رقيه . رجعت البيت ومحمد راح البيتهم اني دخلت سلمت وصعدت فوك اخذت ملابسي ورحت الحمام سبحت وطلعت
دخلت الغرفتي بدون ما امشط ذبيت روحي على جربايه ويلي سبلت مشتغل وبارده الغرفه ردت انام اجت منى
منى . رقيه كومي تغدي
رقيه . نعسانه اريد انام
منى . لازم تاكلين لان ما متريكه
رقيه . تغديت قبل لا اجي البيت
منى . شلون
رقيه . محمد خذني المطعم وتغديت
منى . عمي خوش محمد مدللج
رقيه . اريد انام ممكن
منى . اي راح اطلع
رقيه . طلعت واني نمت نومه تخبل بدي ما اكعد
نمت هواي وكعدت بل ليل نزلت رحت الستقبال حتى وجهي ما غاسلته وشعري كوشه دخلت شفت ولد عمي كلهم كاعدين ومحمد ضل صافن عليه بعدين نزل راسه وخله ايده على وجها ضل يضحك
نذير . شني شبي وجهج هيج وشعرج عبالك منتوله بل كهرباء
رقيه . بابااا
ابو امير . اسكت ولك لا تحجي عليها
ام امير . روحي غسلي وجهج ومشطي شعرج
رقيه . رحت المطبخ غسلت وجهي
وصعدت الغرفتي اخذت مشط مشطت شعري
يا فشلتي اووف المفروض ما انزل هيج خرب حضي
بدلت ملابسي و عطرت ونزلت جوه بس ما دخلت الستقبال استحي ضليت كاعده بل صاله ورا دقايق طلعو من الستقبال واني طفرت المطبخ انتضرتهم يرحون
اجت منى يمي
منى . رقيه تعرفين ليش اجو ولد عمي
رقيه . واني كاعده يمكم حتى اعرف ليش اجو
منى . اجو علمود عمو ناصر
رقيه . شبي
منى . راح يجي العراق هو وبناته
رقيه . هلا بيهم
منى . مو بس هاي
رقيه . شنو بعد
منى . ازل راح تبقى عدنه
رقيه . اي شنو الغريب بل موضوع
منى . اني فرحانه كلش لان راح تجي صديقتي
رقيه . سرور هم تجي عدنه
منى . مادري بس كالو ازل راح ينقلونها هنا تدرس
رقيه . اكلج
منى . كولي
رقيه . ما حجو شي من اني طلعت من الستقبال هم ضحكو عليه
منى . لا بس نذير ضل يحشش عليج وبوي يرزل بي
رقيه . أمم تمام اني جوعانه شنو سويتي عشه
