"" جحيم منذ 2014""

الجحيم الثالث

istagram: 1joml0
tiktok: 5m_2jj

التصويت+التعليق بين الفقرات لطفاً.

فاطمه:-

كمنا نفس كُل مره تحضرنا وركبنا السياره طلعنا الى بيت عمت بابا في *** وصلنا يمهم ساعه 6 المغرب دك بابا هورن طلعوا ابن عمتي ومرته رحبوا بينا بابا امنه يمهم.

اياد:- يلا ديرو بالكم على نفسكم اني رايح.

عافنا بيت عمت بابا وراح ودمعه بعيني واني اشوف عائلتي مشتتة من مكان لمكان دخلنا بيتهم واكلنا ورحنا كُل واحد لمكان نمنا الى ثاني يوم.

ثاني يوم الصبح كعدنا نفس الروتين ولكينه بيت لابن عمت بابا متروك واخذنا نحنا وعمتي نضفنا ورتبنا وكعدنه بي بلا اي شي ولا فراش ولا كُلشي.

شويه شويه الجيران كامت تجيب النا فد اغراض للعصر طبكت سياره صديق بابا زوجته هيا وابنها نزلوا شكال اغراض حتى ملابس.

اجت رسل يمي وهمست:.
رسل:- حتى الصونده مل مي جابت مستغربه مو؟

رجعت جاوبت واني اضحك:. اي مستغربه اي.

ضلوا يسولفون هيا وماما وتشكرت منها ماما وراحت دخلنا للبيت وراها اسبوع اجا زوج عمتي اخذها وراح لبيتهم ونحنا ضلينا وحدنا كمنا كُل ايام نروح يمها ونرجع للبيت نطمئن عليها وحيرتنه ماراضيا تولد دخلت بشهر 10 ولحد الان ما ولدت وزوجها خلصت اجازته ورجع لدوامه وصادف نزول بابا للبيت راح لماما وكال:.

اياد: تحضري راح نروح نوديها للقابليه تعرف بهيج شغلات.

كمنا تحضرنا ورحنا لعمتي اخذناها ساعه 5 العصر القابليه منطيتها حبايه حتى تصير عدها حاله ولاده.

طلعنا منها ورحنا وصلنا عمتي لبيتها وبابا كال لبيبيتي:.

اياد: يمه انتِ ضلي يمها خاف تصير عدها حاله ولاده واني راح اوصي الجيران عليكم.

طلعنا من بيت عمتي وبابا وصه الجيران عليهم وتشكرهم ورجعنا للبيت ماما كالت:.

الام:- باعوا تلفزيون بين ما انظف البيت.

رحنا كُلنا متوجهين للتلفزيون وماما راحت تنظف البيت خلصت وسوت عشه وشويه سمعنا صوت الباب كال بابا:.

اياد:-واحد منكم يفتح الباب.

كمت فتحت الباب اجو علينا عمت بابا وابنها وزوجته كمنا سوينا عشه وكعدنا ناكل.

خلصنا الاكل كامت ماما صبت الهم جاي لحد ساعه 11 ونص هيج راحوا لبيتهم قريبين يمنا مسافه مو بعيده.

كامت ماما فرشت النه ونحنا دنام انطفأت الكهرباء صارت المنطقه كُلها ظلمه وتخوف ومنا شتاء وضباب وبارده بس الحمدلله بابا جان ويانا بعد تعب نمنا.

كعدنا على صوت اتصال بيبيتي خابرت بابا وكالت ولدت جابت بنت سميناها نور.

الام:-ها شنو ولدت؟

اياد:-جابت بنيه وسموها نور.

الام:-اي بيها الخير ان شاءالله الف مبروك الها تعبت بيها كثير.

اياد:- خلصوا حتى نروح الهم.

كمنا كلنا من مكانه وخلصنه شغلنا ورحنا لعمتي وكان هناك زوجها وقت نزوله صار وقت العشه الي كُلنا نحبه تمن احمر وفوكاته دجاج كعدنا ناكل على العشه اكلنا وخلصنا بابا كال:.

اياد:- يلا اني رايح.

الام: وين؟

اياد:-لدوامي مكدر اضل اكثر من هيج يلا مع السلامه.

بابا راح لدوامه ونحنا مكدرنه نرجع لبيتنا ضلينا بيت عمتي نمنا عدهم وهيج مرت الايام على الحرب داعش ويوميه متقدمين لمكان وصادف التحاق زوج عمتي لدوامه وبابا اجا للبيت ساعه 8 هيج تقريباً كاعدين كُلنا اجا اتصال على بابا رقم غريب فتحه بابا ورد علي.

اياد:-السلام وعليكم.

_ وعليكم السلام عرفتني؟

اياد:- ماعرفتك ولا اهلاً ولا سهلاً بيك.

_ اني جيرانكم.

اياد:- حياك الله اهلاً وسهلا بيك.

_ الدوله الاسلاميه دخلوا على بيتك واني جنت وياهم اخذوا مسدس وبلازمه ولابتوب.

اياد:- شوداك وياهم على بيتي ومنو سمح لك تدخل وياهم وتاخذون هل غراض.

رزله بابا وسد الجهاز بوجه وكاعدين نفكر ليش دخل وياهم للبيت ومنو سمحله ياخذ اغراضنا بعد تفكير بابا راح لشغله ونحنا رحنا كل واحد لمكانه.

ثاني يوم كاعدين دناكل واجا بابا علينا طلع عرف منو دخل للبيت.

اياد:- الكلب داخلين للبيت ماخذين كل الاغراض.

الام: شلون عرفوا عدنا كل هل اغراض؟

اياد:- الكل يعرف اني ظابط وعندي مسدس وشغلات للبيت بكُل سهوله دخلهم للبيت واخذوا الي يعجبم وطلعوا.

الام:- اي والمستمسكات مالنا شلون؟

اياد:- الله كريم اجيبهم.

الام:- هسه اكول لابن اخوي يجي وياي لخذ المستمسكات.

اياد:- كعدي ماكو طلعه المكان خطر.

الام:-بس كالوا تعالوا رجعوا امنه المنطقه.

اياد:- هما يكولون هيج حتى يكتلون فد كتله.

الام:- الله كريم.

راح بابا بليل وماما كامت فرشت النه نمنا الى ثاني يوم كعدنا.

يتبعع.......