حنان؛ عزوز تحمل لين الساعه ١٢
عزوز؛ طيب يمه ابشري
جاهم نادر؛ أرحببب يا المعرس
عزوز؛ البقاء يامرحب
نادر؛ كيفك
عزوز؛ مو تمام
نادر احا ليه
عزوز؛ مانمت زي الناس
نادر بضحك:اللهم لاشماته
عزوز بعصبيه؛ نااادر قوم وربي مو رايق لك
حنان؛ بسكم هوشه ياعيال
نادر؛ خلاص انا بروح يلعن من يجلس معك يا النفسيه
عزوز؛ تقلع بس
نادر وهو يمشي؛ ما اقول غير الله يعين اديم عليك
جا عبدالله؛ سلام
عزوز وحنان؛ وعليكم السلام
عبدالله؛ عزوز شفيك على اخوك أصواتكم واصله لبراء
عزوز؛ يبه ولدك يقهر
عبدالله؛ هاذا نادر يحب يستفزك عادي المهم فكنا من موضوع نادر الا وش فيك على اختي العنود وحمود
عزوز عدل جلسته؛ يبه طلع حمود الي ضارب اديم
عبدالله؛ عزوززز كبر عقلك يابزرر تراك متزوجج حركات البزارين ذي اتركهاا ولاتماشي نادر ونايف
عزوز؛ خلاص ابشر انا بروح انام جا بيوقف
مسك يده عبدالله؛ اقعدد
عزوز؛ ايش تبغى
عبدالله؛ حلوه ذي ايش تبغى انثبرررر
عزوز قعد
عبدالله؛ عزوز انا مابي اعاملك زي ما اعامل نادر ونايف اعتدل يلا الحين روح نام
عزوز؛ يلا سلام بروح انام
حنان :عزوز يمك لاتنام
عزوز؛ يمه ماراح انام بقعد على الجوال
حنان؛ طيب
عبدالله؛ عزوز عزوز اصبر
عزوز؛ هلا
عبدالله؛ على فكره ترا زواجك بعد يومين جهز عمرك
عزوز؛ شلونن
عبدالله؛ وش الي شلونن
عزوز؛ ابوي مو قلنا بعد ٥ ايام مادري ٤ شلون صارو يومينننن
عبدالله بضحك؛ انا ابن ابوي صدق عزوز شفيك وين عزوز الي كان متحمس
عزوز؛ يبه وربي اني متوتر مابي خلاص.
عبدالله؛ وش الي ماتبيي جديده ذي نخطب ونكتب الكتاب وفي الاخير يقول مابي
عزوز؛ يبه وربي اني متوتر
عبدالله؛ المفروض الي يتوتر هي مو انت بس اقولك جهز نفسك والزواج قال ابوي انه بيكون عائلي
عزوز؛ ان شاء الله يسير خير. انا بروح اكلم جدي
عبدالله؛روح الله يستر عليك
(في مجلس الجد محمد)
عزوز؛ سلام عليكم
الجد؛ وعليكم السلام هلا بمعرسنا
عزوز بابتسامه؛ هلابك
الجد؛ اجلس اجلس
عزوز؛ الا جدي انت ماقلت لي ان الزواج بعد خمس ايام
الجد؛ الا إلا صح بس ابوك عنده شغل وخليناها يومين ولا اقولك بقول لابوك يخليها بكره
عزوز بتوتر؛ ابك لا لا خلها على يومين ياجدي
الجد؛ ابن ابوي انت وش فيك
عزوز؛ لا ياجدي مافيني شي بس يومين او يوم مايمدي يتجهزون فيها
الجد؛ الا إلا يمديهم وانا يوم تزوجت جدتك اول ما كتبت الكتاب اخذتها ورحنا
عزوز؛ بس جدي قبل كان عندكم بيوت كثيره اكيد
الجد؛ ياوكك تراها خيمه الي قعدنا فيها انا وجدتك
عزوز؛ اح يعني أخذها ونروح بخيممه مايصير
الجد؛ ابك لا لا انتم تطورتو صار عندكم فنادق وشقق
عزوز؛ اي صح بس وربي اني متوتر
الجد بضحكه؛ ابك من وش ترا بنتنا ماراح تاكلك
عزوز ضحك؛ عاد انا استأذنك بروح الحوش دقايق وبرجع
الجد؛ قول انك بتروح تدخن مو بتروح تقعد بالحوش
عزوز بابتسامه؛ عاد افهمها يا الذيب
الجد؛ عزوزز
عزوز؛ لبيه
الجد؛ ياولدي اترك الدخان انا طالبك
عزوز؛ وربي ياجدي اني احاول لاكن ماقدرت
الجد؛ الا تقدر ليه ماتقدر وانت مطيري خوالك عتبان
عزوز؛ حييييي
الجد؛ يلا قوم طشه في الزباله. (وانتم بكرامة)
عزوز؛ ماقدر
الجد؛ بكيفك
الجد؛ اي صح اليوم عندنا عشاء تجهزو.
عزوز؛ ابشر
راح عزوز
