"" جحيم منذ 2014""

الجحيم السادس

بقلمي: مريم الطائي🕊️.

متابعه الحساب ؏ الواتباد:- jvno_7
متابعه الحساب ؏ تيك:- 5m_2jj
متابعه الحساب  ؏ انستا:  1joml0

التصويت للبارت + التعليق بين الفقرات.

. بسم الله الرحمن الرحيم.

دخلنا لبيتهم كعدنا لحد العصر بابا وماما راحوا للسوك جابوا مسوك وحلويات لجهالهم والنه وبقينه نلعب بره البيت. 

وشويه ورحنا لبيت خالو الثاني بمنطقه *** هم نزل بابا جاب مسواك وحلويات وتوجهنا لبيت خالي وصلنا يمهم دك هورن بابا وطلعوا مرت خالي  وبيبيتي وبنات خالو ولد.

دك هورن بابا وطلعوا بيبيني وبنات خالو ولد خالو الكبار سلموا ؏ بابا وعلينا كُلنا ودخلنا البيت. 

الي كاعدين بي هيلك عباره عن فقط شبابيك وبلوك ومسلح من فوك الارضيه وجام مابي دخلنا يمهم. 

ونزل بابا المسواك ودخلنا للبيت شويه شويه كامت الجيران تجي للبيت تسلم علينا وتسأل ؏ وضعنا. 

الى المغرب مرت خالو جابت ضيافه كعك وجاي وكُلنا كعدنا بصف بابا نأكل من خلصنا بابا حجه:-

اياد:- هاي فلوس الكم وجهال خالج روحوا اشتروا ولعبوا بره.

كمت اخذت الفلوس من بابا واخذت اخواني والجهال وطلعنا اشترينا ولعبنا بره ويا جهال الجيران.

الى الليل اجا خالي من الشغل وكُلنا صحناا خالوووو هو جان يمشي ويضحك لمنضرنا نركض اله نزل لمستوانا بوس كُل واحد بينا وسأل:-

_ امكم جوا؟

هزينا راسنا بمعنى اي موجوده جوا. 

دخلنا للبيت ماما ومرت خالو جانوا ديسون عشه. 

تحمم خالي وكال:- احممم السلام وعليكم هاي منو جايين اليوم؟

ماما سرعان ماسمعت صوته دارت وجهه الها رادت تحجي بس الخنكه جانت واضحه عليها ومكدرت تحجي اكتفت بالبكاء وكامت تبجي ركضت الها وحضنته وهو بادله الاحضان اثنينهم يبجون ويحجون كلام بيناتهم.

ابتعدوا عن بعض وراح خالي كعد يم بابا وماما مرت خالي دايسون عشه. 

شويه وكال خالي:- يلا ياجهال اياد كوموا اوكفوا ب السره حتى انطيك حلويات.  .

ضحكنا كُلنا وكفنا ب سره من اكبر واحد الى اصغر واحد واخذنا الحلويات منه. 

ضلينا كاعدين نضحك ويا اهلنا الى الليل صار وكت العشه وتعشينه وخلصنا. 

خلص العشه صعدنا اني واخواتي وجهال خالي فوك بيت خالو نشوف جمال المنطقه والشارع مل *** والاناره تجنن بين الشوارع  وازدحامات وناس تمشي وامان ضليت صافنه ؏ الشوارع والهدوء.

فزيت من صفنتي ؏ صوت ماما وهيا تصيح:-
الام:  يمه فاطمه لا توكعون فوك مابي ستاره. 

فاطمه:- لا ماما منوكع. 

ضلينا فوك شويه واجوا بابا وماما هم ويانا لان نمنا فوك نحنا وجهال خالي. 

صعد بابا وكنا نلعب ونضحك وبابا يضحك ؏ ضحكتنا وكُل ساع ينبهنه لا نوكع. 

اياد:- بابا لا توكعون ارجعوا البيت مابي ستاره ولجن بابا اكعدن عيب منا الشارع لا يحسبون نسوان ولجن يلا ؏ نوم.

الام:- لكن شنو هما رجال؟

بقينا نلعب ولا نسمع الكلام وبالنا مو ياهم لحد ساعه 12 تعبنا من اللعب وصاح بينا بابا للنوم. 

كل عاده كُل واحد راح لمكانه الخاص للنوم. 

كعدنل الصبح ؏ صوت العصافير والشمس ضاربه بوجهي كمنا شلت افراشي وكملت نومتي جوه يم المبرده.

سألت ماما بين الصاحيه والنايمه:- وماما ماتجين تكملين نومتج؟

الام:-لا ماما نامي  انتِ  اني اروح اسوي ريوك لابوج. 

الام::-

نزلنا من فوك البيت ونومت الجهال يم المبرده ورحت اسوي ريوك لأياد واخوي وامي. 

سويت ريوك وكعدنا نأكل خلصنا وكال اخوي:- سفره دايمه عاشت ايدج. 

الام:- بل عافيه خويه. 

راح اخوي للدوام واياد وامي كاعدين يحجون كمت شلت الريوك ورحت للمطبخ واسمعهم يحجون:-

_الحجيه:- شلونها الاوضاع الانبار؟

اياد:- ان شاءالله اكو تحسن وعن قريب نرجع.

الحجيه:- تنعى وتبجي نعاويها لتبجي لصخر وصوته لحزين والله لونج تراب اه ياخيه ديرت هلي لونج تراب والله خير من ديار لجناب كعدنه كعدنه بيام لمضن يعيني ولله كعدنه وتعللنه وخوش كعده كعدنه.

كام اياد باس راس امي وحجه وياه طمنها انُ ماكو شي وامان وعن قريب راح نرجع.

واني ادري بي جذب بس يطمنها لان الاوضاع كُل ماجالها داتزيد اكثر واكثر. 

فاطمه::-

كعدت من النوم و؏ صوت بيبي كعدت من سمعت صوتها مر شريط حياتي كُلها ايامي. 

وتذكرت ايام منطقتنا من نلعب ونضحك اني وصديقاتي ونروح بنص البساتين ونركض لو بحديقة الجيران ونلعب ويا لوسي مل جيرانه هيا واطفالها الصغار وناخذ موبايل بابا نصور بي ب لحضه يوم وليله نخربت حياته وصرنا متغربين او بالأصح لاجئين ونروح من مكان لمكان ومو مستقرين حمدت ربي انُ اهلي عايشين وياي كُلشي مريد الباقي يجي بعدين. 

يتبعععع...... 🕊️