دخلت رهف المستشفى
ودرعمت بغرفه عبدالعزيز
رهف شافت العيال الي بالغرفه:اوو اسفه اسفه والله كنت احسب مافي إلا عزوز
عبدالعزيز:خلاص اطلعي برا
رهف طلعت
تركي الي سرح بجمال رهف :إلا ذي منهي
عبدالعزيز:اختي
تركي :وليه مو متنقبه
عبدالعزيز:توها بزر
تركي بصوت خافت:بسم الله عليها صاروخ ارض جو
عبدالعزيز:شقلت
تركي:ااا لا لا ولا شي
رهف دقت على اديم :يوهه يا اديم وينك
اديم:تعالي أنا كنت بطلع للبقاله الي جنب المستشفى والحمدلله انك جيتي عشان تروحين معي
رهف:اااا يلا جايه
حصلت اديم رهف
اديم:وين كنتي
رهف ساكته ماتتكلم
اديم:شفيك تكلمي
رهف:ها لا لا ولا شي
اديم:واضح من وجهك ان فيك شي
رهف:اديم دخلت على العيال الي عند عزوز
اديم:اححح شصار
رهف:لعل واحد منهم خذا قلبي
اديم:يا الخفيفه اثقلييي
رهف ضحكت:بحاول
اديم ضحكت:هيا هيا للبقاله بس
رهف:على حسابك
اديم:حساب عزوز
رهف:اجل تممم
طلعو للبقاله
اخذو احتياجاتهم
اديم:حاسبت
الكاشير:مرفوضه
ماتو ضحك اديم ورهف
الكاشير:بتحاسبون ولا نرجع الأغراض
اديم:خلاص لاتنفخ بنحاسب
الكاشير:ماضنتي استعجلو لان وراكم زباين
الرجال:لا لا عادي خل يأخذون راحتهم
رهف لا إرادي:ياحلوككك ياخي تعلم انت يا النفسيه
اديم:يوهه يارهف اثقليي لاعاد تتكلمين اص لين نطلع من المحل
دقت اديم على عبدالعزيز:الو عزوز
عبدالعزيز:لبيه
اديم:لبيت حاج اسمع
عبدالعزيز:أسمعك
اديم:حنا رحنا البقاله بصرافتك وطلعت مرفوضه عادي تحول لنا عشان مانتفشل
عبدالعزيز:صرافتي معي
اديم:دقيقه بقرا الاسم
اديم:اوهه طلعت حقت رهف والله اني عارفه من يومها مطفره
عبدالعزيز:طيب دقيقه الحين جوالي الي احول منه مو معي
اديم:طيب وش الحل
عبدالعزيز:ارسلي لي حساب رهف وانا أتصرف بكم أغراضكم
اديم:خمسه وثلاثين
عبدالعزيز:طيب طيب يلا بتجيكم الحين على حساب رهف
قفلت اديم
عبدالعزيز:ياعيال من معه خمسه وثلاثين وارجعها له
تركي:أنا
عبدالعزيز:برسل لك حساب اختي بالبنك وحولها عليه وارجعها لك
تركي:ابشر
عند اديم ورهف
اديم:ياخي عزوز طول
رهف:هي بنت جتني حواله قبل ثلاث دقايق يمكن منه
اديم:يلعن شكلك ذا عزوز
رهف :لا مكتوب حواله وارده من تركي العتيبي
اديم:خوي عزوز
دفعو وطلعو
اديم تقلد رهف:لا مكتوب حواله وارده من تركي العتيبي
ضحكو رهف وأديم
دقت ريناد:الو رهف
رهف:هلا عيوني
ريناد:وينك
رهف:بالمستشفى
ريناد:اديم معك
رهف:ايه
ببيت ابو خالد
العنود:إلا عزوز متى بيطلع
ام خالد :نادر يقول الدكتور يقول يمكن قريب
مشاعل:ان شاءالله
خلود :إلا منهي غادهالي تصايح بها اديم
ام خالد :بنت اختي كانت اختي تقول ان والله ماياخذ عزوز الاهي يوم درا عزوز قال والله ما آخذ إلا اديم وفضحه نادر وتزوج اديم
الجده ريم:استودعتهم الله الذي لاتضيع ودائعه يارب انك لاتفرقهم
مشاري:يمهه
ام خالد:هلا
مشاري:نادر وين
ام خالد:نايم
الجده ريم:يا حنان فيك شي
ام خالد:لا مافيني شي
الجده ريم:منتي بحامل
ام خالد ضحكت:من قالك
الجده ريم:باين من وجهك رايح اصفر
خلود:امانه جد حامل
ام خالد:بكذب عليكم ليه
ام عمر:مشاءالله يتربى بعزكم
الجده:بنت ولا ولد
ام خالد :مدري والله
العنود بضحكه :لو ولد انهارت رهف
ام خالد:لا احيانا تجيني تقول جيبي بنت وتاخذ دقيقتين ترجع وتقول خلاص كنسلي نبي ولد
خلود ضحكه :يحليلها تحسبه بكيفها
درعم عليهم نايف
الجده:عمى إلا فيه حريم هنا
رفعت الشيله عليها ام عمر
نايف:ياجده بدخل بقول شي وبطلع
دخل نايف وشافهم:لا خلاص كنسلو
خلود:بس يبي يدخل ويشوف
العنود:اكيد
الجده:وش بيكون رده فعل نادر ونايف إذا جاهم ولد
ام خالد:نايف مايبي الولد ورهف ماتبي البنت كل يوم وهم في حرب
الجده:الله يعين انا بأخذ نايف معي للديره
ام خالد:اي خلاص اقعدو لين يختبر واخذوه
نواف:يا العنود تعالي
طلعت له العنود
نواف:امسكي كلمي حمود
أحمد:ماما
العنود:هلا ياعيوني
أحمد:تعالي
العنود:ابشر ان شاءالله إذا طلع عزوز نجيكم
أحمد بكى:بس أنا ما أعرف أنا إلا بحضنك
العنود دمعت:خلاص حمود والله ازعل منك لاتبكي
أحمد:ماما تعالي تكفين ريناد وفهد وهيّا وفيصل يضربوني
ريناد:كذابببب والله ماقد ضربناك
العنود :عطني ريناد
أخذت الجوال ريناد
العنود:ريناد يا لعوبى اتركي الروع بحاله والله ان اشتكى منك ماتشوفين الخير
ريناد:يوههه يا عمه تراك مشخصنتها ماسويت له شي وع تقهرين انتي وولدك
وقفلت
دخلت العنود
الجده ريم:وش يبي
العنود:حمود كلمني يشتكي من عيال خلود وعيال مشاعل
خلود:عساهم على القوه
