقت نواف
عبدالعزيز:بشوفه إذا وافق وهو غصب عني استلم لان اكثر من مره استأذن وآخذ اجازه
تركي:ما ألومهم
دقت ام خالد:وينك
عبدالعزيز :قاعد اجمع تراب بدون حجر
ام خالد:يلا ننتظرك
عبدالعزيز:طيب
قفل عبدالعزيز:العن ام الورطه
تركي:شفيك
عبدالعزيز:يبون تراب من الشارع
تركي:اما من الشارع تعال حوشنا فيه تراب جديد
عبدالعزيز:متاكد
تركي:اي محد لمسه
عبدالعزيز دخل الحوش
واعطاه تركي كيس تراب
دخل عبدالعزيز بيتهم واعطى التراب امه:ها وش بتسوون فيه
اديم قامت
عبدالعزيز:على وين
اديم:بجيب كوب وحليب وملعقه
عبدالعزيز قام:اجلسي أنا بروح أجيبه
اديم:جلست
وطلع عبدالعزيز
ام خالد بضحكه:وش مسويه بولدنا يا اديم حتى المطبخ مايبيك تروحين له
اديم ضحكت:والله ياخاله كل مره بنزل اجيب شي يقول لا اجلسي أنا بجيبه سالته قلت ليه ماتخليني انزل ترا عادي مو جايني شي يقول أنا بالغصب تخطيت الي مات تبين ولدي ذا يلحقه
ام خالد:الله يرحمه يابنتي وطير من طيور الجنه ان شاءالله
اديم:ان شاءالله يارب
دخل عبدالعزيز وبيده كوب وحليب وملعقه :امسكي
أخذت اديم الكوب وحطت ملعقه من التراب وصبت عليه حليب ومكستهم مع بعض شربت منهم
ام خالد:يالله عاد أنا استأذنكم باقي وقت على الأذان
عبدالعزيز:الله معك
طلعت ام خالد
عبدالعزيز:ها كيف الطعم
اديم:والله حلو جرب
عبدالعزيز أخذ الكوب من يدها وشرب منه:اخخ الله يقرف العدو شلون شربتيه
اديم:لا لا تكبه بشربه طعمه لذيذ والله
عبدالعزيز:ماعليك شرهه حامل
اديم:والله طعمه لذيذ انت مايعجبك العجب
رجّع عبدالعزيز لفراشه:بنام الساعه عشره صحيني
اديم:وصلاه الفجر
عبدالعزيز:صحيني اصليها وارجع انام
اديم:ابشر وانا بنام مو بس انت
عبدالعزيز:نوم العوافي
اديم نزلت الكوب على الطاوله وحطت رأسها على صدر عبدالعزيز:مو صح امس دورك الحين دوري عادي
عبدالعزيز ضحك:وشلون مو عادي
اديم:لا يعني حبيت استأذن
عبدالعزيز:وليه تستأذنين خذي راحتك
اديم:ياروحيييي
عبدالعزيز:ترا ماني رهف
اديم:ليه انت مو روحي
عبدالعزيز ضحك:إلا روحك غصب عنك
اديم ضحكت
عبدالعزيز:إلا صح ترا بكره عندي استلام من الساعه عشره لحد الساعه ثنتين باليل
اديم تغير وجهها:يعني انام لحالي
عبدالعزيز:إذا تبين او روحي عند رهف
اديم:صح تذكرت رهف
عبدالعزيز:عموما أنا بنام صحيني للصلاه
اديم بغصه:طيب
عبدالعزيز:فيك شي
اديم:لا لا
عبدالعزيز:متأكده
اديم:اي اي
عبدالعزيز قعد يلعب بشعر اديم لحد مانامت وعدلها ونزل للمطبخ
نروح عند نادر
نادر الي كان يراسل ريناد
ريناد:نادر
نادر:هلا
ريناد:احس ان اديم عارفه اني كلمك
نادر:ليه
ريناد:اسلوبها متغير معي وإذا كلمتها أنا وامي تقول يمه شرايك بالبنت الي تكلم عيال بلحرام وامي تسب واحسها تقصدني
نادر:لا ماعليك محد بداري
ريناد:ان شاءالله
نادر:سويتي ترند الغزال ذا الي طايحين فيه البنات
ريناد:اييي من قالك
نادر:شفتك
ريناد:وين شفتها
نادر:بجوال امي
ريناد:فتحتها
نادر:ايههه
ريناد:وأمك
نادر:قلت لها قالت متاكد مو بالغلط قلت يمه والله بالغلط وانا كذاب يارب سامحني
ريناد:ماحسيت انها عارفه بشي
نادر:لا
ريناد:اي انت ماعندك احساس
نادر:كلي تبن
ريناد ضحكت
دخل عبدالعزيز:ليه صاحي للحين
نادر قفل جواله:ماعندي نوم
عبدالعزيز:من تكلم
نادر:محد
عبدالعزيز:انزين افتح جوالك بشوف
نادر توتر:ياخي انت شفيك شكاك ماكذبت رهف يوم قالت عنك شكاك
عبدالعزيز:اي اي أنا شكاك افتحه
نادر:ماراح افتحه
عبدالعزيز:نادر افتحه لاتخليني اعصب
نادر:بفتحه وفيك خير تسوي شي
فتح نادر جواله وحذف الانستا من القائمة
عبدالعزيز:ترا واضح انك حذفت الانستا
نادر:امسك امسك ولاتطول
عبدالعزيز فر الجوال وآخر شي دخله الانستا وشاف كل شي
عبدالعزيز أخذ الكرسي وجلس:نادر وانا اخوك اسمع
نادر:هلا
عبدالعزيز:والله ثم والله ثم والله ان كل علاقه بدايتها لاترضي ربك صدقني نهايتها ماترضيك ماراح ترضيك نهايتها واسأل مجربين هاذي العلاقه ماراح تكون صحيه بتكون علاقه مميته الي تفسد عليك مصالح الدنيا ومفالح الاخره هاذا أنا حلفت لك ثلاث مرات نادر ياخوك إذا انت تحبها خلص دراستك وتوظف وأخذها لاتدخل ذي العلاقات الوصخه انت تذكر جدي وش سوا بنايف ها
نادر:طيب شسوي دراسه وارجع البيت اطفش روتين يومي خايس
عبدالعزيز:إذا خلصت مراجعاتك ودروسك تعالي قول ياعزوز خلنا نطلع أنا طفشان وربي ما اقول لك لا إلا إذا كنت مشغول
نادر:وربي ياعزوز اني مابي اروح مع ذا الطريق ولا فكرت فيه أصلا ولا جا ببالي نهائي إلا لما شفت خالد اخوي يكلم وحده مانعرفها
عبدالعزيز أنصدم:خاااالد
نادر انخرش:اي بس تكفى لاتقول له
عبدالعزيز:لا ماراح اعلمه بس انصدمت وانا ماعلي من خالد أنا جاي اعلمك ينادر اتركها
نادر:ابشر
عبدالعزيز:تبشر بالجنه
عبدالعزيز وهو طالع:قم خلنا ننزل نصلي
طلعو عبدالعزيز ونادر وخالد ومشاري ونايف وأبو خالد بعد ماقامو من النوم
ابو خالد وهم طالعين من المسجد:نادر مانمت صح
نادر:إلا يبه نمت
ابو خالد:مو من عوايدك تصحى بدري
عبدالعزيز:لا أنا قعدته من النوم
ابو خالد:ايييه
عبدالعزيز:اي يبه
ابو خالد:وانت عندك دوام
عبدالعزيز:اي الساعه عشره
ابو خالد:الله يوفقك
عبدالعزيز:امين الحين أنا بنام ولحد يصحيني إلا الساعه عشره
ابو خالد:ابشر بس قعد اديم ورهف للصلاه
عبدالعزيز:ابشر
رجع عبدالعزيز لغرفته
شاف اديم قاعده تستفرغ رما الجوال من يده:بسم الله عليك شفيككك
اديم وهي تتنفس بصعوبه:عزوزز احس بكتمهه مو قادره أتنفس مو قادره امشييي
عبدالعزيز لبسها عبأتها وشالها على السياره
خالد وهو طالع من مجلس الرجال:شفييك
عبدالعزيز مارد وركب وتوجه للمستشفى
دخلوها عند الدكتور
طلع الدكتور: اخوها انت
عبدالعزيز :زوجها
الدكتور: سوينا لها فحوصات وتطلع بعد يومين بعطيكم ورقه تروح تستلم الادويه من الصيدلي
عبدالعزيز بخوف:طيب الطفل الي ببطنها فيه شي
الدكتور:ما ادري والله روح لعيادات نساء وولاده شوف عندهم
طلعت اديم وهي معدله نقابها وبكسل:عزوز انت ماتعرف تلبس نقاب
عبدالعزيز:لا والله بس امشي بنشوف الي ببطنك جاه شي
دخل عبدالعزيز:سلام عليكم
الدكتوره:وعليكم السلام تفضل اخوي
اديم:بكشف على الجنين الي ببطني
الدكتوره بابتسامه:يلا مين الي بيكشف
عبدالعزيز بطقطقه:أنا بكشف صاحيه انتي هي الي بتكشف علامك
الدكتوره ضحكت:مدري عبالي امها الي بتكشف مو هي يالله صعنونه وحامللل ماشاءالله الله يسهل علييك
اديم:اميين
الدكتوره:كم لك
اديم وهي تناضر عبدالعزيز:شهرين صح
عبدالعزيز:والله مدري مين الحامل أنا ولا انتي
اديم ضحكت:الا شهرين
الدكتوره:طيب حاااضر نسوي لك كشف بس اجلسي هنا وانت لو سمحت برا
عبدالعزيز:زوجها أنا
اديم:حتى ولو عزوز برا
عبدالعزيز حس بالخيانه وبطقطقه:احح تطرديني اجل دوري من يرجعك البيت
اديم:عزوززز
طلع عبدالعزيز وهو يضحك
سوت كشف اديم
الدكتوره بفرحه:اللهه كيييوتت توام
اديم انصدمت:هاا
الدكتوره:توااام
اديم من الفرحه بكت:يالله يازين عوض ربي
الدكتوره بفرحه:تبين تأخذين الصور
اديم بدموع فرح:اكيدد
دق عبدالعزيز الباب
طلعت اديم
عبدالعزيز شاف دموعها وخاف ان في شي وسكت عشان مايزيد عليها
بالسياره
اديم طلعت صور الكشف وبدموع:عزوزززز شففففف عوض ربي لنااااا
عبدالعزيز مافهم الصوره:وش ذي
اديم:توأم ياعزوز توامممممم
عبدالعزيز ماقدر يمسك دموعه ونزلت وحضن اديم وبصراخ :يارب لك الحمد يااارببب
عبدالعزيز بدموع فرح مع ضحكه:يووههه ياااربب
اديم ضحكت ضحكه مع بكيه :ععزوززز منت ناوي نمشي للبيت
عبدالعزيز:يووووهه ابك نسيت شلون أسوق
اديم ضحكتتت وتبكي بنفس الوقت
عبدالعزيز دق على خالد وبصوت فرحه وبكيه:خخالللدد
خالد خاف:شفيككك
عبدالعزيز:تعاللل للمستشفى مو قادر اسووققق
خالد:فيك شي
عبدالعزيز:لااااا
خالد:ارسل الموقع الحين
ارسل عبدالعزيز الموقع ويدينه ترجف
بأقل من عشر دقايق إلا خالد محضر عند سياره عبدالعزيز هو ومشاري
نزلو خالد ومشاري:شفيكم
نزل عبدالعزيز :يعياللل وربي مو قادر أسوق نسييتت
خالد:شفيككك تكلم
عبدالعزيز نط من الفرحه:بيجيني توأم يعيااااااللل
قامو خالد ومشاري نطو معه وبصراخ:مبرووووووكك وانا خوككككك
اديم وهي تصورهم بجوال عبدالعزيز:يوههه يافرحتهمم
ركب عبدالعزيز وبفرحه:امشي اركبي مع خالد مشاري بياخذ سيارتي
اديم:يلا هيا
نزلو اديم وعبدالعزيز وركبو مع خالد ومشاري أخذ سياره عبدالعزيز
خالد بضحكه:امااا ماعرفت تسوق
عبدالعزيز:مو ماعرفت لا نسيتها
خالد ضحك:مبروك يا اديم يتربى بعزكم مقدما
أديم :الله يبارك فيك
خالد:يعني ياعزوز قبل ماتدري أنهم توأم
عبدالعزيز:لا وألله بس دريت انها حامل بكم مدري
خالد بطقطقه:تخيل يكون عطل من الجهاز
عبدالعزيز تغير وجهه:لاتنكد على الله ينكد عليك ياكلب
خالد ضحك:استغفرالله
وصلو للبيت
اديم نزلت وطلعت للغرفه
لحقها عبدالعزيز :عطيني بدلتي وينها
اديم:اي بدله
عبدالعزيز:البدله العسكريه وينها
اديم جت بتقوم:طيب بطلعها
عبدالعزيز:لا انتي لاتتحركين يرحم امك لاتتحركين ولا تشيلين أشياء ثقيله
اديم ابتسمت:ايشر بس بطلعها لك
عبدالعزيز:لا قولي لي وانا اطلعها
اديم:طيب شفها بدولابي
طلعها عبدالعزيز ولبس وطلع
تركي:اسمع شرايك نروح بسياره وحده
عبدالعزيز:هيا بسيارتي
تركي:لا لا تعال بسيارتي
عبدالعزيز:طيب بأخذ شاحني من السياره واجيك
آخذ عبدالعزيز الشاحن وركب مع تركي
عبدالعزيز:تركي دق على جوالي ماحصلته
دق تركي وردت اديم أخذ عبدالعزيز جوال تركي
عبدالعزيز:الو
اديم:هلا
عبدالعزيز:اديم أعطي نادر جوالي ينزل به
اديم:من عيوني
عبدالعزيز ابتسم:تسلم
قفل عبدالعزيز وجاهم نادر:امسك عزوز
عبدالعزيز:هاته
نادر بطقطقه:اللهم لاشماته تخيلو أداوم
عبدالعزيز ضحك:يلا يلا ادخل لاتنخطف
نادر:شايفني بزر
تركي بضحكه:نادر خله خله ذا من بعد ماتزوج طار عقله
نادر ضحك:وربي انك صادق يلا يلا الله يوفقكم
عبدالعزيز وتركي بضحكه:امين
مشو عبدالعزيز وتركي
عبدالعزيز:نواف بيداوم
تركي:ايه بس يقول ماعنده استلام الساعه وحده الضهر وهو طالع
عبدالعزيز:ياحضهه
تركي:اي والله
تركي:ها بشر ولد ولا بنت
عبدالعزيز بصدمه:وشهو
تركي:الي بيجيك
عبدالعزيز:ايييي مدري والله
تركي غمز:هااا ماتدري
عبدالعزيز ضحك:لا والله بس الي اعرفه أنهم توام
تركي فرح:كذابببب
عبدالعزيز:والله العظيم
تركي:متى دريت
عبدالعزيز:تو يوم نزلت أنا وخالد وقلت انت يلا امش وقتها كنت داري
تركي:اهلك مايدرون
عبدالعزيز:لا
تركي:اها اجل اسمع شرايك نروح نفطر ونعطي الرئيس اي سبب عن التأخير
عبدالعزيز:لا صاحي انت ذا وربي لو توقف قدامه وتقول له عذر كذب بيقول أنا أشوف بعيونك الكذب
تركي ضحك
عبدالعزيز:والله العظيم تذكر يوم قلت له سيارتي بنشرت قالي أنا أشوف الكذب بعيونك لاتحاول تتهرب
تركي:هو حليل ونشبه خلنا ننزل للدوام بعدها نطلب لحد الدوام شرايك
عبدالعزيز:تم
توجه عبدالعزيز على مكتبه
عبدالعزيز رما البريهه على المكتب وتنهد:يوهه وش ذي الملفات
دخل الرئيس :سلام عليكم
تركي وعبدالعزيز:وعليكم السلام
الرئيس :كيفكم
عبدالعزيز:بخير
الرئيس:تركي على مكتبك يلاا
تركي:طيب
الرئيس: هاذي الأيام صاير في مدارس أطفال وكثير أطفال يتعرضون للخطف وأبيك انت ياعبدالعزيز تمسك القضيه هاذي وكثير أباء يجون يقدمون بلاغ
عبدالعزيز:خلاص تم وان شاءالله نقفل القضيه هاذي بعده أيام قليله
الرئيس:ان شاءالله عساكم على القوه وترا معك تركي وسلطان وسطام
عبدالعزيز:ابشر بنشتغل عليها من اليوم بس نبي معلومات الخاطف وأي مدرسه يتكرر فيها الخطف
الرئيس أعطى عبدالعزيز المعلومات وطلع
عبدالعزيز سوا اجتماع مع تركي وسطام وسلطان
عبدالعزيز:طيب الحين احنا عندنا مهمه ولازم نخلصها بأسرع وقت
سلطان:وشهي
عبدالعزيز:في مدارس أطفال كثيير الأطفال الي فيها بالصرفه يتعرضون للخطف من قبل رجل عمره يتقارب مابين العشرين والثلاثين واحنا لازم نقفل القضيه هاذي
سطام:من بكره
عبدالعزيز:أي إذا عندكم استلام اليوم نطلع كلنا بسياره وحده
تركي:تم بس بيبان ان حنا عسكر من ثيابنا
عبدالعزيز:خلاص مو الحين اطلعو للبيت جيبو اي لبس ثوب بدله اي شي ونبدل الساعه ثنعش الضهر كذا ونطلع للمدرسه
الكل:تم
استاذنو من الرئيس وطلعو
ببيت ابو خالد كانت اديم ورهف بالغرفه
اديم بابتسامه:رهوفه
رهف:عيوني
اديم:أقولك شي بس ماتزعلين
رهف خافت:وش
اديم بتمثيل الدمعه:الجنين الي ببطني ماتت
رهف:هااا
دخلت ام خالد على صرخه رهف :شفيكم
رهف ببكي قامت تحضن امها:يمههه ولد عزوز ماتت
ام خالد تغير وجهها:إلا اله إلا الله
اديم رفعت رأسها:امزححح معكم أنا حامل بتوأم
ام خالد بفرحه:مبروككك يابنيتي شفتي عوض ربك ماقلت لك ان ربي بيعوضك
اديم:الحمدلله يارببب
ام خالد:اللهم لك الحمددد
رهف :يلا أدوم واحد لي وواحد لك
ام خالد ضحكت:حلوه هاذي هي تحمل وتتعب وأنتي تأخذينها بأرده مبرده
ضحكت اديم
ام خالد:يلا يلا خلونا ننزل تحت
اديم:انتم روحو وانا بجيكم
طلعت ام خالد ورهف
وقعدت اديم تطقطق بجوالها
دخل عبدالعزيز
اديم بفرحه:يامرحباااا اكيد احد اخذ الاستلام عنك
عبدالعزيز حضنها:الله يبقيك لا والله محد اخذ عني بس جاي اخذ لي ثوب
اديم:يعني تقدر تطلع
عبدالعزيز:باستاذان
اديم:اهااا وترا قلت لخالتي اني حامل بتوأم
عبدالعزيز ضحك:شقالت
اديم:والله فرحت عساها دوم
عبدالعزيز:ياحلوهااا
اديم:اي والله
عبدالعزيز اخذ ثوبه:تبين شي
اديم:سلامتك
عبدالعزيز:تبين تنزلين تحت ترا مافي احد مشاري وخالد مداومين
اديم:اي بنزل
عبدالعزيز:امشي خليني أنزلك معي وإذا احتجتي شي دقي علي
اديم:ابشر
نزلو عبدالعزيز وأديم
عبدالعزيز:يلا مع السلامه
اديم:مع السلامه
ام خالد وهي تناضرهم:الله يخليكم لبعض
اديم ضحكت:اميين
نادر:ييمههه جوعان
ام خالد:والفطور الي افطرته الحين وين راح
نادر:يمه مدري بس والله جوعان
ام خالد:وش تبي اجل
نادر:اي شيي
رهف:تبي مكرونه
نادر:سوي اي شي
جاهم ابوخالد:سلام
الكل وعليكم السلام
ابو خالد:شفيك تصايح انت
نادر:يبه جوعااان
ابو خالد:والفطور الي تو كليته
نادر:مدري وين راح
اديم:حلوه هاذي ماتدري وين راح
ابو خالد:إلا يا اديم ايش قالو لك المستشفى
اديم:يقولون بعد يومين وعزوز يقول امشي نكشف على الجنين كشفنا وطلعو توام
ابو خالد ابتسم:مبروككك يابنتي مبروكك
اديم:الله يبارك فيك يا عمي
نادر بصدمه:كذابه
ابو خالد ضحك:ابن ابوي كذابه ليه
نادر:يعني عزوز حامل بثنين
نادر ضحك:اااا اقصد اديم الحمدالله عزوز مو هنا ولا كان فرشني
الكل ضحك
آبو خالد:نادر
نادر:سم يبه
أبوخالد:نايف وين
نادر:بغرفته ليه
أبوخالد:أقنعت ابوي ووافق بس بشرط انه مايمشي مع احد
نادر:اروح أناديه
ام خالد:طيب والملف الي احترق
ابو خالد:عندهم نسخه وانا أصلا ماعطيت ابوي الملف الاصليه سويت نفسه لان داري ان ابوي بيسوي ذي الحركات وعطيته الي سويته الأصلي عندي
نادر ضحك:العن ابو الفكره يبه والله طلعت ذكي
ابو خالد ضحك:قم قم ناد لي نايف
نادر وهو قايم:احح كسحني وماضحك
طلع نادر لغرفه نايف حصله يناظر بالسقف وبصوت عالي:نايف
نايف فز:عمى يعميك ان شاءالله
نادر بنبره مستفزه:قم ابوي يباك
نايف:تكلم زين وبنزل
نادر وهو يقلد صوت البنات:امممم نييوفيي قووممم
نايف انغث من أسلوبه وقام وراه ركض
طلع نادر ويدخل غرفه ورا غرفه ونايف وراه لحد مانزل عند أبوه وتخبى نادر ورا أبوه
نادر بضحك وتعب:يببه يببه تكفى فكني من الوجعان هذا
ابو خالد:خلاص يانايف وانا أبوك اجلس ماعليك منه
نايف بنبره قهر :يبه تكفى انت شف شلون يتككلم شففف
ابو خالد ناصر بنادر
نادر:يبه والله ماسويت له شي غير اني قلت ابوي يباك وقام يلحقني
نايف:كذاااب
نادر:كل تبن أصلا محد مصدقك ياكذاب
ابوخالد:ناادر خلاص
نايف ماقدر يمسك نفسه وبكى:ابك انتم علامكم عليييي أنا خلاص تبت تبتتت افهمووو ياخي افهمو سويت غلط وتبت عنه تكرهوني كلكم لييييه لييه
وطلع لغرفته
ابو خالد تنهد:ويش سويت له يانادر
نادر وهو يأكل مكرونه مع رهف:ماسويت شي
اديم ضحكت:واضح من عيونك وضحكتك انك ماسويت شي
نادر ضحك:يظلموني يابنت عمي
ام خالد:الله يهداك ياولدي
طلع ابو خالد
ام خالد:إلا يا اديم بيتكم ما اكتمل
اديم:هو شاريه عزوز كامل مأثث يقول لي جهزي ملابسك وملابسي عشان ننقل له وانا والله ضهري يوجعني
نادر بضحك:اديم بقره مافهمتها
اديم :افهم وش
نادر:ذي تعتبر طرده
ام خالد:لا والله إذا جيت بطرد من بيتي اول من اطرد انت
نادر:اح يمه والله الكلمه تعور
ام خالد ضحكت:امزح معك ياحيوان
رهف:تبيني أساعدك اديم
اديم:ايييي هيا فوق
طلعو اديم ورهف فوق
رهف:أنا برتب ملابس عزوز وأنتي ملابسك اوكي
اديم:تمام بس ببدا بالعطورات والميكب اول شي
رهف:طيب
اديم رتبت العطورات والميكب بشنطه وحده
رهف:اديم شفتي بيتك
اديم:اي ليه
رهف:بشوفه
اديم فتحت جوالها وشافت رهف البيت
رهف:يجننن والأثاث بعد والله يجنن بس كبيير
اديم:اي مرههه قلت لعزوز يشوف غيره قال عاد اشتريت ذا ليه ماقلتي من اول
رهف:بس والله يجنن شفتي المسبح الي بالحوش حطي له حاجز قزاز بيطلع برفكتوو
اديم:ان شاءالله
رتبو اديم ورهف ومن تدخلات ماريا خلصو
ماريا:بعدين انتي روه أنا مافي اسمع كركر مال إنتا
ضحكت رهف
اديم:شقصدها
رهف:قصدها ماراح تسمع سوالفك وضحكك
اديم:ياروحيي
عند عبدالعزيز الي كان يشتغل على قضيه الخاطف
تركي:عزوز خلنا ننفذ الخطه اليوم
عبدالعزيز:بننفذها بس اصبر دقيقه
