"" جحيم منذ 2014""

مشهد

بقلمي : مريم الطائي🕊️.
بمساعدة : مَريم العُبيدي
#جحيم_مُنذ_2014

••••••••••

يَجي وَكت العَتـب واتعاتب وياك
واخليهن گبالك وحدة وحدة
أجرَح بالعَـتب ما أجرح بسَيف
لأن جرح العتَب مَـحد يضَمدة
مو گتلك تَرا الدنيا دولاب !
اذا أفتَرت عَكس حَيلك تهِدة ؟
••••••••••••••••••••••••

::- اكلج ماما والله احس راح يصير شي

::- يا ستار مثل شنو راح يصير صلِ عَلى مُحمد يا يمه ونامي

نمت وانا گلبي لاجمني حاسه ح يصير شي صَليت ع مُحمد ونمت

كعدت ع صوت الرصاص مَالي المنطقة

::-سيدي دخلو يم عشيرة ****.

::- انتظر جايين

صدمه مابعدها صدمه كُل هاي الأحداث بمعنى الدواعش قريبين علينا !!

صارت اشتباكات قريبه من بيتنا بين الدواعش والجيش

ويَ كل هالاحداث اتصلت ** جاوبتها أول مافتحته هي تبجي گالت
::-الوو تسمعيني

جاوبتها

::-شنو شبيجج اي اسمعج ليش تبجين

::- مناسراح يدخلون علينا قريبين من يمناا

بأثناء ما احجي وياها صرخت من كُل گلبها

::- جاوبينيي شكو شصار ليش تصرخينن؟

ضل الاتصال مفتوح وبس صوت الصراخ موجود سمعت احد يگول بصوت غريب أول مره اسمعه :

::-كفى هذا الصُراخ نحنُ نحمي الدوله الاسلاميه من الكُفار

••••••••
في مكاناً أخر

*فقط بعض المشاهد سَ تُكتب في الفَصيح*

••••••••

::- رجل قاسي قام بتوجيه سلاحهُ على الرجال الذين في البيت وقتلهم أمام أعيُننا بكل قساوه دون ان يرف لهُ جفناً