البارت ☆ 46
؛ زهراء ال جبار ؛
_____________________
مُنى...
كعدت الصبح اخذت ملابسي ودخلت للحمام
كملت وطلعت مشطت شعري ورتبت نفسي ونزلت
صبحت على اهلي وتريكت
امي ما تباوعلي ابداً لان وافقت على اراي و هي تعرف انو اني و اراي عاقدين
تريكت واني بعيني الدمعه حابستها
خلصت ريوك وأخذت جنطتي الصغيره واكفه يم محجر مال درج انتضر ست رقيه كمل
واخيراً شرفت نزلت ابرهاوه وعلى كيفها واني اطكطك رجلي بل كاع
رقيه . كعدت اليوم كوه علمودج
مُنى . يله عاد فضيها
- نزلت وردنه نمشي
- استوب استوب انتضروني
- درنه شفنه ازل واكفه على درج ورافعه رجلها تلبس بل حذاء ابستعجال وتنزل من الدرج
ازل . انتضرني لا ترحن بس البس حذائي
مُنى . ما عنده شي نتضر ليش لا
ولججج تأخر الوقت
رقيه . اهووو والله خبصتينه الي يشوفج يكول اول وحده تنخطب
- كلبت عيوني ما جاوبتها
كملت ازل الدرج و ردفت ابتسامه
ازل . كملت
- طلعنه من البيت لمحت منتجي على سياره
ويدخن شافني ذب جكاره وسحكها ابحذاء
تقدمت اني والبنات يمه سلمنه هو رد سلام
وحجه
اراي . صعدن خل اخذجن للسوك
مُنى . لا ماريد نتعبك السايق ياخذنه
اراي . لا تعب ولا شي
- فتح باب السياره واشر نصعد وحده ضلت صافه ابوجه الثانيه وحجه
اراي . اني البارحه اتصلت على ابوج كتله باجر اخذ البنات السوك على اليوم
- صعدت ورقيه صعدت و ازل وسد الباب وصعد يسوق طول الطريق
لاحضت رقيه ما شالت عينها عن اراي ادقق بي
ومركزه كلش ويا واني غرت المفروض ما اغار لان هي مخطوبه ال محمد فه على شنو اغار
ثواني معدوده ردفت رقيه ابصوت مسموع
رقيه . مُنى اراي مو يشبه الشخص الي تحلمتي بي؟؟
- فتحت عيوني وخزرتها عود يفيد
رقيه . شبيج تخزرين والله مو شقه
مو يشبه الي بل حلم عيونه سود واسمر وشعره اسود وضخم نفس مواصفات
كتيلي هيج
- خزرتها وعض على شفتي حتى تسكت
بعرتها اخر كلمه كرصتها وهي صرخت
رقيه . اويي شبيج كرصين
