بعد ثلاث أيام طلع عبدالعزيز من المستشفى
الجد محمد:يابوخالد بعد الاختبارات ان شاءالله بنمشي وياك للديره
ابو خالد:بس يبه أنا عندي اشغال وعزوز عنده دوام وخالد ومشاري عندهم دوامات
الجدد محمد:لابس ولا غيره كلمتي ولا واحد يكسرها لا انتم ولا عيالكم
ابو خالد:ابشر
عبدالعزيز:يبه رجلي احسها خفت عادي أشيل الي عليها
ابو خالد:لا لاتشيله خله
اليوم الثاني بالصباح
خالد:يارهف امشي الوقت راح
رهف:أنا خالصه باقي اديم
خالد:أنا بالسياره الحقوني
اديم:هيا رهف
رهف:يلا
طلعو رهف وأديم مع خالد
خالد:شعليكم اختبار اليوم
رهف:رياضيات
اديم:لا انقليزي
رهف:أنا راجعت رياضيات فيها خير تجيبه انقليزي بسلم الورقه فاضيه
خالد:لا رهف استهدي بالله وترا الانقليزي اسهل ماده
رهف:هو سهل ماقلنا شي بس الوقت الي راح وانا أراجع رياضيات والله راح على الفاضي
خالد:يلا يلا ماعليه بعد الاختبارات بتستانسين صدقيني
رهف:ان شاءالله
خالد:يلا انزلو
نزلو اديم ورهف
رهف برجفه:ادييم تكفين وربي رجولي مو قادره تشيلني
اديم مسكت يد رهف:رهف تعوذي من بليس اقري أذكارك وتذكري انها درجات دنيا مو درجات الاخره
رهف قرت أذكارها
اديم:يلا امشي ويمديك تراجعين ترا الاختبار الحصه الرابعه
رهف:يلا امشي خل ندخل عشان نراجع
دخلو الفصل
اديم:وين الناس
رهف:حضرتك تو الناس باقي وقت بس من يقنع ولد عمك
اديم:اجل اجلسي براجع لك
رهف:مالي خلق خلينا نروح نفر المدرسه
اديم:ترا بتندمين في الاختبار وبتقولين ياليت سمعت كلام اديم
رهف:لا لا ماعليك هيا للحمامات بشوف شكلي
اديم:هيا
طلعو اديم ورهف
شافتهم المديره:يابنات تعالو
راحو لها اديم ورهف
اديم:هلا
المديره:ماعندكم اختبار
رهف:يقولون الحصه الرابعه
المديره:وأنتي ماعندك ربطات تربطين شعرك
رهف: عندي بس مابي اربط شعري
المديره:ترا بدق على امك إذا ماربطتيه
رهف :لا لا خلاص
المديره:خلاص يابنتي يارهف عندكم أستاذه هدى فوق روحي لها
اديم:طيب
المديره:لا انتي تعالي أبيك
اديم:طيب
راحت رهف ودخلت اديم الاداره
المديره:استريحي
قعدت اديم
المديره:وين كنت طول الأسبوع الي كأنو يأخذون فيه مراجعه
اديم:كنت مسافره
المديره:ماشاءالله مسافره وقت اختبارات
اديم:كنت تعبانه وسافرت
المديره:يعني الحين صرتي بخير بعد ماسافرتي
اديم:اي
المديره:لازم عذر ياخطي ياطبي
اديم:طيب
المدير:يلا على فصلك
اديم طلعت وراحت
رهف بالحمامات:هي اديم تعالي
اديم:شفيك
رهف:مافيني شي بس امسكي اربطي شعري من تحت
اديم:هي قالت كله ولا لا
رهف:ماعلي منها المهم اربطيه عشان نطلع فوق
اديم:يلا خلصت
رهف:الله كذا حلو
اديم:ايييي
رهف:معك لبان
اديم:اي تبين
رهف:اي
طلعو للفصل
أستاذه هدى بعصبيه:ماشاءالله كان نمتو بالبيت
رهف بتشميقه :والله ودي بس عندي اختبار اليوم
أستاذه هدى:ادخلي وأرمي العلك الي بفمك
جلسو بأماكنهم
اديم:أستاذه صفحه كم
أستاذه هدى:مو شغلك مولازم تعرفين
رهف بحده:وش الي مو لازم نعرف ترا من حقنا إننا نعرف كم الصفحه
حور:رهف لاتحطين رأسك بأراسها نصيحه ترا بترسبك
رهف:خليها ترسبني
أستاذه هدى:وتراددون بعد قومو انتو الثلاثه الي ورا قدامي عند مكتب ابله سهى
رهف بضحكه:أستاذه انتي حولا ترا احنا ثنتين
أستاذه هدى :ادري وحور معكم
حور:مالي دخل أنا ماسويت شي
اديم مسكت رهف من يدها:أستاذه خلاص أنا اسفه مانبي نعرف رقم الصفحه خلاص خلينا نقفل على الموضوع
أستاذه هدى:لا ماني مقفله قومو يلا
طلعو رهف وأديم وحور
